الناس واجد .. والمشاعر قليله

تصـدقيـن .. والا أحلـف بـاليميـن
ان طيـفك .. مـا يغيـب ومـا يزال

لك بعينـي .. صـورة ٍ دايــم تبيـن
بالسؤال اللـي يمـوت مـن السؤال

وين؟ كيف؟ القاك والزحمه سنين
والليــالي اللـي تبـعـْدنا .. اطـوال

هـي كـذا الدنيـا .. لها حكم ٍ لعين
البعــــاد .. والفــراق .. والمحــال
.
.
.
نظر

ماكل من يضحكـ بـ وجهكـ صديقكـ
بعض البشر شرَّهـ بـ ظل ابتسامة

فاتنه
.
.
.
وهو في قـرار النفـس لا ما يطيقك
ووده لـو إنـك مـا تشوف الســلامه

وعن مــاتبي .. وده يقـوم ويعيقك
وإلا يحـط بسكْـتك .. الــف شـامه

ياصاحبي .. أحذر .. وثمن طريقك
وشف من تخـاوي أو تطيح بغرامه

ولا تشتكي للنـاس حـزنك وضيقك
شكـواك .. للـي يتـصـف بـالـرحامه

الله ولا غيــره ... وبعـده شـقيـقك
هم .. من ينّور سكْـتك فـي ظلامه
.
.
نظر

.
.
موضوع وفعاليه راقيه ..
نشكر الاخت فاتنه على المجهود الأنيق ..

الليل يهـدأ .. ويبدأ ليلي الثاني
ومابين هذا وهذا عندي افروق

هـذاك مـن أوْله رايـق وسـلاْني
وهـذا بـدأ .. فـي قضبـة حلوق

ياليل .. ياللـي تضمك أحضاني
ياليل .. كلــي غـرام .. وشووق

ياليل .. دام العمـــــر .. فـــاني
حرام .. ااموت بك مخنووووق
.
.
.
نظر

أنا مقصد لجـل أصير الشـاعر المشهور
أنـا حـدْي .. شعـوري هو وأحاسيسي

وحسب داعـي شعـوري لاغــدا منثــور
وحسب داعــي أحاسيسي وتحسيسي

ألمْه .. واجمعه .. وآآخـط فيه اسطـور
وأشـكْل به .. حسـب ذوقـي وتقييسي

ولأني ما أحب آزوّد في وصف الشعور
أحـاول .. أرسـمه رسـم .. بقـراطيسي

أحبه مختـصر .. واضـح .. كمـا البلـور
وبه لحن الهوى .. اللي فـي هـواجيسي
.
.
.
نظر

باين على الخاطر مهو زي أوّل
متغيّـر .. وشـايل .. وزعلاني

الصـاحب اللي علينـا .. طوّل
مدري نسيني .. أو ..تناساني

ومدري عـلامه علي .. اتحوّل
وأشـوفه أصبـح بحال ٍ ثــاني

يمكن .. سمــع له أحـد يتقوّل
أو جـاه عنـي خبـر مـن ثـاني!

ياصاحبي أنا الصحيب الأول
وأنـا علـى خبــرك .. وتلقـاني!
.
.
.
نظر

يارب .. قـوّمهــا بخيـر وسـلامه
يارب .. تكفيهــا الجـروح والمْها

واجلب لهــا يـارب كـل ابتسامه
علـى محيــا وجـــههـا تبـتسمهـا

مبطي وهي في حلمها مستهامه
يارب .. حقـق حلمهـا لاتحَـرمها

اقولها .. مـن قلـب غـاية مـرامه
انه يشـوف افراحهــا في قممها
.
.
.
نظر

بديـت أحـس انـه تقصّـد كـلامه
وانـه يعـاتبني علـى كـل مـاقول

مـدري زعـل او هو هـذا نظامه؟
والا سبب عني مخفْئ ومجهول
.
.
نظر