شاغب وخربش كما تريد

بعض العرب من جور الايام مجروح.... وبعض العرب دله وسالي ومرتاح
مرتاح ماشاف الطباشير واللوح .... ولا راح وقته بين تحضير وصياح
حصه نشاط وبالتعاميم مذبوح .... وبين الاحتياط وبين الاشراف سواح

خزنت لك بالقلب عشره ملايين.... ماهو رصيد فلوس لكن موده
زكاة حبك هي غناة المساكين.... من الساحل الشرقي الى حد جده
بمشي معك والله على العسر واللين .... الموت والمقسوم ماحد يرده

ابيك تدري صوتك العذب لاغاب ....احس نفسي تنكسر من غيابه
كذا غيابك للحزن يفتح ابواب.... غصب علي البس شقاه وثيابه
ادمنت صوتك وأن تثيقلت كذاب .... من يعشقك لاغبت يفقد صوابه

محد يشق القلب من غير تفكير .... حتى الكاتر ترتجف ثم تحتار
الحب يشق القلب من غير تخدير .... ويبني قصور بداخل القلب وانهار
هذي نصيحه قلتها بصدق وتعبير .... وارسلتها للي حافظن كل الأسرار !!

لا لاتلوم القلب يوم إنه اغلاك.... وش حيلتي مدام قلبي عصاني
غصب علي قلبي يوديني هناك.... جيت اشتكي لك من عذاب الزماني
ياروح روحي وش حياتي بلياك.... لاشفت زولك ارتبك في مكاني