ديوان الشاعر ( بندر بن سرور)

قصيدة ارم البكت واجدع الكبريت يالريمي - بندر بن سرور


ارم البكت واجدع الكبريت يالريمي
تطري ومما طرالي زاد لي ونه

الله يغربلك تصحيني وانا نيمي
مانت بلاعوب عطني ولعه ياشنه

قيلت لي في محل بنشر الجيمي
لعل غر السحايب ما يمرنه

ياهل الونيت اركبوني خالص تيمي
ما توصلون الغريب اللي خرب فنه

ودوا الوديد لوديده يالمغانيمي
ياقربها من مزار مدور الجنه

وجدي عليها وجود مناكل السيمي
جازوه باسيام لاجل اللي قطعنه

قصيدة مالوم عين تصطفق بعض الاحيان - بندر بن سرور


مالوم عين تصطفق بعض الاحيان
شافت غرابيل الزمان الغريبه

ياكثر ماشافت وياقل الايمان
بقلوب من بقلوبهم شك ريبه

من ينصح اللي يعتقد له بكهان
يشرك مع الله واحد مايثيبه

لو يصدق الكاهن طلع منه برهان
وافتك نفسه من حدوث المصيبه

لاشك كذاب خذوا منه كذبان
والله صدق علام غيبك وغيبه

من سبته ياميت القلب ندمان
لعل قلبك للعمى وش تبي به

انصحك ياللي رشك الشيب عميان
وادي جهنم حادر مع شعيبه

ينطيك زود المال والزود نقصان
غادبسوق السو ليه تغدي به

لا تدعي بالمل رابح وخسران
يفلجك من زين العمل يدعي به

وافطن لكلمة (ويل) للانسان
في ماقف ماينفع المرو جيبه

للشر ميزان وللخير ميزان
تكتب ملايكة السما وتعدي به

خذلك نصيحة واحد شاف الاكوان
جرب غرابيل الدهر من نصيبه

من جاهد الدنيا بلا روس جنحان
يصبر بصكات الزمان الرهيبه

انا الذي شفت الوزا ياسليمان
برد الشتا والقيض أكلني لهيبه

ماني بهين النفس لو كنت جوعان
مايقنع الا الكلب عقب تهجيبه

والله يالوولا كلمة قال ديان
حقي غدى به ما نوى انه يجيبه

ل اشهر كما يشهر مع الجوشيهان
قطع البحور ولا حياة الغليبه

لجوا علي الناس قوم وصدقان
واخترت عنهم بعد ممشى النجيبه

ماهبلك ياللي تلتوي لك بجابان
رجل من الجابان لا تلتوي به

لاساتر عرضك ولا قاضي شان
تكسب نزولك عقب مبدا الرقيبه

ابعد عن الجابان لو كنت عريان
ثوب من الجابان لا تكتسي به

يارب تجعل لي من الذنب غفران
يابارق لايوب مما بلي به

قصيدة ياسخيف الذرعان ماني بمرجوج - بندر بن سرور


ياسخيف الذرعان مانيب مرجوج .. رجتني الأيام غدر وحيله

يابنت لولا اللي على تاسع الفوج .. تركت نجد وعزوة بالقبيلة

لاشك حاديني على نجد هادوج .. مسقي الفيافي لين يدرج مسيله

تركي ليا من الليلي غدن عوج .. حملة عتيبة كلها ماتشيله

يرسي كما ترسي البواخر على الموج .. ومنين ماصك البحر يرتكيله

مادام تركي حي ماودي أدوج .. وإن غاب غبت من الرجوم الطويلة

قصيدة خبيث التجاره - بندر بن سرور


لاوالله الا طولن بالوقوفي
عيا يحملهن خبيث التجاره


بفلوسنا ياعبيد ماش معروفي
متى نجي ياعبيد مع خشم صاره


ياركب من فوق صاف البلوفي
مقعد امبير الزيت نيم الحراره


فراق مابين القلوب الولوفي
فرت كما وبل السحايب غباره

قصيدة شيب الفلاحي - بندر بن سرور


بديت ذكر اللي بسط سبع بوتاد
واللي رفع سبع بليا عمدها


والكار للي صار غيث للأجواد
لاقبلها صارت ولا من بعدها


زايد على كل العرب بالوفاء زاد
ساق المراجل لين وقف عددها


حلحيل حلو مر زراع حصاد
كبد يداويها وكبد لهدها


ولي عجوز من ورى شط بغداد
سمت على شيب الفلاحي ولدها


تبغاه يطلع مثل زايد ولا فاد
ماكل من هاز الطويله صعدها


ياشيخ انا جيتك على غير ميعاد
من خوف روحي لايجيها وعدها

قصيدة ماني وانا بندر بهيسن ولد هيس - بندر بن سرور


ماني وانا بندر براع ولد راع
انا الحصان اللي طوال حباله

إبن سلايل خير من شالت القاع
المصطفى الهادي وديع الرسالة

ماني وانا بندر ببياع دمه
يقطعك يا بياع دمه و مهفيه

اللي يبيع لابسات الأزمه
ثورن يبي بيض العماهيج تغنيه

ماني وانا بندر بهيسن ولد هيس
هيس يدنع عند حرمة قصيره

ليا بغيت اجلس ترى لي مجاليس
وليا بغيت انهج دروبي عسيرة

ماني وانا بندر بهيت ولد هيت
هيت مقابل خمة يكرهونه

من كثر ما جربت وأقبلت و أقفيت
قولة هلا من لا يودك مهونة

ماني وانا بندر على درب الأنجاس
اللي قريب تفلها من لحاها

أنا بدرب الصيرمي عدم الأجناس
زيزوم روق ليا تنصت عداها

ماني وانا بندر بنصاي جابان
شوخ الجموس مناقرين الحليلة

ليا صار لي لازم نصيت ابو فيحان
شيخ الشيوخ مكملين الجميلة

قصيدة الا يا نديبي فوق دوج عليه شراع - بندر بن سرور


الا يا نديبي فوق دوج عليه شراع
ما قال انفخ التشريق جا في مواصيره

ليا هبت العليا و قام العجاج و راع
يهيضك مع السكة تثاوع معاصيره

صنايع يهود لا يبدل ولا ينباع
يقربك من دار و يقلعك عن ديرة

بعد طلعوه مجيك ما يبى المرجاع
سمع من وراه الفوج غنت مواطيره

ليا دق سلفه قام حسه يرج القاع
ما جاه المعاون يشتغل في مساميره

عطاه الثنين و زاد له بالأبنص و فاع
رزيمه رعد مزن تهلع دناقيره

خرط له بثالث عقب نشه بعزم و زاع
و شتل له برابع ما يضيع تغاييره

ليا شال عزمه ريحه وامن مارتاع
مسك مع يمين الخط و يلد لانبيره