ديوان الشاعرة شيهانة عتيبه

تكّسر طيوفك عنادي كل ما زارت

ليلي وتسهر معي الوقت الاشراقي

واسترجع الذكرى الي بيننا دارت

وهلّت حروفي تذكّر وقت الاعناقي

مع كل ذكرى دموعي بجفنها حارت

اتكابر اهداب عيني وترفع الباقي

وترجع طيوفك جيوش ابعزمها سارت

دكّت شواطئ جفوني وزاد الارهاقي

وصّفق بكف اليمين يساري وثارت

ذكرى قديمه وتغزي صدري اشواقي

وعزومي الي تزيد اغروري انهارت

قالت قلوبٍ تحب ما ترضى الفراقي

و الدمعه الي بجفني راقيه جارت

اجتاحت أهداب عيني لخدي تساقي

ثم نكّس عنادي اعلامه معه فارت

مشاعرٍ صادقه أتفجر اعماقي

ما عاد الي طيقةٍ للحب لا صارت

تطوى سنينه بلحظه طي الاوراقي

وان كان صدّك تحدي عشرتك بارت

يا كيف ترضى تحدا عشقنا الراقي

شيهانه

ا‏تعالِ روّض خفوقي ان كان لك قِدّره‏عجزت اروضّهْ وزاد اشموخه عناده
‏
‏من بعد جرحك عنيدٍ ناذرٍ نذره
‏ما يلتفت خلفه لو أشواقه وقادّه
‏
‏سقى الله وقتٍ تخاف اجروحه وكسره
‏واللحين جرحه روتينٍ عنّدك وعاده
‏
‏ياكيف طاوعك قلبك زان لك هجره
‏أسهر صويبه وجفنك يهني ارقادّه
‏
‏وياكيف خنت الموده وهان لك غدرّه
‏ووئدة حبٍ نقي داخل امهادّه
‏
‏تذكر زمانٍ خفوقي كان الك سدره
‏تجلس بفيّه عروقه الحزنك اوسادّه
‏
‏واليوم جاحد. تنكَّر عشقك البدره
‏عجلٍ على موته محتفلٍ على حداده
‏
‏الحب نادر وحبك صار اله عبره
‏وجرحك فتيلٍ بصدري عنادي زناده
‏
‏حاولت اجامل وبان الجرح من خدره
‏وبيّن في عيني وحولي ناس نقاده
‏
‏واليوم تطلب خفوقي طالبٍ جبره
‏يا كيف يرجع يعيشك بعد الإباده
‏
‏خفوقي وانا اعرفه ما لتمس عذره
‏يبقى عنيدٍ ينوخ جيش وقياده


شيهانه

يا طيري الّي كل يومٍ لك طباع
‏ تستبدل الزينه بشين الطباعي
‏من ارخص العشره للحباب خداع
‏ يقضي حياته بين سايم وساعي
ولّي لبس من فوق وجهه كذا قناع
لابد يوماً يكشف ألك القناعي
ما ني بعايش بين تابع وتباع
‏ ولا اهز راسي لكل مخطي و ٓراعي
‏والي يسبب ضيقتي يخلع اخلاع
‏ من دنيتي ما دام لـ اضيق شاعي
‏ولاني من الّي خلت القلب مشباع
‏ لذياب خلق الله تعاوى جياعي
‏قلبي وعرفه لا نكر القاع شلاع
‏ ما يرتخي للقاع زاد ارتفاعي
ولا لد عيني لكل حايم وطماع
‏ اشوم نفسي عن دروب الضياعي
‏من روس قومٍ عزها يرفض القاع
‏ اعتيبه الهيلا تدوس الأفاعي
‏
‏#شيهانه
وسلامتكم