رـآآويــةة نـور الكــوون

_ البارت الثالث عشر _

فارس جالس يناظر الجوري مصدوم وقال وهو يبلع ريقه : شنو تسوين هنا وشو دخلك للمجلس
ولف راسه لجهت المكان الي قاعــد فيه إيـاد و .......................


""""""""""""""""""

رؤى : ياربييه شفيها دي تأخرت كل ذا تجيب العصيي ..,
لجين : خرفتي انتي تكلمين نفسك
رؤى : لا بس الجوري راحت ......... ولا اقولك مالك خص


""""""""""""""""""""

طــق طـــق >>>> الباب

.....: مابي أشوف أحـد
........: حتى أنا ..؟؟
عزام : ملاك الله يخليك مابي اشوف أحـد أبي أقد بحالي ممكن ..؟
ملاك : طيب بس بقول لك كلمتين وأنت بكيفك
عزام قام وفتح الباب
ملاك : بنتكلم عند الباب ..؟ تعال للصالة هنا
راحوا عزام وملاك للصالة وعزام طول الوقت ساكــت
لمّا قعدوا
ملاك : بسألك سؤال واحـد بس بعدين بتركك بحالك
عزام : ............
ملاك : انت علشان الي رفضتك ماتبي تتزو.........
عزام قاطعها وهو يقوم : ملاك ادا على هالسالفه ف سكريها لأن أنـا مابي انصـدم مره ثانيـه من رفـض الي ( بغصه ) بخطبها
ملاك حزنت على حال اخوها : طيب اجلـــــس برويك حاجـه وأنــت بكيفك .., بس اسمـع وبعديــن روح وين ماتبي طيب
عزام : ادا على سالفة الزواج ف ما أبي
ملاك : انت اجــلس وأسمــع ولا عليك يا أخــي
جلسوا عزام وملاك ..
ملاك دقت بجوالها على أحـد
عزام : الحين مناديتيني وبعدين تكلمين
ملاك : أنتـظر شوي
ملاك قامت .: لاتتحرك
راحت بعيد شوي وتكلمت بصوت بحيث مايسمعه عزام
بعـد ماجات وهي لسى تكلم
ملاك تكلم بالجوال : فجور شنو رايك بأخويي عزام
طبعاً كان سبيكر
فجر : وه وه واحـد يججنننن ومثقف إلخ إلخ
ملاك : هههههههههههه عجبتني إلخ الموهم لو يخطبك راح ترفضي
فجر : شايفتني مجنونه ..,
ملاك : ههههههههه طيب فجر اكلمكِ بعدين بيباي
فجر : بايووو



ملاك : ها شرايك
عزام للحين منصـدم
ملاك : عزاااااااام
عزام بهدوء : من دي ..؟؟
ملاك : صديقتي وصدقني هي تمووت فييــك من لمّا كنت معها بالمدرسة وأنت توصلني كانت تتغزل فيك ومن هالكلام
عزام بسخرية : هه ..., أكيـد تطنز
ملاك انصدمت من رده : عزام شفيك
عزام : انتو مجانين ولا شنو اعيد وأزيـد لكم بالكلام مااااااااااااااااابي أتزوووج تفهموون ماااااااااااااااابي وهالسالفه شييها تماماً من راااســــــك
ودخل غرفته وسكر الباب بقوه
ملاك نزلت منها دمعه وعلطول مسحتها

""""""""""""""""""

دخــل الشقـه ولقـى المكان هدوء وحتى مافيه ضوء غير ضوء خفيييف مرره

راح للغرفــة وكــانـــت الصدمــه لمّـا شـاف رنـــــــا طايحــــــه بالأرض وفاقدهـ الوعـــــي

شالهــــــا بسسرعه ولبسها العباة والشيلة بأهمال وعلطول راح بهـــى بأقــرب مستشفـــى

""""""""""""

فارس جالس يناظر الجوري مصدوم وقال وهو يبلع ريقه : شنو تسوين هنا وشو دخلك للمجلس
ولف راسه لجهت المكان الي قاعــد فيه إيـاد و .......................
فارس : وينــه ..؟؟
الجوري ارتبكت من فارس وهو يتكلم بهاللهجه : فاارس ششفييك مافيي أحــد هنـــا وأنـــت تشــوف بعيــنك
فارس : أنتي اصلاً ليه داخله المجلـس
الجوري : كيف ليه يعني كنت جايـه أخـذ حاجـه لأن بروح أنـام عنــد رؤى ..,
فارس شاد على اسنانه : طيب دلفي برا بسرعه
الجوري خافت وعلطول طلعـــت

فارس يتصــل على إيـاد
فارس بعصبيه : الو وينك أنــت
إيـاد ألرتبك وقال : فارس أنـا أسف إني طلــعت بسرعه لأن أختـي أتصلـت علي وقــالت أنه الوالدهـ تعبانه ورحــت لهم عطول من الباب الخلفــي
فارس تنهد : طـيب هي بخيـر ., بس حتى موقفك المفروض تقول لي على الأقــل
إياد : أنـا أســف وحقك علي .,
فارس : طيب الحين اتركك مع السلامــه
إيـاد : مع السلامه




_ إيـــــــــــــاد _
شخصيــه جديده بكون له دور بالقصــه
الأسم ., إيــاد .,
العمــر ., 25 سنـه .,
المهنـه ., دكـتور أسنان مع فــارس بالمستتشفـى .,
السيــرهـ ., يعيـش ببيت يتكون من طابف مع أمـه واخواته [ نوف .. أصايل .. شهـد .. وسن ] .. وعايشيين بخير وسلام ومو محتاجيــن شي ., .. وراح نتعرف عليهم بأحداث القصـه
وبالنسبـه لشكله راح نتعرف عليه بعديـن كمــان .,

"""""""""""""""""

بسيارة ريــــــان
دخلوا رؤى والجوري
ريان : سنــه
رؤى : امشي الله يخليك
ريان حرك السياره
امّا الجوري فكانت سرحــانه بالوضــع

"""""""""""""""

بالمستشفــــــــــــــــى

كان بنـدر واقـف عــند باب الغرفة الي فيها رنـا
بندر ودقات قلبه تزيــد بقوهـ واتصل على احلام
بندر وصوته باين انه ببكي : الو احلام
احلام بخوف : بندر شفيك صاير شي لرنــا
بندر : تعالي بمستشفى ##### رنا طاحــت علي
احلام : شنووووو
بندر : بسرعه باي
وسكر منهــا

""""""""""""""""""

ببيــت أبو رائد

_ الساعه 9 _

وصلوا رؤى والجوري ودخلوا
الجوري : هلا وغلا خالتي شلونك ايش مسويه ..؟؟
ام رائد : ياهلا الجوري حياك .., اني بخير الحمد لله انتي شلونك ..؟؟
الجوري : عال العال
ام رائد : على حظكم رسيل بالمطبـخ روحوا لهـا
رؤى : ان شاء الله يما ..
ام رائد / وينه ريَان ..؟؟
رؤى : يقول معزوم
ام رائد : اهاااا

"""""""""""""""""""""""""""


(( بيت أم إيــاد


كـانوا جالسين على طاولة الطعـام ينتظرن أمهم تجيب الأكل



أصايل : يلااا مااااااااااااااااااااام ويينك جوعانين كثييير
(( أصــايل " مخطوبة من واحد اسمه عمر يقرب لهم من بعييد ويحبون بعض ., وعمرها 23 سنه ماكملت الجامعه ثانوي وتخرجت .. ومن ناحية الجمال حلوة ومايعيبها شي ))
وسن بملل : ؤفـ انتي ماهمك غير بطنك بجد ناس .. استغفر الله خلني ساكته أحسن
(( وسن " انسانه كريييهه جااامده وماخذه الدنيا ايزي ولا مااتعصب ابداً وماتحب تبكي قدام أحد جاامده قطعة جلييد ., عمرها 19 سنه أول سنه جامعه ومن ناحية الحمال فهي قمر .. شعرها لنص ظهرها لونه بني فااتح وبشرتها بيضاء وعيونها بني غاامق مرره .. ))
ام إيـاد : خلااص وسن
وبدوا بالأكل

""""""""""""""


ببيت ابو رائد بعـد العشاء
بالصاله ./
رسيل قامت
ام رائد : على ويين رسيل .؟
رسيل : ولا شي يمه بروح لأبوي أبيه بكلمتين
ام رائد : اهاا براحتك
بعـد ماراحت رسيل بثواني
قاموا الجوري ورؤى
ام رائد : وانتو كمان على وين .؟
رؤى ببتسامه : سلامتك ياحلوو بس بنروح وبنجي
ام رائد : أصغر عيالك أنا شنو ياحلو
الجوري تصرفها .: تدلعك خاله . يلا رؤى

وركبوا فوق وملزقيين اذاينهم بمكتب أبو رائد

داخل المكتب .,

أبو رائد : هلا يبه رسيل آمريني
رسيل مشبكه ايدينها : يبه بقول لك طلب وبليز ماتردني
أبو رائد : ماعاش من يردك .. ها يبه فيصل مزعلك .؟
رسيل بسرعه : لاااا يبه مادخل فيصل بالسالفه بس ...
أبو رائد : بس شنو .؟
رسيل : اممممـ .. تذكر صديقتي رنــا ..؟
أبو رائد : لا وانا مادري عن صديقاتكم
رسيل بأحراج : امممـ .. هي اليوم جات اليي و
ابو رائد ينتظرها تكمل
رسيل : هي الحين تزوجت وحامل لكن يعني زوجها طردوه من الشغل وتقول اليي اني اكلمك واذا تقدر توظفه بالشركه عندنا
أبو رائد : امممممـ .. طيب كلميها وقولي له يجي بكرهـ
رسيل بفرح لصاحبتها : شكراً يبه الله يخليك لنا . يلا تامر على شي .؟
ابو رائد : سلامتك
طلعت رسيل ولقت الثنتين ملزقين الأذآين بالباب

رسيل : بسم الله الرحمن الرحيــم وجــــــــع إن شـــاء الله
رؤى : توجعــك ياارب
الجوري : اقول أمشو في أحــد يتكلم عند الباب
رؤى : أكييييد
الجوري : باايخه
رؤى : مثلك

>>>>>>>>>>>>>>>>>>>>>>>>>>>>>>>>>>>>>>>>>>>>>>>

(( بـــــآلمسـتـشــفـــى >_^


أحلاام وبنــدر ينتظرون برا
وطلع لهم الدكتور ./،

احلام بخوف : ها دكتور طمنآ .؟
الدكتور : للأســف الشديد الجنين مــات .!

"""""""""""""

_ البارت الرابع عشر _

- المتسشفى -

بندر ضحك : هههههههـ .. دكتور اش فيك الظاهر انك مخربط شوي
أحلام ودموعها اربع اربع : طيب هي شلونها وتدري عن الي صار انها فقدت الجنين .؟
بندر بإبتسامه : احلام اش فيك من قال انها فقدت وتبين تتأكدين تعالي أدخلي لها بنفسك وبتشوفين . قالو شو قالوا فقدت الجنين قاال .
الدكتور ( لاحول ولا قوة الا بالله ) .: تقدرون تشوفونها

"""""""""""""""""""""

الشرقيه - بيت ابو عزام

: هاااا شصــار بالتفصيييييييييل الملللللل
ملاك : بلاااك أركدي ماصار شي
ليال : ه ه ه عجبتني ماصار شي يلاا ملااااااااك عاااد قووولي
ملاك : كل الي صــار أنّ أخوك المحترم العزيز عطاني درس محترم بأنه مايريد يتزوج
ليال : أعـوذ بالله ليييه ؟
ملاك : ماتذكريين دلال الي خطبناها للعزام وهي ماوافقت وهو الظاهر كان يحبها طبعاً يمكـن موو أكيــد .. ومن هاليــوم وهو كاره شي أسمه زوااااج يخاف وحده يخطبها وماتبيه علشان يتحطم أكثر
ليال : يؤؤؤؤؤؤ وعليآ عليك يا أخووي .. الموهم الحين أنتي حاطه ببالك وحده ؟
ملاك : يسسسس
ليال بسرعه : ميييييييين ؟
ملاك : فـجر صاحبتي
ليال : امممـ فجــر ما أتذكرها أوصفي لي شكلها وأخلاقهــا .. ليكووون مغروره
ملاك : فاال الله ولا فالك لاا الحمد لله موو مغروره ولا هم يحزنون الموهم شكلها يا أنسه ليال ...........................................

>>>>>>>>>>>>>>>>>>>>>>>>>>>>
المستشفى

أحلام بلهفه : رنـــــــــــــــــــــــااا
رنا كانت لافه راسه على الجه الثانيه بحيث الي يدخل مايشوف وجها
بندر بكى وكأنه توه يصحى : رنــا صج الكلام الي يقوله الدكتور .
رنا ولا كأنه أحـد يحاكيها .: .......................
احلام بصوت مبحوح : ولا يهمك ياقلبي الولد يجي منه عشـر بس أنتي لاتظايقين
رنا وأخيراً قالت بصراخ وهي تبكي : شلوون ماتبينيي أظاايق وأني فقدت ولدي كيييف وهاد ولدييي ولدييي أنا انا الي تعبت فيييه وحملته ببطني خمس شهوووور من عاانا مثلي هااا أنتي ماتحسي بالشعور الي أحسه " وبكت بصوت أعلى "
بندر قرب منها وهو الثاني تنزل دموعه بدون شعور .: رنا
رنا بصراخ : بعـد عني لاتجي جنبي مابي أشووووف أحـــــد براااااااااااااااااا برااااااااااااااا

""""""""""""""""""""""""

الشرقيه - الكورنيش


فارس : أقول راكانو وين أخوك ليه ماجاء معانا ؟
راكان بضيق : صارت سالفه
فيصل بأستغراب : وشنو هي ؟
راكان : أمي وخواتي اليوم قالوا لعزام أنهم يبون يخطبون له بس انتو تدرون أنه خطب من قبل بس البنت ماوافقت وهو حساس من دي السالفه
ريان : أقول دق عليه يجي يتونس معانا كان يغير جو
مشعل : صادق والله
راكان : مستحيل يسمع لي فارس او فيصل يمكن يسمع لهم
فارس : طيب
ودق على عزام ./,







(( عنــد عزام




دق جواله طالع الرقــم { كاتم اسراري } <--- فارس
عزام رد بضيق : ...................
فارس : هلاااااا عزاام
عزام بصوت خفييت مرره : هلا
فارس : تعاال لنا على الكورنيش كل عيال عمك معانا تعال غير جوو
عزام : لا فارس تعبان شوي
فارس : أقول لاتتبيخ لي ويلا ننتظرك هاا ادا وصلت للكورنيش أتصل علشان أعلمك أحنا وين
سلاام
وسكر



راكان : يؤؤ حراااام عليك لييه تسكر على وجه أخوي
فارس : صج تافه
راكان : مثل تفاهتك
فارس : بايخ
راكان : مثل وجهك
فارس عصب : برميك بالبحر يالناقه
(( لأن راكان يتميز بطووله أطول واحد بالعائله ))
راكان : ناقه بعينك
فيصل : أقول أنت وياه مو تتخانقون فشلتونا الله يفشلكم

"""""""""""""""" بعـــــد مرور نــــــص ســـــاعه تقريباً .!

~~~~~~~~~~~ <--- جوال ملاك كان يـدق بأسم [ طويل العائله ]

ليال فطست ضحك .: هههههههههههههههههههههههههههههههههههههههههههههههههه ههههههههههههههههههه مييين ذا طويل العايله هههههههههههههههه
ملاك : ههههههه أخوك راكانو
ليال : أقول ردي بس
ملاك : الوو
راكان : ملاكو روحي لأخوك عزامو وقولي له يجييي لنا
ملاك : ليه وين انتو ؟
راكان : مالك دخــل وبلا لقاافه وقولين له كمان ما يتأخـــر لانجي له وناخذه بالغصب
ملاك : طييييييييييب اقلب وجهك
وسكرت
ليال : إيش يبي ؟
ملاك : تعالي وبتعرفين





طق طـــق <--- الباب

مالقوا جواب
ليال : يمكن ناايم
ملاك : ما أتووقــــــع

(( أدخلي ))

~>> كــــان صووت عزام

دخلوا ملاك وليال ..
ملاك : امممممـ عزاام أتصل راكان ويقول لك روح لهم لايجون هم بنفسهم ياخذوك
عزام تنهد .: قولين لهم مالي خلق أجي
ملاك : صدقني زن علي لين قلت بس .. " بترجي " عزااام الله يخليك روح معاهم على الأقــل غير جوو علشان خاااطري ادا كان لي خاطر عندك
عزام أبتسم وباين انها مسطنعه .: طيب علشان خاطرك بس


""""""""""""

- بيت أبو رائد -

الجوري : يلاا رؤىىىىىى مرره نفسي ببطااطس
رؤى : ؤؤؤؤؤفـ أنتي وهالبطاطس دآ عورتي راسي به
الجوري بوزت : وش أسوي مره نفسي به
رؤى : تونا على العشاء ماكلين
الجوري : لحووول
رؤى : الله يحول عيونك
الجوري : باااايخه
رؤى : أقــــــول قومــي نسوي حــــاجه غير البطاطس
الجوري : عندك خيارات .!
رؤى : لاأ
الجوري : طيب شرايك تشيز كيك ؟
رؤى : لاا
الجوري : أممممممـ مادري
رسيل دخلت عليهم : شنوو تسوون
الجوري : نبغى نطبخ حاجــه بس مو عارفين شنو ..
رسيل : عندي لكم طريقة حلى مرره لذيييذ سويته مع ريماس بس لازم أربع وعشرين ساعه *_^

الجوري : لا لا مايصلح نص ساعه " لفت لجهة رؤى " .. أقول لك خلينا نسوي بطاطس بس أنتي خبله وماتسمعين الكلام
رسيل : هههههههه وأنتي حياتك بطاطس × بطاطس
الجوري : أكيييييد حبيبتي هآد البطاااااااااطس تعرفيين شنو بطاااطس موو حيآ الله

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&


سجـى : ملاك

ملاك مندمجه مع كتابة الشعر : اممـ

سجى : ملااااااااااااااااااااااااااااااك

ملاك تركت القلم وأبتسمت تسكيته : هلا ياعيون ملاك شنو تبين ؟

سجى : أبي أطلـع

ملاك : وييين أن شاء الله

سجى : مادري أي مكــــــــــان ملاانه مرره

ملاك : قومي شااهدي تلفزيون

سجى : مااااااااااااااابي تعالي عجل ألبعين معاي

ملاك : قولين لليال

سجى : ليالو ماتبيني

ملاك تنهدت من داخلها : طيب وشنو تبينا نلعب ياحضرة الأنسه سجى ؟

سجى : باااااااربي

ملاك : هاهاهااااااااااي شنو شايفتني العب معاك باربي

سجى بترجي : يلاااااا ملااااااك عاااد عاااد عااد

ملاك : وووفـ طيب مانبي نلعب باربي شنو رايك بـــــــــ نروح بره بالحوش

سجى : امممممـ .. طيب شنو نلعب ؟

ملاك : تعالي وأنتي بتشوفين

سجى : يلا


&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&


عند الشباب ..)

عزام : الو وينكم أنتو ؟
راكان : وه بسس مابغييت تجيييييييييي
عزام : اقول بسرعه قل وين انتو لا أرجــع
راكان : طيب طيب .., ووصف له المكان الي هم فيه

/ بعـد ماسكروا من بعض /

ريان : بجي ؟
راكان : يس
فارس : وين قالك هو ؟
راكان : عند ##########
فيصل : يعنو قريييييييب

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&

شمس : إييييييييييييه مرره قاهرتني وفااارس مادري شنو لاقي بيها ..!
صباح بخبث : طيييييب وأنتي تبين تتخلصين منها صح ؟
شمس بحقد : أكييد
صباح : وتبين فارس يكون لك لـ وحدك ؟
شمس : مايبيلها كلاام
صباح : طيييييييييييب عندي لك خطه جربيها
شمس بلهفه : شنوو هيي أرجووك ساعديني مالي خلقها
صباح : لا حبيبتي كيف أقولها لك بالتلفون .. تعالي عند مطعم ^####^ ..
شمس : ومتى ؟
صباح : اممم شرايك بكرهـ ..
شمس : امممم مايصيير اليوم ؟؟؟
صباح : لاحبيبتي أكيد مايصيير اليوم مشغووله
شمس ببتسامة رضا : اوكي

&&&&&&&&&&&&&&&&&&&&&&&&&&&&&&&&&&&&&&&&&&&&

رسيل وهي حامله بنت أخوها ( إيثار ) .: وهـ يناااس عليها خدووود موو طبيعيه
رؤى : أكيييد طالعه عليي
الجوري : أبو الغرووووور يشيخ
رؤى طلعت لسانها للجوري : نانا .. أدري إنك غيرانه لاتقلقي عندك أولاد أخوك وليد وريماااا
الجوري : جبب بس
شوق : هههههه بلاكن تتخانقون كذا مايسوى
الجوري : إيي صحيح شواقه أنا و رؤىىى عاملين حلى ياخذ العقل تبييين قطعه منه ؟؟
شوق : أكيد ليه لأ نذوق طباخم
الجوري ورؤى قاموا يركضون للمطبخ
رسيل : ههههههه صج مهبل
شوق : هههههه حرام علييك لاتظلمينهم
رسيل : إيييه مرره إلي يسمعني يقول صـــج ظالمتهم

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&

نوف : يلا يمه أني بروح أحمد ينتظرني برا
ام إياد : لاا يمه تو بدري ليه مستعجله
نوف : لاا يمه صارت الساعه 11 .. يلا تصبحون على خير
الكل : وانتي من أهله
شهد قامت : أني كمان بقوم أنام تامروني على شي ؟
أصايل : أنتظريني قايمه معك

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&


أنتهــى البـــارت
أرائكم وتوقعاتكم

شمس وصباح ..؟ شنو نااويين على فارس وملاك ؟؟؟
إيـاد .. الجوري .. فارس ؟؟؟؟؟
رنــا ؟؟ بعـد مافقدت الجنين ياترى شنو راح تكون النهاية بينها وبين بندر ؟ ؟
عزام ؟ ياترى إدا خطب هل راح تكون النهاية حلوة بينه وبين زوجته ؟؟ أووو
راكان / لوجين .. ياترى هل راح يستمر الحب بينهم ؟؟
ملاك وفارس ..,
؟؟؟؟؟؟؟
وســــن ../ ياترى هل تتوقعون أنا شخصيتها كذا أو شي صار لهــا بالمـــاضي .! ؟

كل هــذا وأكثـر راح نعرفه بالبارت الخاامس عشـــر

البارت الخامس عشر

كانت جالسه بغرفتها وتحط اللمسات الأخيره
اليوم عندها يوم مميز
لأنهم اليوم راح يخطبون لأخوهم إلي بالزووور رضا

كانت لابسه تنورة بيضاء قصيرة لين نص الركبه وفيها زخارف بالأسود مع بدي أسود حرير فتحة الصدر مفتوحه فتحه كبيره شوي (شوي بس خخ ) مع بوت أسود للركبه وأخذت الشنطه المتوسط الحجم لونها ابيض

والميك اب كان عباره عن ..
قلوس لونه سكري ناعم مرره وشدو رمادي مع ابيض وماسكرا سوداء وكحل

وختمت بعطر

طلعت من غرفتها وراحت لغرفة اختها ليال
ملاك بعد مادخلت : ليالو شرايك بشكلي ماتحسين انّ في حاجه ناقصه ؟
ليال تصفر : لااااا وربي تهبلييين غطيتي على العرووس
ملاك : عن المصاخه بس يلا بسرعه البسي عباتك علشان نروح مانبي نتأخر
ليال : اوكي

/
\
/

كانت جالسه بغرفتها وهي منسدحه على السرير وعلامات وجها توحي بأنها عادي يعني مافي اي ملامح على وجها

دخلت عليها أمها
تعدلت وسن بجلتها
تقربت امها لها وقالت
ام اياد : ها وسن حابه اخذ رايك بشغله
وسن : شنو هي ؟
ام اياد بتوتر حاولت تخفيه : شرايك ب حمد ال......
وسن : يعني كيف مافهمت
ام اياد : يعني تحسيه رجال وماعليه زود صح ومايعيبه شي؟
وسن : ليه تسألي يمه ؟
ام اياد بتوتر اكبر : امممممممم لأنه اليوم جا و خطبك
وسن عصبت ووجها بدأ يرتجف والعرق يصب منها : يمممما الله يخليك ماله داعي هالكلام وأنتي تعرفين رأيي خلاص قولين لهم البنت مو مواقفه ولاعاد يدقون علينا كم مره جاو وخطبو وففف
ام اياد دمعت عينها : لي متى وانتي على هالحال ياوسن ترى مو كل الرجال مثل بعضهم
وسن حاولت انه دموعها ماتنزل لأنها ذكرت المــــاضي الي ياما كرهته وسن

اكيد انكم للحين مو فاهمين شي
طيب نرجع للوراء وبالتحديد من سنـه .....................

كانت وسن جالسه بغرفتها وهي فرحانه كثيييير جالسه تقيس فسان زوجها
وسن ببتسامه كبيره وباينه الفرحه منها : شهد ايش رايك مو تحسين انه طويل مرررره
شهد وهي فرحانه لفرح اختها : ههههههههههههه بلاك يالخبله الفساتين كذا لازم يجون طوال
وسن : هع نسيت من زود الوناااسه
ورمت نفسها على السرير
وكملت : بس بجد بتوحشوني ما اتحمل اغيب يوم على البيت بدون ما أصبح بوجهكك يالعنز
شهد رمتها بالمخده : وجع عنز بعينك يالبقرا
وسن توها بتتكلم الآ تدخل ام اياد وباين على وجها الضيق
ام اياد بحزن : شهد اطلعي برا ابي اكلم اختك بشغله
شهد وعلى راسها علامات الاستغراب : ليه يمه ؟
ام اياد : بدون ليه ويلا ابي اختك بكلمه
شهد : اوك
وطلعت

وسن بخوف : يمه ليه وجهك كذا خواتي او اياد صار لهم شيء ؟
ام اياد هزت راسها بالنفي وقالت : يمه وسن انتي راضيه بقضاء الله وقدره
وسن بخوف وهي شوي وتبكي " بصراخ " .: يمـــــــــــه زيـاد فيه شي ها يمه تحكي ليه ساكه
وانهارت بالصياح
ام زياد وشوي تبكي على حال بنتها : ايه يمه عطاك عمره ب حادث .... بس
وسن وهي تبكي بقوه وحالها بجد يقطع القلب : بس شنو يمه اهئ اهئ آآآآآآآه ياويلي عليك يازياد آآآه
ام اياد وموقفها الحين اصعب بكثير : بس كان معاه ..." وسكتت "
وسن وهي تبكي بحرقه : بس معاه منو يمه وهو وحيد ماعنده لا أم ولا أب ولا أقارب " ونهارت بالبكي أكثر "
ام اياد وهي بموقف لاتحسد عليه : كان معاه ز زوجت ته
وسن وقفت بكا بس دموعها لسى تنزل بس بصمت وفجأه ضحكت بصوت عالي حتى امها خافت عليها مرره
وسن بضحكه كبيره متواصله : ههههههههههههههههههههههههههههههههههههههههههههه يمه بلاك انتي انتي تدرين ان زياد يحبني ومستحيل يسويها .. إي إي " وهي تهز راسها بـ إي " زياد يحبني وبسسسسس ومستحيل يتزوج غيري
ام اياد تنهدت : اسمعي السالفه كامله ياوسن ... زياد كان متزوج قبل ما يخطبك وكان يعشق زوجته وزوجته تحبه كثير ... بس المشكله ان زوجته ماتجيب عيال على وهم الاثنين يحبو البزران على كذا زوجته كانت تحن عليه كثير انه يتزوج بس هو كان رافض اتم الرفض ومع كذا كانت زوجته عادي مافيها اي حاجه علشان ماتولد بس هذا الشي بأيد الله .. وبعد محاولات من زوجته اقتنع بجزؤ بصيت انه يتزوج لكن بس تولد بعدين يطلقها ... وأنتي يمه الحمد لله الف من يتمناك
وسن بعدها غابت بغيبوبه لمدة اسبوع ومن ذاك اليوم وهو حالها كذا

/
\
/

الجوري كانت جالسه تكلم رؤى بالمسن
الجوري كان توبيكها
(( لاحياة الا مع البطاطس )):
و رؤى
(( ولا حياة الا مع الشاي الأخضر ))

(( لاحياة الا مع البطاطس )):
وجع يالقلوده ليه تقلدي توبيكي

(( ولا حياة الا مع الشاي الأخضر )):
كذابه اني ماقلدت احد شوفي اني بالبدايه في حرف الأو انتي علطول لا حياة الا مع البطاطس وأني ولا حياة الا مع الشاي الأخضر

(( لاحياة الا مع البطاطس )):
مالت علييييييك بالبعره
اقصد بقره *

(( ولا حياة الا مع الشاي الأخضر )):
أقول جوريو تتوقعي ليه ملاكو حاطه رسالتها الشخصيه
( فرحــــــــــــــــــانه )

(( لاحياة الا مع البطاطس )):
ولا مادري الحين أقوم لك اطلع آخر الاخبار من لجينو ... برررب

(( ولا حياة الا مع الشاي الأخضر )):
تييييت

/
\
/

الجوري دخلت الغرفه وصفقت الباب بالجدار
لجين وهي تشيل السماعه من اذنها : ووجع ان شاء الله
الجوري : توجع عدواني تعالي بسألك غريبه مو رايحه لعند ملاك وانتي كل يوم ياطاسه عندها ياهي جايه لك
لجين : وأنتي وش دخلك بجد القرافه قراافه ياوجه الزرافه
الجوري : ماغيرك وجه الزرافه الموهم صحيح لجينو قووولي وبعدين ليه ملاكو حاطه انها فرحانه بالمسن ؟
لجين : مادري
الجوري : ياكذااااااااااااااااااابه
لجين : بس ماتوقلين لأحد ؟
الجوري : امم طيب لكن بس بقول ل رؤى ؟
لجين : عجل احلامك
الجوري : طيب طيب مابقول
لجين : رايحين يخطبوا لأخوها عزام وهي قالت لي ما أقول لأحد انبسطي الحين
الجوري : هئئئئئئ حلفي
وطلعت وسكرت الباب وراها بقوه
لجين : عسى ايدينك الكسسر

/
\
/

شمس : هلا وغلا
فيصل بإستغراب : نعم من معي ؟؟
شمس : أوه أوه الحبيب ناسينا
فيصل : لو سمحتي من معي وبلا كثرة حكي
شمس : معاك شمس الـ...... , ها الحين ان شاء الله اتذكرتني ؟
فيصل : خير ان شاء الله
شمس : لا لا كل خير بس بكره الساعه 9 ابيك تجي لمجمع ( ******* ) .. وصدقني ان ماجيت ماراح يصير لزوجتك خير
وسكرت بوجهه ..,

فيصل : ووجع ان شاء الله
( طبعاً كان جالس بالصاله )
دخل مشعل عليه
مشعل : خير ان شاء الله جالس تتكلم مع نفسك
فيصل : اللقافه مو شيمة الرجال ... وبعدين وينك لهالحزه
مشعل : الله والحكم عااد ... بعدين انت بعد قلتها بنفسك اللقافه من مو شيمة الرجال ... .

/
\
/

(( لاحياة الا مع البطاطس )):
عرفت لك ليه ملاك فرحانه
(( لاحياة الا مع الشاي الاخضر )):
ليييييييه ؟؟
(( لاحياة الا مع البطاطس )):
بس لجينو قالت ما أقول لأحد
(( لاحياة الا مع الشاي الاخضر )):
الجوووووري عن السخافه الزاايده انتي تشوفي ادا رسيل تقول لي حاجه وما اقولها لأحد أقول لك علطول
(( لاحياة الا مع البطاطس )):
طيب طيب لاتبكي علينا مايهون ... . بس أمانه ماتقولين لأحد ...
(( لاحياة الا من الشاي الاخضر )):
طيب امانه ما أقول لأحد ...
(( لاحياة الا مع البطاطس )):
لأنهم راحوا يخطبون لأخوهم عزام

/
\
/؟؟؟

_( في اليوم الثاني وبالليل - الساعه 9 )_

طلع فيصل من البيت وهو لابس الثوب والغتره
وركب سيارته
وانطلق للمجمع الي قالت عليه شمس .... . هو ماراح علشان سواد عيونها بس خايف على رسيل هو يعرف شمس ماتخاف وما يهمها شي ... .

في المجمـع .... .

شمس كانت لابسه العباة المزخرفه من فوقها لين تحتها والشيله شفافه ومتلثمه بها وايدينها كلها مناكير واكسسوارات وجالسه تاكل علكه .. . ومعاها صاحبتها صباح

شمس وهي تعلك العلكه بصوت ينرفز : صباحو مره خايفه ياخوفي ان الخطه ماتنجح بعدين بجد انا الي راح اموت حره ..,
صباح ببتسامه جانبيه : ولا يهمك حبيبتي انا صباح مو حيا الله وصدقيني لو ماتنجح الخطه سوي فيني الي تبين ..
شمس :طيب تتوقعين راح يجي ؟
صباح : اكيد اكيد بجي بس انتي طلعتي الرقم ؟
شمس وهي تطلعه من شنطته : أي خذي ... " ولفت راسها وشافت فيصل جالس يدورها " هئئئ يله يله روحي جا
قامت صباح من الكرسي بعد ما اخذت الرقم

شمس اتصلت للفيصل : الو تعال انا بالطاوله الي جنبك
فيصل التفت لها وسكر الخط بوجها وجا جلس معاها
فيصل : خييير ان شاء الله
شمس : ههههه روق روق حبيبي الا شنو تبي تشرب ؟
فيصل : مابي شي بس اخلصي علي

بالطاوله الي جنبهم
اتصلت صباح ل رسيل
صباح : الو ياحلوه تعالي لمجمع (******) وشوفي زوجك شنو يسوي من وراك
وسكرت

\
/
\

من جهة رسيل

رسيل بعد ماتسكر الخط حطت يدها على قلبها وعلطول راحت لبست عباتها ولفت شيلتها وطلعت لغرفة ريماس
رسيل بسرعه وهي تلقط انفاسها : ريماس بسرعه البسي عبااتك وتعالي تحت بسرررعه ريماس
ريماس بخوف : رسيل اش بك خوفتيني ؟؟؟
رسيل : بسرعه مافي وقت اقول لك انتي تعالي تحت والبسيي عباتك
وطلعت

نزلت رسيل تحت وشافت خالتها ام فيصل
رسيل : عمتي انا وريماس راح نروح السوق اوك
ام فيصل : ان شاء الله ناقصكم فلوس ترى لاتستحي يايمه
رسيل : لالا مانقص شي

ونزلت ريماس
رسيل سحبتها بسرعه وطلعو وقالوا للسواق يوديهم للمجمع

\
/
\

طبعاً رنا رخصوها وطلعت لشقة احلام لأنها مارضت تروح مع بندر

كانت رنا لابسه العباه ( طبعاً تلبس عباة راس مع نقاب لأنه بندر مارضى انها تلبس كتف )
وجالسه على الكنب وهي تلعب بجوالها
جات لها احلام وهي الثانيه لابسه العباه

احلام : هههههههههههههههههههه وش فيك كأنك من سلاحف النينجا انتي مع هالنقاب
رنا بدون نفس بس ضحكت غصب : هههههه بايخه
احلام : مثلك ... . يلا قومي بنروح نتمشى شوي على البحر .. قومي غيرين جو
رنا : اوك

\
/
\

بعد مرور عشر دقايق وقفت السياره عند المجمع
ونزلت رسيل وريماس

رسيل دخلت للمجمع وصارت تدور بالطابق الي تحت وماشافت وركبت الطابق الثاني ودخلت محل محل لين ماوصلت للمطاعم .........................
وشافت فيصل الي كان جالس ويضحك مع بنت

شمس بعد ماشافت رسيل وريماس دخالين قالت بسرعه : هههه حبيبي قول أنك تحبني بس
فيصل ضحك : هههههههههههههههه ف أحلامك ياماما

ريماس حطت يدها على فمها : لالا مو معقول فيصل مايسويها
رسيل الي بلعت ريقها وطلعت جوالها بإيدين مرتجفه واتصلت على فيصل
رسيل بصوت مرتبك وكأنها مو مصدقه :الو فيصل أنت وين ؟
فيصل بارتباك : انا ... اي انا عندي كم شغله ان شاء الله اخلصهم واجي

ريماس الي مو مصدقه الي تسمعه وخايفه كثييير على رسيل
رسيل تقربت للطاوله اللي فيها شمس و فيصل وسمعت بس آآآآآآخر كلمــــــة قالها
فيصل : فأحلامك تصيرين ( حبيبتي )

رسيل نزلت دموعها وقالت : الحين هاد يلي عندك شغل صح .. ولا وجالس مع حبيبتك ياالخااااين
وطلعت من المجمع وريماس تلحقها تحاول تهديها

اما من جهة فيصل فكان واقف مصنم مكانها .... . ويقول مو معقول اقول لها انيي كنت مع شمس ف هذا اعظم ... . وقام من الكرسي وهو يحاول يلحقها

\
/
\

عزام كان جالس على سريره وهو يفكر ياربي معقول كمان فجر ترفضني <<-- طقينا الميانه علطول فجر خخ - برا بس .... . بس حتى لو رفضتني هذا امتحان من رب العالمين ... . والنعم بالله ومافي اعتراض ... . بس .. انا قلت هالكلام لمى خطبت دلال ... . لالا ياعزام مو انت الي تضعف وتتحسس علشان بنت .. , آآآآهـ أبي أفضفض .. بس لمين ماحد يريد سيمعني _^ )

\
/
\

( طبعاً نسيت أخبركم بندر زوج أحلام صار يشتغل بالشركه عند أبو رائد والباقي )

كان بندر غااطس بالشغل ودخل عليه راشد
راشد : يااهو يا الأخو أرحم نفسك وأنت ليل نهار وانت تشتغل
بندر ببتسامة ألم : أهم شي اللقمه ياخوي مستعد أشتغل وأكرف لين آخر يوم لي بس اهم شي زوجتي ترضى علي .. . أبي أسكنها بقصور دوم تحلم فيها [ وأنتبه لنفسه وقال بإحراج ] ... آسف مانتبهت لنفسي ..
راشد ابتسم بحزن لحاله : ولا يهمك بس على الأقل ارحم نفسك كل ما أدخل عليك وأنت تشتغل ...
بندر : لاعادي أنا مرتاح كذا
راشد : طيب قوم أنا عازمك أنت ورائد على الغذاء والحين موعد الغذاء وأنت مابتقوم الظاهر الا الليل
بندر : لاالا مايحتاج تكلف على نفسك
راشد : ولوو يلا قوم بس
قام بندر وهو مبتسك بإمتنان لهالناس الطيبين .,

\
/
\

من جهه ثانيه عند حمد ( إلي خطب وسن بس رفضه ) ولمّا وصله خبر رفضها
حمد اول شعور وصله ان وده يصرخ لحد ما تتهدم الجدارن اللي محاصرتها..وبعدها حس ان دمعته غصب عنه راح تنزل وبسرعه رفع راسه فوق يبي يمنعها .. صعب شعور الرفض من شخص تبيه بكل مافيك ..صح ما تعلق فيها من لما كانت صغيره..وحبه لسه وليد..بس قدرت تتمكن منه ..وحبها ..وحب عفويتها وطيبتها وحركاتها ..كلها تزيد حبه بقلبه..وتخيله يتعلق فيها اكثر ..بس الحين انكسر الحلم..وضاعت الامال الصغيره..

\
/
\

فارس كان جالس بغرفته ويفكر ..,
ياترى هل هالقرار الي راح اسويه صحيح أو لأ ؟؟ .
المفروض أنتظر شووي
لا لا لا لا يمكن البنت تطير منك يافارس بعدين أنت الخسران ......
بس بس أنا احس لسى بدري ..., مادري بس مابي أتزوج
امممممممم طيب أفكر بكل السلبيات والإيجابيات .,
أول خطوه راح أصلي الأستخاره .,
وأن شاء الله ربي يكتب لي كل ماهو خير لي

\
/
\

كانوا جالسات يتمشون ع البحر وهم رافعين عباياتهن بأيدهن علشان مايتوسخون بماء البحرر
رنا : آخخخخ ياحلوم تدري شخاطري فيه
احلام : وش خاطرك فيه يامدموزيل رنا ؟
رنا بحالميه : حلمي ... آآآآآآآآآآآآآخــــ
احلام وهي فاطسه ظحك : ههههههههههههههههههههههههههه خخخخخخ كااااااااك ههههههههههه ويووووو مسكييينه انجرفت بالبحرررررر ويووو هههههههههههههههههههه
رنا وهي مغرقه من البحر قالت بقهر : ووجع أن شاء الله .. لاتخليني أرميك بالبحر بعد " وعيونها مليانه دموع "
شلون بطلع كذا بجد فشششله
احلام : خخخ تستااهلي أحد قال لك تحلمي
رنا : بايخه الحين شنو جاب هذي لهذي
احلام : بايخه مثلك .. الموهم شرايك اروح أجيب لك عباه اشتريها لك واجي
رنا : احلللللللللفي وبقوه وتخليني اهنا لحالي .. لالالا انسسي
احلام : وهل هنالكَ حلٌ في رأيكِ ؟
رنا : ماادري مادري أفكــر

أنتهى البــارت .. آرآئكم وتوقعآتكم الحلوه مثلللكم ..~

البــارت السـادس عشـر







ملاك : من جدك أنــــــــت ؟؟!

راكان : لا من خال هاهاها

ملاك : بس يالخبل انت لسى صغييييييير

راكان : انا باقول لأمي وأبوي وخلاص .

ملاك : هاد وجهي ادا وافقوا وادا وافقوا بكون من اقناع طويل منك

راكان : وليه حتى مايوافقوا ؟

ملاك : ردينا على الطير يلي ... كم مره اقول لك أنت لسى باقي لك سنتين على ماتتخرج

راكان يقاطعها : موب سنتين سنه واااحده

ملاك : الموهم وهي لسى صغيره بعد

راكان : موب صغيره أصلاً

ملاك : لا حول ولا قوة الا بالله ... خلااااص روح كلمهم مالي دخل روح روح .. الكلام معك ضااااااااايع

راكان بإستهبال : صج روحي دوريه

ملاك بإستخفاف : هاهاها ياخفة دممممممك

0000000000000000000000000

كانت جالسه على الصخور وهي تتأمل البحر ... تنتظر أحلام تجي لها بعباه لأنه عباتها مغرقه بالماء من فوق ل تحت ,, وجالسه تفكر ..~

// ياربيه انا كثير أخطأت بحق بندر ... هو شنو دخله طيب .. كل الي سواه ان تهاوش معاي وطلع .... مافي زوج وزوجه الا وتخانقوا .... انا لاني أول ولا آخر وحده تخانقت مع زوجها ... بس انا الهبله الي راح اضيعه من بين ايديني ... شدخله هو باني سقطت ... " وبدت دموعها تنزل شلال " .. انا غبيه غبيه غبيه ... دائماً متسرعه بقرارتي ... وغبائي دا راح يوديني بداهيه مالها أول ولا آخر //








00000000000000000000000000000



رسيل وهي متكتفه : طلقنــــي أنا مستحيل أعيش مع واحد يخونــي

فيصل بصراخ : رجعنا على سالفة الطير يلي ... مليوون مره قلت لك انا ما خووونك والله العظيم ماا

رسيل تقاطعه : لاتحلف بأسم الله على شي كذب فاهم

فيصل بنفس العصبيه والصراخ : رسيل لاتخلي عقلك صغيييير كبري عقلك يابنت انا ماخونك طيب شنو الدليل على اني اخونك ؟

رسيل تكبت دموعها : وكل هذا وتقول لي شنو الدليل ... والله ماهقيتها منك يافيصل تخوني وجاي تصرخ علي وتعصب علي وكأنك أبد ماسويت شي .. يا آدمي أنت عديم أحساس ... لو تشوفني مع واحد وجالسين بالمطعم ونضحك ونتغازل .. ساعتها شنو راح تكون ردت فعلك هاا والله العظيم انت واحد بلا أحساس بلا أحساس
وحطت ايدينها على وجها وصارت تبكي بشكل هستري

ريماس الي كانت ماره جنب الغرفه وسمعت صراخ وصوت بكاء رسيل
راحت وطقت الباب
طق طق طق
ريماس : ممكن أدخل ؟؟
لكن ماسمعت من مجيب على كذا خافت ودخلت
ريماس بخوف وقلق : رسيل حبيبتي ليه البكا ؟؟؟
رسيل كانت ذابحه روحها بكي و مافي لسانها غير كلمة : طلقني يافيصل طلقني
ريماس بصراخ : رسيل انجنيتي شنو يطلقك
فيصل ماقدر يستحمل اكثر اخذ مفاتيح سيارته وطلع من البيت بكبره
رسيل ببكاء : فيصل يخوني ياريماس يخوني ومع مين مع شمس آههههههههههه " وكملت بكاء "
ريماس بقلبها : لاحول ولا قوة الا بالله انا لازم افهم من فيصل السالفه كلها البنت ذ1بحه روحها

0000000000000000000000000


بالجمـع إلي كانو فيه فيصل وشمس

شمس وهي طايره من الفرح : وهاذا اول انجاز لنا .. آآآآهـ ياصباح ماتدرين قد ايش انا فرحانه وبهالمناسبه عازمتك على أحلى كووفي
صباح : هه ان شاء الله دوم الفرحه ياحلوه وعقبال الباقي
شمس بخبث : اي والله هالمره راح يكون دور ملاك
صباح بضحكه تخوف وكلها خبث : ههههههههههههههههههههههههه نيالك على هالحظ .. يله بمناسبة هالفرح أبي أحلى كوفي
شمس بخبث : تكرم عينك


00000000000000000000000000

احلام جات وبإيدها العباة الكتف

احلام بدهشه : رنـا بلاك ذابحه روحك بكا كل ذا لأني تركتك بلحالك هنا ؟؟؟
رنا وهي تمسح دموعها بسرعه : لا من قال اني ابكي بس دخل بعيوني حاجه
احلام بشك : وعلشان كذا كل هالدموع ؟
رنا بإرتباك وتوتر : إي وعمرك ماصدقتي يله جيبي العباه بجد أحس نفسي بموت برررد
احلام : ههههههه يله بسرعه
مسكت احلام عباة رنا الرأس وغبت بها رنا علشان تلبس العباهـ الثانيه

بعد ماخلصوا
احلام تصفر بإعجاب : لك شو هايدا طالعه بتجنني .. خلاص ياحلوه البسي الكتف صايره خوقاقيه
رنا ابتسمت بألم لأنها تذكرت بندر الي ابداً رافص رفضاً باتاً انها تلبس كتف : احلامو
احلام : وجعه أسمي احلام شوهتي اسمي يالقرده
رنا بسرحان : تصدقين بندر ماكان يرضى البس العباه الكتف ابداً ولو اموت مايرضى " تنهدت " ... أحس بالذنب يا أحلام أني تركته وهو ماله دخل اصلاً .. أحس اني ظلمته كثييير وهو ماله شغل بالسالفه .." نزلت منها دمعة ألم " .. ماني قادره اعيش اكثر من دونه " وبكت أكثر ".. ما أقدر كل ما اروح مكان طيفه يمر من قدامي أحس نفسي بموت ما أقدر أعيش بعيده عنه ... بس ما أقدر أسوي شي ماباليدي حيله
أحلام إبتسمت بحزن لحالها : ومن قال انك ماتقدرين تسوين شي انتي لسه ماطلقتيه انتي لسه زوجته يالخبله
رنا : بس أحس اني غلطانه ومستحيل يسامحني انا الي سويته أبداً مو قليل
احلام : طيب نجرب
رنا : بس كيف ؟


000000000000000000000000000


عاااالمسن

الجوري :: رؤىىىىىىىى
رؤى :: هاه
الجوري :: شنو الي هاه يالخبله قولي هلا سمي لبيه خليك ذوق كذ1 مو هاه مالت عليك الموهم
رؤى :: شنو ؟
الجوري :: أفكــــر مجـــرد تفكيـــر فقــط أجي أنام عندك
رؤى :: جـــد ... يله صحيح تعالي مرا وناسه
الجوري :: بس هنا المشكله ما أتوقع أنه امي ترضى
رؤى :: وأنتي بذكائك يالأمراه الحديديه أقنعيها
الجوري :: كثري منها قال الأمراه الحديديه قال
رؤى :: يللله ادلفي اسألها ياقردهـ " فيس يبحلس "
الجوري :: ما القرده غيرك ترا أبطل أجي
رؤى :: ؤؤففففففف ياكرهي لك وإنتي إتذلي
الجوري :: خخخخ بررب
رؤى :: تييت



0000000000000000000000000
بالكورنيش

فارس وهو يفتح ايدينه : عزووومتي وينكْ عنييي بجد وحشتني كتييييير تؤبرني شو حليان
عزام وهو يبتسم ويبعد ايدين فارس : فويرس عن الخباله
فارس : هع هع أجرب أقلد جوريو أختي طلعت فاشل أجل
عزام : توك تدري
فارس : مااالت جامل شوي على الأقل
عزام : آسـف حبيبي أنا الي على قلبي على الساني وما أعرف أجامل
فارس وهو ماد بوزه مترين قدام : إييه أدري أدري " وكأنه تذكر شي ".. تعااااااال نسيتني صحيح أخبار خطبتك ؟
عزام بضيق بس مابينه : لسى ماردوا لنا خبر
فارس حز بخاطره بجد عزام شكله يكسر الخاطر : يا أخي انت الحين ليه متضايق لاتخاف الي الله كاتبه راح يصير وان شاء الله يكون خير
عزام من قلب : آمين
فارس : إلا صحيح أخبار أخوك أسمع يقولون يبي يخطب
عزام : خخخخخخ من جدك صدقته هالمرجوج دا ...ميت لي على مايتزوج واليوم يقول بفاتح امي وابوي بالموضوع
فارس : هع هع حشى يقطع الحب شو بيذل
عزام بنص عين : متأثر
فارس بإستهبال : بقوهـ
0000000000

فيصل بضيق : آلو وينك فــارس ؟
فارس : أنا بالكورنيش مع عزام ليه ؟ وبلاه صوتك كذا زعلان شيييييي ؟
فيصل : اوك الحين جاي لكم بس وين بالضبك
فارس :
فيصل : اها طيب الحين جاي سلام

00000000000

راكان : اووووما اوووووبا -------> متأثر بالأفلام الكوريّا خخ
ام عزام : بلاك أنت شنو اموا وابوا ذي قول يمه ويبه بلا هالكلام دا
راكان : هع هع شنو يمه اموا وابوا خخخخخخخ ولا يهمك يا الغاليه ... من اليوم ورايح باصير مؤدب
ام عزام : ومن وين نزلت هالذرابه
راكان : أحم أحم عندي لكم خبر
ابو عزام : وشنو هالخبر ؟
راكان : أنا نويت أتزوج
ام عزام : هووو ... أنت لسى ياراكان صغير بلاك ع الزواج لسى ماصار عمرك 24 على الأقل
راكان برجاء : يمممه الله يخليك يا الغاليه " ويبوس راسها " بس أحجزوها لي طيب أخاف تضيع مني ولا بعدين بجد مستحيل أتزوج
ابو عزام : ومنو ذي الي ميت على ماتزوجها ؟
راكان : لجين بنت عمي
ام عزام : ونعم الأختيار بس طيب ليه ماتنتظر لين ماتخلص الدراسه وتخطبها
راكان : هو لو على كذا عادي يمه بس أخاف أنها تنخطب وتضيع مني
ام عزام : اممممم مادري أسأل أبوك كاهو قدامك
راكان برجاء وهو شوي ويجلس بحضن أبوه : اوبا ." ويضرب جبهته " أقصد بابا مادري يبه .. الله يخليك أبي أخطـــــب يابابا ياحبيبي أخاف البنت تضيع مني وهي بس خطبه رسميه بعدين أخلص دراستي وأتوظف ونتزوج ها يبه وش قلت ؟
ابو عزام : مادري بس برايي ننتظر شوي لين ماتنتهي خطبة عزام على خير وتوافق البنت ..بعدين ربك يحلها
وقام
راكان : ييييممممه حاولي فيه طوويب ؟
ام عزام : ان شاء الله ان شاء الله بس أعقل عن هالتصرفات وإلا أبوك ماراح يخطب لك لين ماتعقل ها

0000000000000

ريماس وهي تدق على موبايل أخوها ويعطيها مغلق
ريماس وعيونها مدمعه : لا يربي وينك يافيصل وليه مسكر جوالك اقلقتني عليك مره ... . حسبيَ الله على من كان السبب حسبيَ الله عليك ياشمس ربي ينتقم منك يارب على هالأشياء الي تعمليها لنا والله يستر من الجاي
نواف دخل عليها : ريماسو شفتي السـوووووو........." سكت بعدين قال ".. وش فيك تبكين ؟
ريماس : من قال أني أبكي .. بس أخوك فصول أبي منه شغله ظروريه وحضرت جنابه مسكر جواله وبس
نواف يناظرها بعدم تصديق : ريماسو ما صدقتك
ريماس تتصنع الا مبالاه : وعمرك ماصدقت
وطلعت من الغرفه
نواف يبتسم ويقول بعربجيه : إييه اليوم الخبر بفلوس بكرا ببلاااااش
وطلع وهو يدندن

0000000000000000000000

عالمسسسسسسسسسسن

الجوري : بــاك مــآوحشتك " فيس خجل "
رؤى : ماااالت بسسسسسسسسسسسسسسسسسسسس بشري ؟
الجوري : بكـم ؟
رؤى : " فيس معصب " عن حركات الغباء ذي ويله ترى لك عندي مفــاجأه
الجوري : أول وشو المفاجأه بعدين أقول لك
رؤى : عجل بيباي " فيس يسلم وكأنه يقول باي "
الجوري بسرعه :لالاالالالاا تعالي خلااص بقول لك ؤربي
رؤى : خخخخ يله
الجوري : وافقت بس قالت ما أنام وياك وحاولت معاها لين ما حنجرتي انفجرت وقالت بسسسسس
رؤى : " فيس احباط " خصصصأآره وبقوـه بعًدِ " فيس يبكي "
الجوري : الموهيم ماعلينا اقول ماتحسسين أنك قلبتي علي ومأآقلتي شنو آلمفاجأه ؟؟؟؟؟؟؟؟
رؤى : اليوم ريانو مادري شششططاري عليه يقول يبي يعشيني بمطعم عاد اني قلت مالي غير أعزم صقيقة ورفيقة دربي وعمري آلجوري
الجوري : " فيس خجل " أحم أحم أشكركي على هذا الإطراء الجميل
رؤى : أقوول موتصصدقين عمرككك .. على فكره ماخذه بنفسك مقلببب
الجوري : هع هاع .. تعالي متىىى قال لك بوديك المطعم ؟
رؤى : الحين بس قلت له بجهزز .. يله صحيح سحبت عليه اجهزي الحين بنمرررررك
الجوري : اوكيك اوكيك يلا تشاااااو يـــاسببببباله
رؤى : وجـــــــــــــــــع
الجوري : توجعك " فيس يبحلس "
وطلعت الجوري من المسن
ولبست لها جينز لونه سكري مع قميص بني وربطة عنق حمراء وشعرها كان آخر مره قصته من زماااااان مرره وقصتها الفراوله وصايره كشخه عليها خصوصاً أن شعرها طويل .. مشطته وحطت لها ماسكرا وبودرة خدود بنيه على وردي يعني مادري كيف أوصفها لكم .. الموهم مع قلوس وردي فااتح بقوه ----> خخخ من الفضاوه جالسه تتمكيج الي يشوفها رايحه عرس على غفللله
ونزلت تحت بعد ما أخذت عباتها وشنطتها

الجوري : أم راشد أني باروح مع رؤى للمطعم تبغون شي ؟
ام راشد : شنو أم راشد بعـد قولين يمـــــــه بلاك أنتي شصاير بعقلك
الجوري : لا سلامتك يا الغاليه الموهم وين لجينو ابي احسسرها
ام راشد : فوق أسمعي ادا تسوين لها حركات المصاخه ذي بعدين تجي تبكبك لي ابي اروح المطعم فإعملي حساب تاخذينها معاااك
الجوري بقلق ابتسمت أكبر ابتسامه على وجه الكره الأرضيه ( خخ ) : سُـري ( معناها سوري بس هي تشاهد موزه ولوزه كثير خخخ ) شوبكي ماما عم اتغشمر معكي
ام راشد توها بتتكلم الا تسمع صوت هررن من برا
الجوري قفزت وهي تلبس جزمتها ( وإنتو بكرامه ) : يلللله يمممه الظاهر جاو سلملململململمات
وطلعت
ام راشد : ههههههه الله يرجك يالجوري ومتى تتركين عنك هالهبال دا
لجين نزلت : يمه شنو فيك تظحكين ؟
ام راشد : لا ولاشي سلامتك ..
لجين : وااااااي يمممممه أبي ورق عنب شرايك أروح أوصي سوزي تسوي لنا بجد أحس بموت أبي آكله
ام راشد ضحكت : ههههه على حظك اليوم الجوري بعد موصيتها تسوي لها ورق عنب بس طلعت مع رؤى للمطعم
لجين : آآآخخخخ يغربلها ولا تتكلم ولا تقول باروح مطعم تجي معاي شيي .. مالت عليها .. الا صحيح يمه تهقين استوى الحين ؟
ام راشد : تلاقينه بالثلاجه الحين


00000000000000000000000

بالكورنيش .,~

فيصل بعد ماوصل للمكان الي قال عليه فارس شاف فارس وعزام جالسين على الصخور الي قدام البحر جلس جنبهم وتنهد
عزام : آآخـ بلاك مهموم
فيصل بغصه : صارت مصيبه وأكبر مصيبه .. " وتنهد "
فارس وهو يناظر لفراغ : أحكي طلع همومك طلع الي بقلبك
فيصل يتكلم والعبره خانقته وقال لهم القصه من لمّا شمس اتصلت عليه وهددته ادا ماجا انها راح تسوي شي للرسيل .. الين ماطلع من البيت ..
فارس بدهشه : وااااااو وكل ذا يطلع من راس هالشمس دي
عزام وهو كمان مندهش : باين إنّ اللسالفه كلها من تدبيرها ..
فارس يكمل : صراحه دي يبيلها تربيه من جديد انا لازم أكلم أخوها تركي يتفاهم معاها
عزام : هيي بلا جنون إنت تبي تحرج الولد وإلا شو ؟؟؟ تخيل إنت شـ راح يكون موقفه ادا قلت له عن أخته كذا راح ينحرج كثييييييير
فارس يضرب راسه بخفه : يؤؤ وإنت الصادق " ويدور راسه لفيصل " وإنت شنو راح تسوي مع رسيل ؟
فيصل : مادري والله أنا مهموم وجاي أبيكم تنقذوني والله أحس جبال على صدري وموب قادر يا إني مهموم مهوم . بس ما أقول إلا ربي ينتقم منك ياشمس وحسبيَ الله عليك ربي يبلاك أكثر مما بليتيني فيه ..؛

000000000000000000000000

احلام : هاا شنو رايك تتصلي عليه وتقولي له إنك تبين تقابلينه
رنا بتردد : لاا مادري مادري اممم متوتره ما أقدر .,
احلام : إيييييه بلا هالتردد دا ويله عاد عن حركتات البزران ذي يله أنتي الحين أتصلي له وقولي له انك تبين تقالينه بكوفي##### ظرووري وهو مابتشوفينه الا طياره جاي لك
رنا : امممممممم ططططييييي ب

0000000000

& بالمطعم ..&

وصلت سيارة ريان للمطعم ونزلوا منه رؤى والجوري
وقبل مايدخلوا
رؤى : ريانو ان شاء الله بتقعد معانا بنفس الطاوله ؟؟؟؟؟؟؟
ريان : شايفتني ثور ما أفهم أنتي معاها بطاوله وأنا بطاوله لوحدي يله ادخلوا داخل بس
دخلوا الجوري ورؤى وهم مندهشين المطعم كان رااايق وحلو كثييييييييييييييييييييييييير شكله مرتب بشكل راائع جداً وجميل ومتناسق
رؤى بدهشه : وااااااااااو ريانو أعترف من وين عارف هالمطعم ليكون تجيب مدري مين بهالمطعم الخطنطري
ريان يبوس ايدينه : الحمد لله والشكر بس على نعمة العقل شنو شايفتني ياقليلة الحيا ويله دخلي بس وشيلي نظرة الدهشه دي الي يشوفك أول مره بحياتك تشوفين مطعم فشلتينا حسبيَ الله عليك
الجوري بهمس لرؤى : خخخ طيحوا وجهها ويلو ويلو
رؤى بخفه : هاهاهاها توني أدري تصدقي ؟
الجوري بنفس نبرتها : لا ما أصدق اتصدقي

00000000000000000000000000

ريماس دخلت على رسيل وحطت يدها على كتف رسيل

ريماس بحنيه : رسيل حبيبتي طيب انتي ليه ماتفهمين السالفه من فيصل ؟
رسيل وهي تشاهق بكي : وشنو تبيني أفهم واني شايفه كل شي بعيوني ياريماس
ريماس : طيب يمكن في خطأ ؟
رسيل : وخطأ شنو الموضوع كله باين اصلاً
ريماس : لاحول ولا قوة الا بالله طيب خلينا نفهم يارسيل ولاتتسرعي بقرارك ترى راح يدمرك
رسيل رجعت تبكي : بس انا مستحيل أسكت ماراح اطلب غير الطلاق
ريماس حزنت كثير : رسيييل قلت لك لاتتسرعي وانتي شفيته بعينك انه كان مع شمس وانتي تعرفين شمس هذي البنت دااااااهيه يعني أكيد مسوية له مصييبه علشان يقابلها
رسيل بعد تفكير : بس شلون اني اسمعته وهو يقول لها " بغصه " حبيبتي
ريماس : اييه وهذا الشي الي نبي نفهمه من فيصل يارسيل
رسيل والشيطان يوسس لها : لاااااااا مستحيل أني ابي الطلاااااااق يعني أبي اطّلق

000000000000000


فارس : طيب انت فهمتهم السالفه ؟
فيصل : آآآآآههه وانا كيف أفهمهم إذا موب راضين يسمعوني
عزام : طيب ادا مارضت تسمعك فهّم اختك وهي تقول لرسيل
فيصل : الظاهر حتى ريماس مع رسيل لأنها كانت معاها
فارس : صادق عزام بس اختك غير راح تفهم لك انت قول لها انك راح تفهمها السالفه فهذي أختك غيرررر يا اخي
فيصل : بس رسيل مصرّه تبي الطلاق
فارس : الله يكون بعونك بس انا اقول انت روح الحين البيت وفهم اختك
فيصل : بس مخنوق مابودي اروح ابي اقعد هنا
عزام : براحتك

0000000000

أنتهــى البـارت

البــارت السـابـع عشـر

0000000000000000000000000000000000000000000


الساعه 1 الليل .. رجع فيصل بيتهم وماشاف أحد الكل نايم تعرفوا مابقى شي للمدارس والجامعات .. ركب فوق وشاف نور الصاله مشغل على خفيف عرف انّ في أحد ..
ريماس قامت على طول بعد ماشافت أخوها جاء : فيصل وين كنت خوفتنا عليك .. الحين تعال أبيك تحكي لي السالفه كامله والله راسي عورني من كثر التفكير فيها .. تعال وفهمني السالفه .. وترى " لعت ريقها " .. رسيل راحت
فيصل بصدمه : شنو ومتى راحت ومن وداها وليه خليتها تروح من الأسـاااس .؟؟؟؟؟؟؟؟؟؟
ريماس منزله راسها : اتصلت لأخوها رائد وقالت له يجي ياخذها لبيته عشان اهلها مايحسوا بشي بهالفتره الحاليه واني حاولت فيها بس عيت
فيصل جلس على الكرسي وتنهد ناقص هو كفايه أنها فاهمه السالفه غلط والحين أكيد بتقول لرائد الي فهمته وهو راح يفهم غلط .. ضرب ايدينه بطاوله بضعف وقهر من شمس لو يشوفها ودّه يقتلها ويطلع حرّته كلها فيها .. بس آآه ماباليد حيله ..
ريماس : ها مابتحكي لي السالفه .. فيصل أنت بس فهمني وصدقني لك مني وعد أني بنفسي راح أفهم رسيل السالفه وأجيبها لك بنفسي .. بس انت فهمني الحين انت ليه ساكت .. وترى امي بدت تحس ...
فيصل وهو يفتح زرار ثوبه الأول يحس بضيقه كبيره : جيبي لي كاس مويه وتعالي أحكي لك بس ماتقولي لأحد طيب ..
ريماس فزت على المطبخ تجيب كاس الماء : ان شااء الله

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&

رائد بحنيه : رسيل حبيتي ليه كل هالبكاء دا صدقيني مافي زوج وزوجه إلا ويتخانقوا بس انتي فهميني السالفه والبكا والنياح ماراح يفيدك بشي ..
شوق : رائد خليها تهدأ الحين وبكره ان شاء الله ادا هدت راح تحكي لنا .. " توجه كلامها لرسيل " حبيبتي رسيل انتي الحين اهدي ونامي وبكره ربك يحلها واي شي تحتاجيه البيت تحت امرك اوكي .. يلا تصبحي على خير .
وطلعوا شوق ورائد
رسيل وهي منسدحه على السرير وتضرب المخده وهي تبكي : ليه يافيصل انت شنو شفت منّي عشان تخوني انا ماسويت لك شوي ؤربي ماسويت لك شي عشان تخوني ليش لييييش يافيصل حرام عليك
وبعدها ماحست بنفسها إلا وهي نايمه من التعب


&&&&&&&&&&&&&&&&&&&&&&&&&&&&&&&&&&&&&&&&&&&&&&&


بعد يوم كامل كان جميل للبعض ومتعب للبعص .. نشوف فيهم واحد واحد
في بيت أبو عزام كانوا مجتمعين على سفرة الغذاء صارت الساعه 2 الظهر ..
سجى : يبه نبي نروح المكتبه المدرسه ماباقي عليها شي واحنا للحين ماجهزنا بعدين تصير المكتبه زحممممممه
ابو عزام : ههه ان شاء الله اليوم شوفي واحد من اخوانكم يوديكم
بعدها سكت الكل إلا يسمعوا صوت التلفون
ام عزام : انتوا كملوا غذاكم اني بارد
وراحت
وبعد ماجعت والابتسامه باينه بوجها
راكان بلقافه : يمممممممه شنو هالتلفون الي خلاك تنبسطين هالقد
ام عزام بفرح : البشاره ياعزام البنت وافقت عليك وقالت عشان نتفق على الملكه اليوم هم عازمينا عندهم على العشا
عزام وكأنه توه يستوعب
عاد الحين انتوا توقعوا شلون هو فرحان بشكل موطبيعي فرحان لآخر درجه
راكان بإستهبال : مبروك يـــــاعريششششششش
ملاك : هاهاهاها سخيف ؤربي سخيف
ابو عزام : عجل على بركة الله الحين كملوا غداكم وبعدين نتكلم بهالموضوع
طبعاً الكل فرحان وسوالف وهدره على الأكل الي يقول ادا جبت ولد سميه بإسمي والي يبارك والي يستهبل والي والي والي .............

بعد الغذاء اجتمعوا يالصاله كلهم ويحلوا بحلويات و سلطة الفواكه وبيبسيات وشاي يعني وناسه ع الآخر
راكان ياكل من الحلى : يبببببه عزام والحمد لله وافقت البنت وقريب راح تكون الملكه متى بعرس أنا ؟
ام عزام : ههههه يصير خير الحين بالأول خليه يملك
ليال : صحيح راكانوا بتخطب .. عجل يمه خلّي عرسهم بليله وحده بس كل واحد بقاعه عشان نوفر بدل مانروح مره ثانيه نجهز لعرس راكان وعفسه
ملاك : إيه صحيح يمه كلام ليال ..
راكان وكأنه مو مقتنع : لا لا مو عدل
ام عزام : هههه استغفر الله الولد لسى ماصار شي وانتوا بديتوا تجهزوا لعرسهم ..
سجى بنحاسه : إي والله يمه من زود الدلاخه الي بعيالك


>>>>>>>>>>>>>>>>>>>>>>>>>>>>>>>>>>>>>>>>>>>>>>>> >> >>>>>>>>>>>>>>>>

على طاولة الغذاء
ام فيصل : إلا يمه فيصل واين زوجتك ما اشوفها معانا بالسفره ؟ عسى ماشر
فيصل وريماس ارتبكوا
ريماس ترقع : احم .. يمه الصباح كذا الساعه تسعه رسيل تقول بتروح لأخوها رائد اتقول احم بتسوي شغله لشوق وبتجي -----> يازين الترقيع
ام فيصل بإستغراب : هَـو .. من صباح الله .. طيب ماقالت لكم الشغله ؟
ريماس : لا يمه



بعد ماخلصوا غذاء
الكل ركب يريح شوي ماعدا ريماس وفيصل
ريماس : ها فيصل متى بتروح تجيب زوجتك ؟
فيصل بسرحان : ويعني بالله عليك بترضى تجي ؟
ريماس : طيب بروح معك
فيصل : والله من رأيي ياريماس نخليها تعيد أفكارها كفايه انا حاولت معاها اني افهمها بس هي عيت
ريماس : فيصل لاتخلي رسيل تضيع من بين ايدينك وانا من رأيي تروح تجيبها وإلا صدقني يمكن تروح البنت من بين إيدينك وساعتها انت يلي راح تندم
فيصل : لا لا بعدين انا ابغاها الحين ترتاح شوي وبعدين ربك يحلها ان شاء الله

>>>>>>>>>>>>>>>>>>>>>>>>>>>>>>>>>>>>>>>>>>>>>>>> >>



في غرفة طعام بيت أبو عـــزام ....
جالسين ع الأرض وعدالهم صحن الفواكه تقصصه "ملاك" ..
وراكان شبه طايح ع الارض ومتساند ع وحدة من الكوشنات يطالع التلفزيون ..
كان ما يطالع ملاك ..
بالعكس عينه ع التلفزيون يشوف مصارعة ..
وهي ع نياتها تقصص الفواكه وتطالع المصارعة ولايعة جبدها : راكان حرام عليك قلبك ما يعورك ع هاللي تكفخ من الصبح ..
طالعها ببرود : ليش حد قال لك اني انا اللي انضرب بداله ؟
ضحكت ملاك : ههههههه انزين ما قلت كيذا بس بعد منظرهم يلوع بالجبد ..
راكان : اقول سكتي لا ارقعك بكف الحين ..
ملاك بتحدي : ارقعني يلا اشوف .. برقعك انا بكفّين ..

×
×
×

كان جالس يتأملهم وهم يتضاربون ..
بيفقدهم كثير بعد مايطلع من البيت
شقد راح يوحشونه خباالهم
يفكر يسكن معاهم
بس مايعتقد إنّ أهله بوافقوا ......
خصوصاً أنهم يبون يفرحون فيه بما أنه أخيراً تزوج
أصلاً أبوه سبق وكلمه بهالموضوع وقال له إنّ بنا ليه بيت والحين لسى ما كتمل
توهم يبدوا فيه

×
×
×

انفتح الباب وهو شبه سرحان ..
كانت ملاك تضحك : عزام اخونا العود عند الباب .. يا هلا ومرحبا .. ليكون كنت تتجسس علينا انا وراكان ؟؟
صد راكان على عزام : اوه من وين طالعة الشمس.. الأخ جاي هني .. تعال كمل البرتقال ايديها ما فيها بركة طلع البرتقال حامض ..
ضحك عزام بتمثيل : هههههه وتبغاني آكله وهو حامض ؟؟
راكان : اي شنو فيها .. يلا كل اختك تبغى قشور البرتقال تبغى تسوي خلطة عقب حق وجهها ..
ملاك تخصرت : لا والله ؟؟ متى قلت اني أبغى اسوي ؟
راكان : يا الكذابه .. توك قلتي بتسوين خلطة بقشور البرتقال والروب والخيار وشعرة تيس..وبصراحة مالي بارض ادور لك تيس.. فأفضل تاخذين شعرة التيس اللي واقفة مقابلتنه الحين ...
ضحكت ملاك بقوة ..
بينما عزام ما كان مستوعب شنو السالفة ..
ملاك جلست ع الارض من كثر الضحك : ههههههههههههههههههههههههههه تيس عاد ..هههههههههه آاااه يا بطني .. من وين اتجيك هالألفاظ .. هههههههههههههه ..
عزام وشكله توه استوعب : أنا تيس ؟؟ (قام بيلحق راكان) يا الهررررم انا اخوك العوود ..
قاام راكان بسرعة وهو يضحك : هههههه عادي انزين شنو فيها لو كنت تيس .. التيس ياكلون لحمه .. يعني منك فايدة..
عزام : اوقف بسرعة اوقف.. هالناقص تتمصخر عليه ؟؟ دامك اخوي لازم اكون تيس ..
وجلسوا يركضون ورا بعض وهم ميتين من الضحك ...
لدرجة ان عزام نسى انه كان زعلان ومهموم ..

|[]|





بعـد مرور أسبـــــــوع /
طبعاً رسيل نامت هالأسبوع كله عند بيت اخوها رائد ورفضت أنها ترجع لبيت زوجها
وفيصل طلّع حجه لأمه الي بدأت تحس بالسالفه
" طبعاً اليوم ملكة عزام ...............&............فجر "

×
×
×


الصباح الساعة 2 الظهر
الجوري : اللللللللآآآآآآهـ وناااسه مابغينا يجي عرس بالعائلة شوي بجد استملينا
لجين : خخخخخخ الله يعينك بس بكره مدآرس ياحلوة
الجوري كشرت : وووف عااد لاتنكدي علي الصبح من طاري هالغفه دي ما أقول إلّا ياحضك انتي افتكيتي
لجين : هه اصلاً غمضي وفتحي إلّا انتين كبرتي وصرتي حرمه
الجوري تستهبل : هداني غمضت وفتحت ماصرت حرمة ولا كبرت
لجين بإستخفاف : هاهاهاها ما أسخفك

الجوري : إلّا تعالي شنو بتلبسي الليلة ؟
لجين : هع هع تصدقي للحين ماقررت
الجوري : أقول يله قومي نشوف لنا أي شي ملانه أقوم السوق
لجين قامت : يله


|[]|


ملاك : ليااااالو وصممممممخ يصمك يا العلة انتي يله اتأخرنا وحضرتك جالسة تشاهدين " بنرفزة " يـابرااااااادتك يـاااااااااه
ليال تحط ايدينها على اذنها وهي مغمضه عيونها بقوة : ووجعتن ان شاء الله اش تبين انتي ؟
ملاك : بنروح المشغل ياالخبلة ترى مالي دخل ادا راكانو عصب لأنك تأخرتي .. يله اني بروح السيارة وانتي عجلي ها ياويلك ان بديتي تستعبطي ماني ناقصتك
ليال : طيب طيب انتي دلفي اني بلبس عباتي ولاحقتكم

/

بالليل
عند الرجال /،
راكان وهو كاشخ بالثوب والشماغ الأبيض , بهمس ل عزام : مبروكـ " بستهبال " منها المال ومنك العيال
عزام متوتر , دار راسه ل راكان : ما أسخفك .. يازينك سااكت
الشيخ توه واصل
مشعل الي مطقم مع راكان , كان قاعد بجهة اليمين بالنسبة لعزام وراكان من جهة اليسار : يسسس وصل الشيخ .. أقول لاتفششششلنا ياخي وتقول مانيب موافق
عزام : أحد قال لك سيخف
مشعل بحالميه : واااااايد وأحلى شي سمعتها منك
راكان بتكشيرة : وع ع ع ع . ما أبيخ اللهجه الكويتية علييييك

×
×
×


بعد مدة .,

دق جوال أم عزام --------> أكششششخ حتى العجايز لهم جوال ^^= >> أقول طسي بسس

ام عزام : الو
راكان : يمااااا أنا عند الباب المطبخ قولي لوحدة من خواتي تجي تاخذ الكتاب مني عشان يخلوا العروس توقع
ام عزام : طيب انت خليك الحين انادي وحدة تجي لك .. مع السلامة

/

ام عزام تنادي ملاك : روحي جيبي الكتاب من عند أخوك عشان العروس توقع
ملاك : أوكي يمة .... وين هو ؟
ام عزام : عند باب المطبخ
ملاك : اوكي

وراحت للجين
ملاك : لجونه تعالي أبيك شوي
لجين بإستغراب : وين ؟
ملاك تجرها من يدها : تعالي وبتعرفي



×
×
×

الجوري / رؤى

الجوري : هلا والله بخطيبة ولد عمي
فجر بضحكة : هههه هلا فيك
رؤى : أنتي صديقة ملاك مو ؟
فجر : إيه ...
الجوري : أحم أحم .. اني وبنت عمي المصون نبغى نتعرف عليك نبي نشوف ذوق بنت عمي الشينة
فجر : هههه حرام عليك ملاك شينة عجل شنو خليتي لي
الجوري : ولو فديتك .. الموهم أني الجوري بنت عم ملاك .. عمري 15 سنة بثالث متغصغص .. هوايتي الأستهبال والرجة وأكره النااس الباردين يـا الله يقهروا بجد .. اني آخر العنقود بين اخواني اسرتنا المتواضعه تتكون من أب وأم فديتهم ربي يخليهم لي بعدين أخوي راشد متزوج من ورود هذيك " تأشر بإديها " الي لابسه فستان برتقالي
رؤى تقاطعها : وجعوه مايأشروا
الجوري عصبت : توجعك لاتقاطعيني ., " تكمل " المهم وعندهم وليد و وريما جهالوا يهبلوا ؤربي .. بعدين أخوي فارس وبعدين لجينو أكيد تعرفيها صاحبة ملاكو الي 24 ساعة وياها .. وبصصصصصص
فجر انسبطت بالقعده معاهم : ههه ربي يخليهم لك .. بجد القعده معاكم روعة
الجوري صدقت نفسها : أحم أحم .. من ذوقك
رؤى بنص عين للجوري : مالت عليك بس صدقتي عمرك ترى البنت تجاملك مالت عليك بس .. شوفي وجهك يتمشى بالأرض من الفشيله روحي لقطيه
الجوري بحلست لها : مالت أصلاً انتي غيرانه مني انها حبتني وماحبتك يالقدره
رؤى : مالقرده غيرك طالعه على بنت عمي
فجر : ههه مايحتاج كل هالخناق عااد
الجوري استحت على وجها : خخخ ماعليك احنا دوم كذا نمزح
رؤى تنقذ الموقف : إيه ماعليك دورك عرفينا على نفسك وهوايتك




×
×
×





صح نسيت أقول لكم ملاك ولجين شنو لابسين

ملاك :.



لجين :.



طبعاً لجين كانت عاملة بشعرها نفس الصور أمّا ملاك فكانت مرولة شعرها وطالعه شي خطير .. ومكياجهم كان حلو كثير وناعم ومناسب للأزيـاء ..


>>>> طبعاً ملاك قالت للجين تلبس عباتها وتلف شيلتها عليها

ملاك : أحم أحم قول لأخوك مبروك ..
راكان بدون ماينتبه للجين : وجـعوه انتي سنتك سنه كل هذا على ماتجين تاخذين الكتاب .. مالت عليك بس , وبعدين ياذكية البنت لسى ماوقعت يعني مانقدر نقول مبروك
ملاك : حشى حشى حشى .. يا أخي أحترم وجود بنت عمك ع الأقل
راكان الي انتبه للجين الي منزلة راسها من الإحراج والموقف الي ملاك حطتها فيه
راكان مبلم : هلا لجونه كيفك ؟
لجين انصدمت من جرآءته وقدام أخته , بصوت يالله ينسمع : الحمد لله بخير ..
ملاك : هيي تراك طقيت الميانه عدل .. يله أقلب فيسك الحين ..
وراحت هي ولجين وراها

راكان لسى واقف مكانه : انا لازم أتزوجها أزوجها بجد بموت لين ما أتزوجها .. آآخ بس يابوي ليتك ماعندت كان الحين هي خطيبتي ..
ميري : هي إنتا في مجنون قاعد كلم حالك
راكان : والله المجنون يعرف نفسه يامجنونه
بعد ماراح راكان
ميري : حمد لله والسكر عائلة مجنونااااا ( السكر - الشكر ... بس تعرفوا الاندنوسيين شلون يخبصوا باللغه خخ )


×
×
×


أرتفعت اصوات الزغاريط والناس فرحانه مره ...

فجر / ,
آهـ فرحانة فرحانة فرحانة
ما أقدر أوصف لكم شعور الفرح الي أحس فيه .
يعني
يعني الحين انا صرت خطيبة عزام ..
الله شعور رائع ..
الله يوفقنا بس

وانتبهت على ملاك الي تناديها
ملاك : بلاك انتي سرحتي أكلمك من أمس ------>> يازين المباااالغه
فجر توها فايقه من السرحان : هلا
ملاك : يله أخوي يبي يشوفك الشوفة الشرعيه
فجر ابتسمت بحيا : أوكي الحين قايمة ..

راحت فجر ومعاها اختها مريم
مريم : خخ يالخبله اقول ضبتي نفسك وانتبهي لاتتعرقلي وانتي تمشي
فجر خافت : وجع مريوم لاتخوفيني
مريم وهي تمشي : اسمعي قريت قصه إنّ ...............
فجر : وجعوه انطمّي مابي اسمع شي
لمّا وصلوا كان اخو فجر سعود
سعود : يله مريوم انتهت مهمتك طسي
مريم انقهرت : مالك خص وكنت بمشي بدون ماتقول
وراحت
سعود يطالع اخته : أوووه شو هالحلا دا نويه تقنني الرقال وهيطلب الزواق من هالحين
فجر استحت : وجع سعودو بلا هبال ماني ناقصه
ودخلوا

فجر بصوت خفيف مره : السلام عليكم ورحمة الله وبركاته
عزام وقت وهو يناظرها بإعجاب وبإنبهار : وعليكم السلام والرحمة
سعود : احم .. يله اترككم الحين شوي ورااااجـــع
وطلع
عزام: اقرب ولا تقربين ؟؟؟ احس اشكالنا كذا غلط ..
فجر فكرت بسرعه وهي اللي قربت .. خافت يجي ويقرب منها كثير ..
عزام طالع المسافه اللي تغيرت : كثير علي والله ..
فجر تفشلت وسكتت
عزام حس فيها وغير الموضوع : أخبارك ؟
فجر منزلة راسها : الحمد لله تمام ...... " سكتت وبعدين " وأنت ؟
عزام : الحمد لله .. .
وسكتوا
عزام: ان شاء الله ربي يقدرني اسعدك .. واكون عون لك في حياتك.. وتكوني انتي شريكتي للابد .. ويدوم ربي بينا المحبه والموده.. ويرزقنا الذريه الصالحه ..
فجر ابتسمت وتنهدت بقبلها وهي تدعي إنّ ربها يوفقهم

>>>>>>>>>>>>>>>>>>>>>>>>>>>>>>>>>>>>>>>>


كملو البنات ملكة فجر .. رقص ووناسه وهبال .. فرحوا فيها كثير .. واكثر شي مسعدهم فرحة فجر اللي واضحه بعيونها ...

************************************************** ********

في اليوم الثاني الساعه 9 الصبــاح
في المدرسة الجامعة

ملاك : وه فجورة وحشتنيني فديتك
فجر : ههههه مسرع ما وحشتك الامس شايفتك
ملاك : ولو وحشتيني
فجر : ملوكه حبيبتي انتي طلبتك بليز تعالي عندي اليوم
ملاك : وشنو المناسبه
فجر : بدون مناسبه كذا بس .. حرام اعزمك يعني لازم مناسبه
ملاك : اممم طيب بس أشوف لي سياره تعرفي عاد الي عندي كل واحد انذل من الثاني
فجر : لاا عااد حرام عزامي فديته مو نذل
ملاك ترفع حواجبها : بدينا
فجر تصرف : أقول أمشي أمشي جيعانه موت خلنا نروح الكفتيريا
ملاك تمشي معاها وهي تضحك : يازين التصريفه بس






****************************


في بيت رائد
رسيل ماداومت للجامعة مالها خلق ولسى للحين جالسه ببيت أخوها

طـق طـق طـق
شوق من وراء الباب : ممكن أدخل ؟
ماسمعت رد كالعاده ... فدخلت
شوق ببتسامه حلوه : رسيل حبيبتي تعالي افطري معاي ملانه لوحدي أخوك راح للشغل .. يله أمشي
رسيل قامت بدون أي كلمه وهي تفكر انها من متى قاعده معاهم ومنعزله عنهم .. رحمة شوق فصارت تسولف معاها شوي على الفطور
شوق وهي تدهن التوست بالمربى : تبي فيها جبن أو فول السوداني ؟
رسيل : براحتك
شوق : طيب .... إلّا رسيل بكره بتداومي بالجامعه ؟
رسيل : ما أفكر أفكر أأجل هذا الترم
شوق : أمم براحتك ........... رسيل فضفضي لي مو تكتمي شي بقلبك .. تكلمي ترى راح ترتاحي .. ؤربي راح يكون سرك ببير وماراح أقول لأحد .. بس حرام الي تسويه بنفسك والله حرام مايصير
رسيل نزلت منها دمعه وعلطول مسحتها
شوق مانتبهت لها وكملت : لمتى حالك راح يضل كذا لمتى ؟
رسيل بكت ماقدرت : أبي أتطلق أبي أتطلق ياشوق الله يخليك كلمي رائد يكلم فيصل خلاص أبي أتطلق ومابي شي ثاني
وقامت لغرفتها وهي قاتله نفسها بكا
شوق انصدمت ماتوقعت راح تكون ردت فعلها كذا .!! :. انا لازم اكلم رائد اليوم البنت راح تموت اذا ضلت كذا ...

******************************









الساعه 1 الظهر
الجوري توها راجعه من المدرسه .. رمت شنطتها على الكنبه ورمت نفسها بعد ^^
الجوري : يماااااااااااااااااااااااااااااااااااااااااااااااا اااااااااااااااااااااااااااااااااااااااااااااااا
ام راشد جات مخترعه : بلاك تصارخين شنو صاير خرعتيني
الجوري : متى بستوي الغذااا ميته جوووع
ام راشد : قومي بدلي ثيابك وصلي وبنستنى اختك لجين اتجي من الكليه
الجوري : لا اااااااااااااااااا .. ماني منتظره أحد
ام راشد راحت للمطبخ تشوف الغذاء : ياويلك ها
الجوري قامت متكاسله لفوق وبدلت ملابسها ولبست لها بجامه ورديه فاتحه وفيها رسمة خروف بالوسط ؟؟ وفلت شعرها وجلست ترتب فيه وتكشخه من الفضاوه والملل
وبعدين استقرت بـ ثنتين ( قراعين ) وحده صفراء والثانيه خضراء
ونزلت تحت للمطبخ
الجوري : ماماتي حبيبتي وين الآيسكريم الي كان بالفريزر ؟
ام راشد : مدري عنه دوريه زين
الجوري تدور : وين ماشفته " بصراخ " رووووووووووووووووووووووز
روز : سوو ... ( سو = شو )
الجوري : وين الآيسكريم الي كان هنا ؟
روز : آخوكي فايس في آمس ياكلوو
الجوري عصبت : غربل الله بليسه وأني شنو آكل ياحسره جوعاااااااااااااااانه
ام راشد تقطع البصل : بدل ماتاكلي بهالأكل الي مدري من شنو مصنوع .. كلي لك شغله مفيده شوفي كيف انتي عصايا
الجوري تناظر جسمها : حراام عليك يمه اني عصايا .. وأني الي ابي اسوي ريجيم صايره دبه
ام راشد : بلا رجيم بلا بطيخ
الجوري : يمه تدري اني غبيه
ام راشد : هووو توك تدرين ؟
الجوري : يمممممممه .. والله من الغباء اليي في كان أقوم أسوي لي بطاطس مقلي " بحالميه وهي تمثل " فديت قلبه
ام راشد تهز راسها يعني الله يهديها





*****************************



في غرفة فيصل
ام فيصل : فيصل شنو صاير بينك وبين زوجتك وليش هي قاعده ببيت أخوها ؟
فيصل :.............................
ام فيصل : تكلم يافيصل ليش ساكت ؟
فيصل يناظر بالفراغ : مافي شي أقول
ام فيصل : إلّا فيييه .. يعني لي متى وانت بتتم كذا .. حتى أبوك يسألني عنها وأنا أصرف نايمه أو طلعت أو تاخذ شور .. خلاص أنا تعبت يافيصل ياتفهمني او أقول لأبوك الحقيقه
فيصل وقف بعصبيه : يايمه رسيل تبي الطلاق
ام فيصل بصدمه : شنو ؟
فيصل : مثل ماسمعتي وانا كلمت محامي وقال لي بكره راح توصلها الورقة ان شاء الله
ام فيصل عصبت : وليش تسمح كلامها ذي بزر وانت ياحافظ علطول رحت وسويت لها الي تباه .. لازم تتفاهم معاها وتحلوا مشاكلكم بهدوء
فيصل الي كان يرجف من القهر والعصبيه : عاد هي خلت فيها تفاااهم علطول حملت عفشها وراحت لأخوها كم مره نزلت بكرامتي ورحت لها وترجيتها بس مافي فايده .. خلاص مو هي تبي الطلاق .. بسوي لها الي تبغاااه










*****************************************


بعــــــد مرور اسبوع

(( طبعاً رسيل وصلتها ورقة الطلاق ))


رسيل كانت بغرفتها والدموع بعينها وهي ماسكه الورقه بإيدين مرتجفه
شوق دخلت وهي حامله بإيدها صينية العشاء
شوق : تفضلي حبيبتي هذا العشاء وصلك لفوق ...
لمّا شافت رسيل والدموع بعينها والورقه الي ماتدري شنو فيها
شوق خافت : رسيل .. شنو فيك ليه البكاء
رسيل :



























أنــا حامل







&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&&&&&&&&&&&



نهاية البارت

البارت الثامن عشر



*********************************


شوق حطت يدها على فمها : شنـــــو !
رسيل والدموع ماليه عينها : شوق اني رايحه لبيت أهلي وراح أقول لهم عن الطلاق ... " قامت وهي لابسه عباتها .. وحضنت شوق " .. شكراً ياشوق ؤربي وقفتك معاي ماراح انساها ادري ثقلت عليكم كثير .. وانا الحين رايحه .. اهتمي لنفسك وعلى بناتك حبيبتي .. ؤربي وقفتك جميل على راسي .. شكراً
شوق حضنتها أكثر : لا لاتقولي هالحكي يارسيل ؤربي انتي ونستيني كثير ..
رسيل بعدت عنها وهي تمسح دمعتها : مع السـلامه ....
ونزلت تحت ووقفت لها تاكسي وراحت لبيتهم ..........................





***********************************

الجوري تلعب بشعر لجين : لجونه حبيبتي انتي فديتك وفديت هالشعر دا . .. طلبتك طلب ولاترديني
لجين : آآآآهـ أعرفك أم مصالح متعلمة لي من الروايات مالت عليك .. أطلبي اخلصي باقوم أنـام وراي جامعه بكره
الجوري : ابي اروح وياك بكره الكليه
لجين دارت لها : نعــــــــــم
الجوري : نعامه ترفس.......... أحم أقصد الي سمعتيه
لجين : وانتي ماوراك مدرسه بكره وثانياً شلون راح تدخلي انتي ما معاك بطاقه يـاذكيه
الجوري : عاادي وهم شنو عرفهم
لجين : وثانياً لو يشوفوك الأمن بفكرورك بإبتدااائي خخ
الجوري عصبت : الشره علي الي اكلم وحده عقلها قوطي ودرج يـاالزرافه


**********************************************

رؤى كانت جالسه بالصاله وهي تفصفص حب وتشرب بيبسي
رؤى : يمااا ملل وش رايك بكره نعزم رسيل تجي تتغذى عندنا .. ووووووف من راحت وانا طول الوقت جالسه لحالي
ام رائد : ههههه إن شاء الله على عيني كم رؤى عندي
رؤى : وااحده إلي هي اني فديتني
ريان دخل من الباب : أوووووه باين انكم مبسطين
ام رائد : إيه تعال اجلس معانا ...
بعد ماقعد
ام رائد : ناوين بكره نعزم رسيل وأخوك رائد على الغذاء ..
ريان : فكره مش بطاله .. تبون اوصي لكم على مطعم او تبون طباخ البيت ؟
ام رائد : لا لا طباخ البيت مالينا بالمطااعم
ريان : اوكي براحتك يا الغاليه
وسكتوا ...

بعدين سمعوا دق الجرس بشكل مو طبيعي
ريان قام بسرعه يشوف مين
رؤى : وجـــعه من ذا الي خرب جرسنا جعل يده الكسر
ام رائد بقلق : وجع لاتدعين على الناس
دخلت رسيل وهي تبكي
ام رائد ضربت صدرها : يمه بنيتي شفيك يمه رسيل ؟
رسيل حضنت امها : يمـــه .. فيصل " وشهقت بالبكا " طلقني
الخبر نزلت عليهم كالصـــــــــــــــــاعقه



*****************************
خلينا نروح لوحدة من زمان عنها ومغبره كح كح ^^



شمس : يمه ..
ام تركي : همممم
شمس : شنو رأيك نروح شاليه كم يوم
ام تركي : مين تقصدي بـ كلنا ؟
شمس : يعني من بالله يا إمي .. بيت خالتي أم فارس وشلتهم العالمية
ام تركي : من صدقك انتي .. أولاً الحين دوامات وثانياً , مستحيل يرضوا
شمس ترفع حاجب : ليه مستحيل
ام تركي : انتي تعرفي إنّ علاقتنا معاهم مو لذاك الزود
شمس بلا مبالاه : وإذا ..
ام تركي : أقول بلا حكي فاضي قالت إيش قالت نروح شاااليه
شمس بتأفف : أقوم لصبوح ( صباح ) .. أحسن لي
بعد ماراحت
ام تركي راحت تكلم اختها ام حمد
ام تركي : الو
ام حمد : هلا والله ببنيتي
ام تركي : هلا بك .. إلّا أقول يام حمد شرايك نروح الليله عرس ام فاايز ؟
ام حمد : والله اني الليله ماعندي شي .. اوكي عجل مرّي علي على الساعه 9 ونص نبي نروح بدري
ام تركي : ان شاء الله وخليك جاهزه
ام حمد : اوكيه .. يله مع السلامه



***************************************




رنا و أحلام منسدحين على الكوشنات ويطالعون فلم هندي يجنن
رنا تاكل من المفشار (( مصدقين حالهم في سينما ^^ ):: حلووووم
احلام : هممممممممممممممممم
رنا وهي تلف خصله من شعرها على صبعها : تصدقي
احلام تستهبل : لا ما أصدق
رنا عصبت : احلاام بلا سخاافه اتكلم من جد
احلام : طيب طيب خلاص أصدق
رنا تنظارها بإستخفاف وكملت : وحشنـي
احلام طيرت عيونها وقالت وهي مبلمه : هاه ؟!
رنا نزلت منها دمعه : الأمس جلست أفكر .. تدرين أني غبيه اتهمته بشيء هو ماله دخل فيه .. والله اني غبيه وبدون عقل
احلام : دخليك توك تدرين .. أقول بس عن هالكلام الي ما منه أي فايده وقومي معاي نتصل
رنا : نتصل لمين ؟
احلام : لمهند هاهاهاها .. يعني من بالله عن من احنا نتكلم من الأمس
رنا : احلام اعقلي وبلا استظراف زاايد
احلام : طيب طيب .. وأخذت جوال رنا واتصلت ل بندر


***********************************************

من جهه ثانيه

بندر كان جالس بأحد الكوفيهات وحاط إيده على خدّه .. وكل من يمر يشوفه يقول هذا واحد ملان , طفشان من عيشته

إلّا يسمع جواله يدق
ما أهتم بس باين إنّ المتصل ماراح يوقف لو يضل لبكره
ضغط على العلامه الخضراء بدون مايشوف مين
بندر : آلو
............: .............
بندر بملل وطفش : خير تبون شي وعن البياخه الزايده والي مال امها داعي
.............: بندر
بندر ماقدر يميز الصوت : أحم ... إيوه مين معاي ؟
.........: معاك أحلام .. بندر .. أبي أقول لك شي ولاتقاطعني بليز لوسمحت .. ؤرب البيت إنّ رنا ندمانه قد شعر راسها البنت قاتله نفسها بكي ونياح تبيك يابندر ؤربي البنت متحسفه قد شعر راسها على الي سوته فيك لو تشوفها يابندر ؤربي حالتها ماتسر لاعدو ولا صديق .. الله يخليك يابندر افتح صفحه جديده معاها وصدقني البنت ندمانه وعارفه بغلطتها وهذا الشي من صالحها وعرفت أخطائها عشان ماتعيدها بالمستقبل
بندر بإبتسامته الي تطيح الطير من السما : ومن قـال إني زعلان عليها عشان اسامحها .................................................. ...




******************************************



رنا نزلت دموعها من الكلام الي سمعته وخجلانه من نفسها على الشيء الي عملته فيه .. بـــــــنــــــدر جوهرة ثمينة لاتعوض وهي بغبائها وبلاهتها كان راح تخسر أحن وآخر شخص بقى لها من الدنيـــا كفايه امها وابوها تركوها وراحوا مابقى لها إلّا بندر & أحلام ... وعاهدت نفسها انها من اليوم ورايح راح تحاافظ عليهم ومستحيل تخسرهم مره ثانيه


****************************************


ام رائد بحنان وهي تمسح على شعر رسيل : يــاعمري ياحبيبتي انتي الحين روحي ارتاحي بغرفتك وهي لسى زي ماهي محد لمسها او سوّى فيها شي .....
رسيل تحضن امها أكثر وكأنها تدور الأمان فيه : يممـــا لاتتركيني وتتخلي عني كفايه فيصل إلي خآني علشان وحده ماتسوى حتى جزمتي

خــــــــــــــآني
خـــــــــــــــآني
خـــــــــــــــــآني

معقول .!!!!!!!!!
انصدم منها معقول فيل يخون اخته ؟
وجهه بدأ يرتجف من العصبيه والغضب والقهر . . . يحس نفسه لو يشوف فيل قدامه كان ماحد راح يخلصه من بين إيدينه
وعاهد نفسه إنه ماراح يسلك له هالموضوع على خير ............... / يــا أنا يــاأنت يافيصل
رؤى وهي تقوم رسيل : خلاص حبيبتي بكره نحكي بهالموضوع أنتي باين عليك التعب والإرهااق .. يلا قومي حبيبتي معاي استريحي لك شوي ..
رسيل قامت معاها وكان باين عليها آثــار التعب والإرهاق وهي فعلاً بحاجه للراحه


******************************

صباح يوم جديد نشوف بيت بيت فيهم

*
*
*

ام راشد : الجوري الجوري .. يلا عااد قومي تعبت وآنا اقومك يلا ياالجوري تراك واجد اتأخرتي
الجوري مي حاسه بأمها : اممم اممم شوي بس
ام راشد حبت تلعب بأعصابها : قومي ترى الساعه 8 ونص انا من الساعه 6 وانا اقومك ترى مالي شغل ادا هزؤوك ها
الجوري من سمعت انها تأخرت والساعه 8 ونص فززت من السرير وراحت التواليت - أكرمكم الله -
ام راشد : هههههههه الله يصلحك بس
وراحت لغرفة لجين
ام راشد دخلت
وقال بإبتسامه : والله زين إنك قاعده مريحتني مو زي أختك الله يرجها تعبتني وانا اقعدها
لجين تزين شعرها : ههههههههه مام والله لو أنك قايله بس لجين انا براس الخدمه
ام راشد : ههههههه عااد انتي أدرى بالجوري ماتشتهي أحد يقعدها .. ياخوفي ترفسك للدور الأرضي وهي نايمه مو حاسه بشسء
لجين تخيلت وفطست ضحك : هههههههههههههههههههههههههههههههههههههههههههههههههه هههههههههههه والله هههههههههه مو بعيده عنها ههههههههه





*************************

على طاولة الفطور

راكان ياكل بسرعه : يبه ....
ابو عزام : وجعه لاتاكل وفي فمك أكل .. أنتظر ليما تخلص
راكان يبلع الاكل بسرعه : يبه أبي سياره جديده
ابو عزام : نعنبو دارك أنت من سنه وحده إذا مو أقل ماخذ لك سياره ..
راكان يصرف : إيه يبه هذا ربيعي ذاك الي اسمه رويشد تذكره ؟ .. الي هو ... كان ماخذ سيارتي وسوى فيها حاادث وتشوهت من وراء يايبه ترضضى علي يقولون سيارة ولد ابو عزام الميلياردير أسخف سياره بالجامعه ؤربي أتفشل كذا بالجامعه
ابو عزام : تستظرف حضرك ؟ وسياره مافي
راكان : يببببببببببببببببببببببببببببببببببببببببببببببببب ببببببببببببه
ابو عزام : ؤصمـــــه
سجى كانت تقرص راكان وتقول بصوت خفيف بس راكان الي يسمعه : ويلووو ألقط وجهك
ملاك نزلت وبإيدها الكتب تبع الجامعه : راكان يلا تأخرنــا
راكان قام وهو مكشر ومقهور
ملاك ضحكة عليه ومشت



*******************************************




رسيل قعدت من النوم وهي ماتدري وينها فيه .. شوي شوي بدأت تتذكر الأحداث ........... وجلست تفكر
بعدين قامت التواليت - اكرمكم الله - .. وغسلت اسنانها وتوضأت وصلت .. بعد ماخلصت راحت أخذت شاور وطولت شوي أخذت ساعه وشوي .. بعدين قامت فتحت كبتها بس ماكان فيه شي على كذا راحت غرفة أختها رؤى ولبست " بلوزه بينك ومعاها شورت لتحت الركبه بشوي جلد لونه أحمر .. وفوقه حاجه مثل الفروه عشان البرد .. لأنه الجو بدأ يبرد عندهم .. وحطت لها مرطب للشفاة مع كريم يخفي آثار البكا ويزهر وجها .. ورشت لها عطر على خفيف ورفعت شعرها ذيل الحصان بعد مانشف .. وطلعة ولا ملكة جمال .. وراحت لغرفتها ..
حطت يدها على بطنها وإبتسمت وهي تقول : يـاعمري إنت .. من اليوم ورايح راح نبدأ صفحه جديده أنـا ويـــــاك .. راح أربيك وأحافظ عليك يـاضنـاي .. آآهـ لو ما أنت كان انا من زمـان ضايعه .. من لمّا عرفت بوجودك داخل بطني .. رجعت لي الحياة ..
حست بالجوع شوي لانها ماكانت تاكل زين وهي جايعه مره خصوصاً انها حامل وهذا راح يتعبها كثير .. فقالت من اليوم ورايح راح تحافظ على نفسها أكثر من أول


نزلت تحت وحبت راس أمها : صباح الخير يالغالية
ام رائد : صباح النور والسرور هلا والله
رسيل : يمه مييته جوع مافي فطور ؟
ام رائد : إلّا يمه فيه انتي بس قولي شنو مشتهيه ؟
رسيل : أي شيء المهم أسكت هالجووووع الي يوصوص ببطني
ام رائد : طيب أنتي روحي لطاولة الطعام .. وانا اقول للخدامه تجيب لك الفطور
رسيل : أوكي ان شاء الله
وراحت للطاوله وهي تنتظر الفطووور بفاارغ الصبر --------->> حلفي




**************************************


رنـــــــــــــا & بندر

الحمد لله , رجعت حياتهم مثل أول وأحسن .. وبالدات رنا تغيرت كثير عن أول وصارت مثل السمنه ع العسل .. تغيرت كثير وصارت تهتم بالناس الي حوليها أكثر وكأنها بجد خايفه تفقدهم بيوم من الأيـــــــــــام



******************************************

بعـــــــــــد مــــــرور شهـــــــر

طبعاً لاجديد صار كانت الأيــام روتينيه جـــداً .. الكــل من البيت للدوام ومن الدوام للبيت .,

طبعاً بعــد تفكير ونقااش دار بين عزام وأهـل فجر والعروسـه فجر .. قرروا يخلوا العرس بعـد 5 شهور .. وطبعاً الحين مضى شهر وصار بعد 4 شهور ...

في بيت أبو سعود ------>>> فجر

ناديه اخت فجر : فجرو ياخبله متى بتروحي تجهزي لعرسك ترى مابقى إلّا اربع شعور مدري شهور

مريم : إيه والله أختك خبله كم مره أقول لها قومي نروح السوق نقضي لعرسك تقول " وهي تقلد فجر " لا والله أني بروح بكره مع حمااتي " وبدلع " أخت جووووزي

ناديه تضرب كفها بكف مريم : ههههههههههههههاااي حللللللللوهـ والله وقصصم أعطيك عشره على عشره ضابطه الدور عدل

مريم تعدل ياقة قميصها : أحم أحم شكراً على الأطراء

فجر تطالع فيهم وهي متكتفه : اقول ماتلاحظوا انكم من الامس وانتوا تحشون فيني وانا ساكته عنكم

ناديه : إلّا إلّا ملاحظين

فجر بإستخفاف : يــــاثقالة دمك

ناديه جتها الحاله : ثقاله ولا خفافه

فجر : سخيييييييفه حدك ترى

ناديه : سخيفه ولا عبيطه

فجر : بايخه

ناديه : بايخه ولا جميله -------->> لاااااه جد البنت زودتها --> وش دخلك ^^

فجر عصبت : زودتيها ترى .. أقوم اشوف مهاوي تروح وياي السوق أبي أشتري فستان جااهز مابي تفصيل

مريم : لييييييييييش يالخبله ترى التفصيل أحلى بمليون مرره

ناديه : من زماااان وانا اقول لك أختك خبله وماعندها ذوق " ترفع يدينها " يااااارب انك تصبر عزاام عليها

فجر تضربها بالخداديه : وجعو مو تقولي اسم زوجي على لساانك الوصخ

ناديه : أقول بنات قوموا لبسوا عباياتكم اني بتصل في مها تجهز عشان نروح السوق

فجر : أووكي وقولي له ماتطول أعرف أختك بـــــــارده




بعد خمس دقايق كانوا البنات جالسات تحت ينتظرون سعود يجي


شوي يدق موبايل ناديه بأغنية بحبك ياحمار بصوت ناديه طبعاً

مريم فطست ضحك : نعنبو دارك انتي شنو حاطه لخوك

ناديه : فدييته أخويي حماار والله ومع ذلك أحببه

فجر بقهر : أقول يله شوفي شنو يبي مو قاعده تتفلسفي لي حضرة جنابك

ناديه : الو

سعود : وجعه يله أنـا أنتظركم انتي وخواتك تعالوا استناكم بره

ناديه : طيب طيب لاتنااافخ اعصاابك ياخي

طووووط طوط طوووط

ناديه : وقصصم مو قايله لكم حماار

فجر ومريم قاموا عنها لأنه ناديه ان تكلمت خلااص مااتوقف تقولوا بالعه راديو 2010

دخلوا السياره وكانت مها اختهم جالسه قدام وجنبها سعود

البنات : السلام عليكم

سعود و مها : وعليكم السلام ورحمة الله وبركاته

سعود وهو يحرك السياره : لوين رايحين

ناديه بإستظراف : يعني لوين ياخي إلــى للكورنيش هاهاها

سعود صدق ماكان يدري وين بروحوا على كذا راح للكورنيش بحسن نيه




***************************************






إيــاد ( للتذكر يصير صديق فارس ) .:: يمـــه


ام إياد : هلا يمه

إياد : قومي قولي لبناتك يجهزوا انا عازمكم على مطعــم .. تغيرون جو 24 ساعه بالبيت ..

ام إياد : والله ياوليدي خواتك شهد واصايل اوكي عندهم بس ياريت تحاول في وسن والله قلبي ضايق عليها ماتطلع من البيت و دائماً حابسه نفسها في غرفتها .. عاد أنا ابيك تكلمها وتحاول فيها لعلّى وعسـى ترضى

إياد يبوس راسها : ولا يهمك يا الغاليه انتي لاتاكلي هم انا احاكيها وان شاء الله ترضى

ام إياد من قلب : ان شـــــاء اللَّــــــــــه ...



اياد رقى الدرج وطق غرفة وسن , ودخل بعد ما سمع الإذن بالدخول

اياد : وسن يله انا عازمكم على مطعم بدل القعده الممله بالبيت ., قومي اجهزي عشان تروحين معانا

وسن حست انها تبي تغير جو , على كذا هزت راسها بالإيجاب

اياد ابتسم : انتظرك لاا تتأخرين علينا

وطلع


************************************************** *******************

انتهى البارت