حللوني وبيحوني وانتم بحل حصري لهمسات الغلا

حللوني وبيحوني وانتم بحل حصري لهمسات الغلا

مرت سنه وشهور يمكن خمسة
وانا معاكم كل صبحٍ وليلة
عاملتكم بالطيب واحد واحد
وحبيتكم مثل مااحب العيلة
افرح لفرحتكم واطق طبولي
وفي احزانكم مدامعي هميله
وافخر واماري في طيّبكم
من الرجال او لابسات الشيلة
وقصايدي تشهد بقولي هذا
ومن زاد طيبه زدت له في الكيلة
ماني بدور من وراها منصب
ومابي سوا قولة نعم ياجميلة
واللي مكذبني في صدق اقوالي
قدام خلق الله يحضر دليله
انا يااخواني مابي منكم حاجه
الا نعيش بهمساتنا الجميلة
نعيش مثل قولة تعايش سلمي
اسعوا لها تكفون باية وسيلة
فيما مضى جاني حقي كامل
ماانكر من المعروف لو قليلة
وقف معي النازف بكل شهامة
وخواتي تتزعمهن الاصيلة
واللي ساعدني بيض الله وجهه
شكرا ويستاهل بيوتي الجزيلة
حنا تجمعنا من بلاد شتى
والكل منا جاز له مقيله
تعالوا يااخواني نصفي النية
ويابخت من كان ذا حصيلة
وتسامحوا قبل رمضان يشرف
وتساعدوا تكفون عالفضيلة
وانا بحللكم وتكفون حللوني
عسى والديكم في الجنان الضليلة
في ذمتي ماجيت اسوي مشكل
الا اتفادى... نزلة التحويلة
كله احتراما لسيد جمعنا
ووفاء لصرح مانبي بديله
ولا ترا النت بحره واسع
وكل يقول الزين من ياتي له
لكن انا احب همسات بقوة
وبصبر ولو جاني منها ميلة
وماراح اتركها الا بامر النازف
ان قال يامها صرتي دخيلة
في ذمتي مااقعد فيها ساعة
لو كان اول روحتي مستحيلة
لذلك كان وجودي مضايقكم
عطني خبر واغادر الخميلة
وهذا تراحقك ولا بالومك
ولا تحملني سنين طويلة

الموضوع الأصلي: حللوني وبيحوني وانتم بحل حصري لهمسات الغلا || الكاتب: مها الرياض || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

pgg,kd ,fdp,kd ,hkjl fpg pwvd gilshj hgygh hgygh fpg plg,kd pwvd ,hkjl

نقية مثل ما دخلتي خرجتي...
احبك وما جاتني فرصة احتك فيك..
ما احب اقراء الشعر والا افهمه
الا ان ابياتك لها نكهة خاصه
الشيء ان طلع من قلب دخل القلب حتى لو ماتفهمينه
الله يعطيك العافيه على صفاء قلبك ونيتك
استودعتك الله اينما كنتِ

مها الرياض

الله يحلك ويبيحك ويستر عليك دنيا واخره

كلامك طيب وانما يدل على طيب اصلك

وابدعتي في القصيده صح بووووحك وبيض الله وجهك على الابداااع

والله يبلغكم رمضان بصحه وعافيه

المشاركة الأصلية كتبت بواسطة حلم نقية مثل ما دخلتي خرجتي... احبك وما جاتني فرصة احتك فيك.. ما احب اقراء الشعر والا افهمه الا ان ابياتك لها نكهة خاصه الشيء ان طلع من قلب دخل القلب حتى لو ماتفهمينه الله يعطيك العافيه على صفاء قلبك ونيتك استودعتك الله اينما كنتِ

هلا وسهلا حلم
الله يسلمك ياقلبي
وماعليك زود ياروحي
وماشفت منك الا كل خير
عساك من صوامه وقوامه واحبابك
الف شكر حبيبتي
ملاحظة
حاولت ارسل لك الرابط بس الزوار مقفل عندك
بس الطيب يجي
ماقصرتي حبيبتي

المشاركة الأصلية كتبت بواسطة فيصل مها الرياض الله يحلك ويبيحك ويستر عليك دنيا واخره كلامك طيب وانما يدل على طيب اصلك وابدعتي في القصيده صح بووووحك وبيض الله وجهك على الابداااع والله يبلغكم رمضان بصحه وعافيه

هلا وسهلا فيصل
الله يسلمك ياخوي
وجزاك الله خير
وعساك من صوامه وقوامه واحبابك
وشهادة اعتز فيها
ماقصرت طال عمرك

ما شاء الله
ما اظن انكِ بطهركِ قد ضايقتي احد
والله يسامح الجميع
اسعدكِ المولى اينما كنتي عزيزتي

الاوله ما شفنا منك غير كل خير ما شاء الله عليك
والثانيه مسموحه دنيا وآخره والله يستر عليك على ضاهر الارض وباطنها
والثالثه هذا حال الدنيا ولكن يبقى الذكر الطيب وإن شاء الله يبلغك رمضان ويعينك على صيامه
وقيامه وأنتم لا فاقدين ولا مفقودين
وإن شاء الله نراك مرة أخرى وانت بصحة وعافيه