تحت ظلال الحرف ـ أشيائي وكياني

::
::
في عيني اليمنى .. مطر
في عيني اليسرى .. أثر
أنا بشر ..
أزعل .. أغار .. وانقهر
يارحلة العمر [ الصبر ]
ماعاد فيني للسفر ..
حلم " المسافات " اندثر ..
نار وشرر ..

لو تفهموني يابشر ..
أنا بشر .

نبض قلم :: برستيج قلم ::

,,

جميل ما وجدته هنا ... متابعه .
..

::
::
لا برد يقتل ورد ’ لا روح تحما
بين السنا والنور لحظة تناجيك

وحي انتظارك عانق الشعر نظما
بيت القصيدة عانق اسمى معانيك

الشوق سامي وانت في قلبي اسما
مالك شبيهٍ في عيوني يجاريك

:: برستيجياتي ::

::
::

وسيمة حلايا والدلع بسمها مرهون
تخلي عقول الناس بالوصف في حيره

شفايف كرز أحمر ومن ريقها مدهون
ومبسم كما قوس القمر فيه تدويره

وعنقن يشابه جيد ريميةٍ مصفون
تعطـّف غنج ماهابت الصيد والسيره

وشعرن يداعبه الهواء فوق نب متون
إذا لامس الخدين تجمعه وتديره

وخصرن نحيلن ياتمايل على الاردون
كما غصن ريحانه تمايل بتثميره

ألا يانسيم الصبح في عطرها مفتون
تهب الهبوب وتشغل القلب وتثيره


ألا يابتسامتها وياعينها تكفون
على مهلكم ماعاد للقلب تصبيره

مقتطف شعري :: برستيجي ::

::
::

ماني مدوّر للتخاريف تعليل
............. كلـّن على رايه يسيّر خطاويه

ولا بجتهد , لكن للقول تحليل
............ والهرج لامن بان يرجع لراويه

أما يشيل الحمل من دون تقليل
............ والا يكثـّر في الخلايق عزاويه

ياللي عويتم عويت الذيب بالليل
........... يبطي عواكم ما يلاقي هقاويه

أقوالكم تحتاج حجه وتدليل
.......... لن الحكي من دون برهان تشويه

لاتبهتون الناس منكر وتظليل
......... الظلم ظلما والتعدّي مشاريه

أمطرها شعراً :: برستيج قلم ::

على النيّة سوالفنا نقية مابها عذروب
نسولف والله اللي يعلم الاسرار والنيات

حلاة السالفة لاصار فنجال الثقة مصبوب
تدور الهرجة بين اهل العلوم الغانمة وثقات

ويبقى راعي الريبة على الريبة تقل منهوب
يجاهد من بلى همه وقلبه يتلي الونات

يفتش له على زلة ويبحث في خفاه دروب
يبي يثبت لنفسه شي ويظهر للبشر زلات

على النيّة :: برستيج قلم ::

صباح الموعد اللي راح

وكل الشوق فينا صاح

صباح الديم والهتّان والغيمة

ونور عيونك اللي صافحت عيني

صباحك شهر ( نوفمبر ) ..

صباحك يا ( الأحد ) ذكرى

صباحك ..
يومك ( الرابع )

عسى ايامك غلا تمطر

ياريح العطر والعنبر

تلاقينا .. تهادينا

نظرنا في بعض .. والشوق يملا الكون ..

والا الحب يملانا

:: برستيجيات قلم ::