مدونة أو ربما دندنة

في القلب بحتك مسموعه
وعالخد بوستك مطبوعه
أثر الدلع مو بس في الأشخاص
حتى مشاعرك ( دلوعه )

صحيح جيتك والوعد كان معلوم
حلو اللقا خلى الوعد مثل صدفه

حتى قهرنا بكره وأمس واليوم
واما الظما مقهور ..من كل رشفه

ياكثر ماجا صباحي احتري اشراقك
واقول خلي من اللي يقدر يجيبه

لانك سبب حزني اللي صار بفراقك
دللت حزني وألبي له مطاليبه

حظ النسايم على تحريك فستانها
وحظ الثواني تعيش بأصغر أزمانها
وحظ الشخوص اللي تسكن داخل اعيانها

ياالبارحه
وش كثر كنتي فاضحه

وش كثر كنتي جارحه

يالبارحه


البارحه :

طاحت من غصون الصدر

( رمانة ) البوح القديم

وادري انها حست بأني

ياميتّم في هواها

أو هواي هو ( اليتيم )

مدري إهي ماتت علي

أو خفت انا منها ( علي )

مابين فيّ

وبين ضيّ

وبين غيّ

وبين غيم

جربت ألوان الغموض

بس انفضحت

كتبت بعيوني ( النهوض )

بس انمسحت

لكن قدرت

أعشق واهيـــم

أعشـق واهيــم

يالبارحه

البارحه :

جتني تسولف تبتسم

باعذب نغم

من فرحها

وانا اسولف وابتسم

باغرب ألم

من جرحها

ليلي يتوب فـ صبحها

جدّي يذوب فـ مزحها

أحبها

أحبها

أحبها لو مادرت ...واحبها لو أبحرت

في قلب انسانٍ جديد

يهدي لها اوزان القصيد فـ مدحها

وتهديه أصداف الغلا

ومرجانها

كافي علي أوقف

بشط احزانها

واجمع ( بقايا ) ملحها

يالبارحه

صباح الحب ياخلي
ياعمري وقلبي وكلي
صباحي فيك يتجدد
وضيك يسكن بظلي