ديوان الشاعر ( الامير نواف بن فيصل)

قصيدة تفنن في طروق الحب - نواف بن فيصل


تفنن في طروق الحب


تفنن في طروق الحب شرقني وغربني




معك يا زين دوخات الهوى ويا حلو مشواره


وغرد في سما سمعي أبي تحكي وتطربني


سواليفك مطر عمري .. ربيعي ضحكة أزهاره


حبيبي يا بعد كلي وكلك صدق تعجبني


بغيباتك وصداتك وتلويعك وتكراره


تجنن كل ما اشوفك احس انك تذوبني


وتضيعني من الدنيا .. وتشب بخافقي ناره


جمالك ناهب قلبي وتفكيري ناهيني


دلالك يا رقيق العود .. عود تعزف اوتاره


تولعت بتصانيفك .. وتعذيبك يولعني


وعلى أي حال راضي بك شمس العمر وانواره

قصيدة من يغرس الشوك ما يجني ورود - نواف بن فيصل


من يغرس الشوك ما يجني ورود
ومن يطفي الشوق ما يلقى دفا

لا تظن الجفا مني صدود
لا وربي لا صدود ولا جفا

زاد حبك زاد عن كل الحدود
وإنت أدرى بالخفوق وما خفى

من غلاك نسيت نفسي بهالوجود
ياوجود غيره أبدا ماصفى

لا تقابلني حبيبي بهالبرود
تو حبك مشتعلني مانطفى

يوم أنا ضحيت ما أقصد جحود
للأسف كان السبب زود الوفى

جيتني بالغدر وأنا جيتك عهود
صادق الإحساس وشلون إختفى

كيف ما قدرت وضعي والقيود
إنشغلت بدنيتك عني أفى

قصيدة إحترقت الشوق والشوق احترقني - نواف بن فيصل


إحترقت الشوق والشوق احترقني
من غدا كل عن الثاني غريب

للشقا حظي مشي فيني وسبقني
اه ياظلم الهوى وظلم النصيب

السهر من عشقتك غصب عشقني
ياعنيد يابعيد ياقريب

سال من عيني قصيد ولانطقني
والسواد اللي توشحني كئيب

صرت له كلي وعيا ماعتقني
وان تفزعت بنهارك مايجيب

أنت وينك يالسروق اللي سرقني
رد لي لو راحتي ودي أطيب

الزمان اللي على دروبك رشقني
كني الديمه على القاع الجديب

يوم جيت أتذكره لاماصدقني
وقال لي إنت البشر تخطي وتصيب