الناس واجد .. والمشاعر قليله

إســألوها .. ليه تقطع بالزياره ؟
ليه وش جاها ؟ نست والا تغلي

وأخبـروها .. كان هذا هو قراره
إخبـروها .. ان دمـوعي ما تهلي

علمتـني هالحيـاه .. إن الخساره
هم .. له وقت .. وأكيد انه يولي

يـاخفوقي .. لاتطوّل .. بإنتظاره
انتـظارك له .. تـرا شئ ٍ .. مُملي

غادر بصمت المحبه .. عن دياره
وأحمل الذكرى ترا الذكرى تسلي
.
.
.
نظر

أتعبتني .. كيف أنا أكسب ثقتها
وهـي لها بالصدر إيمان وعقيده

مبعده عنـي .. وأنا في نـاحيتها
لا تبي قـربي .. ولا حبـي تريده

ليه يابنت البشر .. ذي آخرتها ؟
وين رحتي فـي ليالينا السعيده

وين وين .. الكلمه اللـي قـايلتها
وين ميثـاق الأحاسيس الفريده

يـاتعب عيني .. وأنا بـ متـابعتها
وياتعب قلبي ونبضه في وريده
.
.
.
نظر

أستغربك .. والا أعذرك .. والا أخليك
في راحتـك .. وأنسـاك .. يا مشقيني

صـراحه .. أحترت بجفـاك .. وتغليك
ياليت تشرح لي .. وش اللـي فيني ؟

إن كان هي غيره أو إحساس تشكيك
أو هـي ظـروفك .. أو تبـي .. تنـفيني

قلها صـراحه .. لا تخليـني .. أرجـيك
تـرا الصبـر .. مــاعـاد بك .. يكفــيني

لولا إشتيـاقي .. ما كتبت الشعر فيك
وماقلت لك .. .. انت النظر في عيني
.
.
.
نظر

^
^
الحاقاً .. و إضافه للمشاركه السابقه ..
.
.
أستغربك .. والا أعذرك .. والا أخليك
خذ راحتـك .. بـ نسـاك .. يا مشقيني

صـراحه .. أحترت بجفـاك .. وتغليك
ياليت تشرح لي .. وش اللـي فيني ؟

إن كان هي غيره أو إحساس تشكيك
أو هـي ظـروفك .. أو تبـي .. تنـفيني

قلها صـراحه .. لا تخليـني .. أرجـيك
تـرا الصبـر .. مــاعـاد بك .. يكفــيني

لولا إشتيـاقي .. ما كتبت الشعر فيك
وماقلت لك .. .. انت النظر في عيني

خـلاص .. ذا آآخـر نـدأ .. لك ينـاديك
ومــاراح .. أسمــع لك .. لـو تنــاديني

وبـ صد عنْك .. دام هـالصد ..يرضيك
وبـ مسح بقـايـا لهفـتي .. مع حنيـني

مـادام مالي حظ بك .. ليش أغليك ؟
وأبقـى أسيرك وأنت أرخصـت فيني

لـي عزه بنفـسي .. ولـي حق أجفيـك
ولـي حـق .. ممـا شفت .. اارد دَيـني

مـا عـاد لـي رجعـه ولا عـدت آآآبيـك
والـوجه .. منْـك أبْيـض .. وأنسينـي!
.
.
نظر

.. أرفض المسافه ..

لاتنتـظر ..أني أضمـك بالأحضان
ولاتنتـظر منـي خضــوع وإجابه

ولالا تلمْــح .. إنـك الحين ولهـان
ولالا تقــول .. إن العـذاب بغيابه

تركتـني وبرغبتك رحـت خسران
وخسرت شخصٍ حبك بكل مابه

فتـحت لـك قلبـي وشرعت بيبان
وحطيتـك بعـرش القـدر والمهابه

وأرضيتك ودللتك أشكـال والوان
وأعطيـتك انـواع الغـلا والصبابه

وغنيت لك أحلا الأغاني والألحان
وكتبت لـك شعـر الغنـج والطرابه

مافاد بك .. وأنكرتنـي بكل ماكان
وأنـا معـك دايـم بطيــب وحبابه

لا للرجوع ..اليوم أنـا فيك ندمان
ومـاجا كفـاني مـن هـواك وعذابه
.
.
.
نظر

يـارب في سيلٍ على آخر سهيل
يروي ضمـا أرض الشمال وأهلها

تسـوقها يارب .. سـودا محاميل
أغيوم مانشوف السما من جَللها

ورعادها في جوْنا يحط ويشيل
وبروقها .. في كل جهه تشتعلها

وتصبهـا يارب .. ديم .. وهماليل
لمـا تساوا افياضها .. مع سهـلها

نبي الربيع .. وطلعة البر..والليل
اللـي ينسينا ... اهمـوم انحـملها
.
.
.
نظر