السلام عليكم ورحمه الله وبركآته
مدخل :-
الفاتن اللي لهـا ,, بيـن المحاديـب .. بـاع
حالـت ظـروف الليالـي .. بينـي وبينـهـا
بـالأمـس لامــن تعدتـنـي تـعـدت ذراع
واليـوم ؟ ياعاذلينـي .. وينـي ؟ ووينـهـا ؟
بيعرف طعم الهجر .. مـن جٌـرب الاجتمـاع
ولايجهـل الكتـب ,, مـن يفهـم عناوينـهـا
النص :-
توني عرفت ان الزّمن ما يعرف حقـوق الغرام
لـو كـان يعـرف حـقـّهـا مـا صار بيـني و بـينها
حـسـيبكـ الله يـا زمـن حـطـّـمتـلي قلبي حطـام
ما عـاد لـي قـلبـن يبي يـقـوى طعـن سكـينهـا
يا وقـت لحـظة لوسمحت اصـبر ابي نقطـة نظـام
لا تـطـري الفـرقـى ترى والله ديـني وديـنهـا
اللـّي بنيته صـار كـلـّه من سبـب فعـلـكـ هـدام
بالأمس كانت فرحـتي واليوم ويني و وينها
الجـادل اللـّي لـو اوصّـفـها يضيع بهـا الـكـلام
اللـي تغـيـّـر وجـهـة الـشــدّة مـع تـنـويـنهــا
ام الذرابـة و ( اللـباقة ) والادب و الاحتـرام
والملـح والسكر و ضحكتها , وخفـة طينها
والغنـج والهيبة وشيلتها كذا فوق اللثـام
تعز لك كل البنات بجيلها وتهينها ؟؟؟
تعزهم ؟ لا رافقوها صار كلن له مقـام
وتهينهم ؟ لا وقفت كلن تماري زينها
العين :- عين النادر اللي ينتظر منك الطعام
والخد :- كنـّــــه مزهريـّة يخـتـلف تلويـنها
والفم :- تاثم من تشوفه تدخل بـبند الحرام
والعنق :- عنق مذيـّـرن ما كملت شهرينها
و الخصر ياربي دخيلك / كن مافيها عظـام
لا ضايقوها بالكلام وخصـًـرت بيدينها
انشهد ان بقعة تحدك من عدام لي عدام
ودك على طوول الليالي ماهم بمرضينها
تزعل من المصري لا قال : ( يا ست ) ولا ( يامدام )
شـف بطنها ماهو ببطن اللي نقلت ورعينها
ومرات اكذب واكسر الخاطر ابي كلمة...حـرااام
والله اعيـش الدور والله لا نظرت بعينها
ومرات و ان سلـًـمت ؟؟.. طاف مارد السلام
احب اطفرها وامووت ان حمـّرت خدينها
الله واكبر كيف كنا نوور واصبحنا ظلام
ماني مصدق يا زمن في داخلي للحينها
هذيك لو صارت عيوني من مشاهدها هيام
تشوف قلبي مرتوي ويقول مو ناسينها
ياوقت وش ماخذينه ؟.. وحقنا ( مترين خام )
محدن مخلـًـد لو تطول ايامها وسنينها
لكن ابي لي شي واحد لاهو عيب ولاحرام
تكفى دخيلك ..لا تصير ارجوك بيني وبينها
المخرج :-
تظمى ( العواطف ) أذا ماغامرت ( بندفـاع )
وتبرد ( الأحاسيس ) لـو ماتـم ( تسخينهـا )
مقدر ! أعيش بخيار .. الشـوف أو الأستمـاع
يا أكبهـا اثنينهـا ؟ .. يـا اختارهـا اثنينهـا ؟
لو ان قلبـي معاهـا .. ممكـن أنـه يـداع ؟
يبحث لي أخبارهـا ! .. وان ضاقـت يعينهـا
لا اطلعٌه من (( قفص صدري )) لاحان الوداع
وأودعــه بكفوفـهـا ,, وأسلـمـه حينـهـا
من أول الحب ! .. في ( مجنون ليلى ) يـذاع
نتـوق لأبيـاتـه ,, ونـطـرب ل تلحينـهـا
دام المحبه ! .. لها ( مجنون واحد ) وضـاع
وش قومها اليـوم ؟ ,, ماترحـم ( مجانينهـا )
النص لـ عبدالكريم الجبآري / المدخل و المخرج لـ سعود بن مهدي
F ]hl hglpfi gih l[k,k ( 1 ) ,qNu ? ,a r,lih hgd,l lh jvpl l[hkdkiN >>! D
