ديوان شاعرة الحلم مها الرياض

عالمي عالم مثالي
عالمي كله خيال
اعترف انه خيالي
بس يحقق لي المحال
فيه احلام جميلة
شي يقال ولا يقال
فيه انادي ... حبيبي
بصوت عالي تعاااال
واجلس اطالع عيونه
واقول له شعر وموال
وامسح من يجي حوله
وحتى حقين الجوال
وافخر في حبه واماري
واقول هو بطل الابطال
وبقول هو عنتر زمانه
كيفي في نظري خيّال
وبلغي بعد كل ظروفه
بخليه .. شبه احتلال
وبقول... احبك احبك
في عالمي بس تنقال
في هالعالم ...الجميل
المها مايجيها جفال
لاخوف من اهل وقانون
ولاسمعة ابدا تغتال
ومااحد يقول هذا عيب
ولا احد يقول انحلال
صراحة احلى من الواقع
اسوي مايخطر ..بالبال
وبعد شوي ارجع للواقع
وعن عالمي ينقطع الارسال
بقلمي

المسافة بيننا ماهي قريبة
بس احسك يالغلا مني قريب

ان تكلمنا شعرت بنبض قلبك
يرسل احساسه ونبضي يستجيب

ويتوحد نبضنا في ارسال واحد
ترجمه حس الشعور الى حبيب

عندها عرفت انك شخص غالي
وان قلبي من نظر عينك صويب

اه ياقلبي وش اللي بس حدك
تعشق اللي دايم عنك ...يغيب

قال ياعين المها ماهو بكيفي
لو بكيفي ماعشقت ابدا غريب

قلت ياقليبي صراحة انت صادق
المحبة يا تصيب اوممكن تخيب

المحبة دربها فيه ناس واجد
مايردهم لاجنون ولا مشيب

شوف قيس انهبل لعيون ليلى
اما عنتر قبّل السيف العطيب

لاهوى قلبك تبع خطوات خله
بيتبعه لو كان ماله أي نصيب

يعني حنا لا هوينا فعذرونا
لاتلومونا ترا جدا صعيب

كلمات شاعرة الحلم مها الرياض

اكتب وامسح و ارجع اعيد
وانت تحرى وش اللي بكتبه


اكتب واكتب واكتب والجديد
هذا حرفٍ امسحه وهذا اشطبه


الين مايبقى ولا شي ...مفيد
كلام ماينفهم حتى ولو ارتبه


ودي اقول احلى كلام لكن مااجيد
عندي اعاقة في المشاعر مرعبه


تصدق ماينجح معي غير القصيد
بقول فيه اللي ابي وانت استوعبه


ان جيتني تراه عندي.. يوم عيد
اما غيابك ياويل قلبي مااصعبه


حبك ملك قلبي من الوريد للوريد
لو مااكتبه صدقني قلبك حس به


اكيد احبك واعشقك ...اكيد اكيد
ياعين المها انا فيك جدا معجبه


لبيه لاشفتك ولو بس ...من بعيد
هذا دواء قلبي ومناه ...ومطلبه


وشلون لاقلت يالمها وش الجديد
يروح ليلي بين كلامٍ ماعرفت ارتبه

ودي اقولك عيد يعمر بيتك عيد
كلامك اسعدني واخذني لملعبه

وانت تتسائل بالله هذي وش تريد
هالشاعرة حلوة ولكنها جدا متعبة


طيب فديتك ركز في حروف القصيد
او طالع عيوني وبتلقى كل الاجوبه

اغليك في ذمتي اغليك حصري لهمسات الغلا

لبيه ياكل الغلا لبيك
ماغيرك احد على بالي
اغليك في ذمتي اغليك
في ذمتي ماغيرك الغالي
ياروحي قلبي تعلق فيك
وماظن تخفاك احوالي
محبتي مابها تشكييك
احاكيك حتى لو لحالي
ان جيتني الله يحييك
يانور عيني وكل امالي
يفز قلبي لاسمع طاريك
ولرضاك المر يحلى لي
مااقول غير الله يخليك
والله يجيبك دايم قبالي
ان غبت ياحول احتريك
كني في الصحراء لحالي
بالله ماتدري شكثر اغليك
ياليييييييل ياطول غربالي
اكتب حروف الغلا واهديك
واهديك قلبي يابعد حالي
ياويل ويلي كان مايرضيك
انا اشهد اني مت طوالي

قل لي صباح الخير لو كان بالليل

مفعولها ياهو مهدي للاعصاب

صحيح جملة بس كنها مواصيل

يفرح بها اللي من الغلا خافقه ذاب

ان غبت عني لاتغيب المراسيل

حتى ولو بكلمةٍ مالها اعراب

افز لك فزة عسيف من الخيل

او واحد عقب البطى شاف الاحباب

واغليك واحبك واعشقك بالحيل

كانك حضرت اذوب من قو الاعجاب

دموع عيني في غيابك هماليل

ياويل قلبي اغرقت سود الاهداب

لاضاق صدري قمت اجر المواويل

هو صحيح .. صحيح.. الهوى غلاب

ياصاحبي يابعد الجيل الاول وهالجيل

قل لي صباح الخير ترا خافي ذاب

بقلم شاعرة الحلم مها الرياض

بسم الله الرحمن الرحيم
اخواني واخواتي
بمناسبة مرور سنه لي معكم
في منتدى همسات الغلا
اود ان اشكر مديرنا النازف على حسن
الاستقبال في منتداه العامر
ووقوفه المشرف بجانبي والاخذ بيدي
وتشجيعه لي حتى وصلت ال ماانا عليه
كما اشكر ادارتنا الموقرة على حسن الادارة
وتوجيهاتها السامية
واشكر اخواني واخواتي الاعضاء على
معاملتهم الحسنة وحبهم وتقبلهم لي بينهم
وكأنني واحدة منهم وكأننا اسرة واحد
ارجو مسامحتي ان اخطئت بدون قصد
ولنبدأ صفحة جديدة في العام الجديد
جعله الله عام خير وبركة على الجميع
وكل عام وانتم بخير
وبهذه المناسبة اهديكم هذه القصيدة







سجلت في 1- 16 - 2000
في منتدى النازف الله يديمه
المنتدى راقي وبه ناس راقين
ناس لهم في سلم المجد قيمة
مرت سنة كأنها بس يومين
لبيه يااجواء الهمسات ونسيمه
الواحد يسوا له من الناس سبعين
والبنت في همسات الغلا مستقيمة
ومديرهم شيخ من كبار السلاطين
وادارته يمشون بخطة حكيمة
يستقبل ضيوفه بمرحب واهلين
ويساعد المحتاج.. بنية سليمة
كريم وسنافي وطلق الحجاجين
وطيبه كما غيث تقفاه... ديمة
والنعم في الاعضاء ماهم رديين
مثل النديم اللي يحاور نديمه
البعض منهم مركزه بين (قوسين)
عندي مكانتهم جدا ....عظيمة
والفتهم كني معاهم من سنين
وكسبتهم وهذي اكبر غنيمة
وحطيت لي ديوان مع الدواوين
ومجلس فيه النشاما مقيمة
ومدونة من زينها تبهج العين
علاقة الزوار معها حميمة
والحمدلله ماطلع لي معادين
ومن فضل ربي ماحصل لي ظليمة
عطوني حقوقي وافية الوفيين
اغلى العطايا اللي لها جد قيمة
من شاعرة ثم شاعرة حلمٍ الين
وصلت للصفوة بمنحة كريمه
من جاء همسات الغلا يبشر بثنتين
الترقيات وان مااحد... يضيمه
همسات مثل الام في طبعها اللين
مهما قسينا تبقى فينا رحيمة
ينعاد عيدي ياعرب قولوا امين
ويكفيني وياكم شر الهزيمه

قالوا ياشاعرة
الحلم
لكل بنت فارس
حلم
تبيه امير وبعد
وسيم
وعلى حصان ابيض
جميل
يخطفها من بين
الانام
ويطير بها مع
الاحلام
هل انتيِ ياحلوة
كذا
نبي صفاته كلها
طيب او قاسي
او حنون
واكيد اكيد مره
مزيون
قلت لهم ياخي
تصدقون
ماعمري شفته
بالعيون
لاكن قلبي يعشقه
من غير حصان
ولا يحزنون
حبيته لحد
الجنون
من طيبته
من كلمته
من وقفته
وشهامته
واحساسه العذب
الفريد
قد اقتحم قلبي
العنيد
واصبحت اسيره
في هواه
وعيوني تّتّبع
خُطاه
اذا ضحك زان
المزاج
واذا زعل
جاني انزعاج
احبه حب
الاولين
واعشقه عشق
مكين
الحب احساس
خفي
لاكنه احيانا
يبين
اذا ذُكر اسم
الحبيب
يوه مدري وش
يصير
يجيني احساس
خطير
ومن الفرح ودي
اطير
ودقات قلبي
تختلف
وعيوني تنظر
للسما
واتخيله لي
يبتسم
وابدا ابتسم
واتمتم ببعض
الحروف
مغلفة بشوي
خوف
اخاف فيني
يفطنون
ويتهموني
بالجنون
او يسالون
ويعرفون
من هو حبيبي
اللي يمون
على قليبي والعيون
احبه حب فاق
الخيال
لايعترف باي
مُحال
ماله حدود
غير السما
وانقى من ماء
الغمام
مااجمله هذا
الغرام
يستاهله
اغلى حبيب