هذيان الرسائل

كنت مشغولاً بها وهي ترحل
اسمع حيرة نبضها
كان في خطواتها جدال
صمتي العاق اولج ازارير حقائبها
لم اعد اقوى على نطق الرجاء
ولم اعد كما كنت حين عرفتها
لا نائل وصل ولا تتقيأها الذاكره

ما الذي يعنيه رحيلك من وجعي
هو ما تبقى لي من حياة

بؤسك يغري الدمعه فتستطلع وجهك الكثيف بالفقد

من منكم سمع تغاريد الملح فوق النار


تعالو واسمعو تغاريد الملح في جرحي

هنا كتبتك

لكِ اتذكر شيء مني

صرخة عتاب من الجوى غردة اوف
طفيت جمرك بي احمي الحديده
دونك معاليق الحشا كلها نزوف
هذا خفوقي وش بقى في وريده
ان مريت يمك يقولون ملقوف
وان جيتي يمي قيل جته الطريده
انتي القمر اللي بالسما نعشقه شوف
وانتي مداره والافلاك البعيده
من الفرقى غدى لوني اليوم مخطوف
ابطى ولا الساعي يوصل بريده
ارقب على ظلع العلا براس شاحوف
ناديت ويرد الصدى لي واعيده
وليا هب من يم المحبين نفنوف
اشم من ريح الصبا انفاس غيده
راحت وانا جفني تيازير دالوف
الله يعز بلادها وهي سعيده
تلبس حرير وبمهجع الغرو شفشوف
جاها طلبها ولبو لها ما تريده
وانا على النكبه ثيابي من الصوف
واطرافي ترجف بالبرد مع جليده
كتبتها بوشم الخضر فوق الكفوف
وسجلتها بصدري احلى قصيده
لا حظي اسعفي ولا ني بمسعوف
وان قمت من عثره رمتني مكيده
رمحه طعني وانطوى بوسط شرسوف
لانازعه عني وعيا يعيده
ليته ثناه بطعنة ٍ تقطع الجوف
او ياليت بي كل الجوارح بليده
لا ماكل هم العنا وعنه مصروف
ماغير له الكشخه وهاتف بأيده

اسألني الركود
ولا ثبات للروح
متعب هذا الجسد
وددت ان يبادلني مكانه الظل