ياأمي يا أغلى من حياتي

ياأمي يا أغلى من حياتي

يايمه كيفها حالك انا حالي غدى احزان
عقب مارحتي يايمه غديت بكل متاهاتي
يايمه جابني شوقي وقلبي لشوفتك عطشان
مشيت دروب يايمه وطالت بي مسافاتي
اناشوقي زها بصدري مثل ما ورق الاغصان
خذاني الشوق لك يمه وزود فيني لوعاتي
يايمه جيت ابي حضنك وابي عطفك مع التحنان
ابي ابكي على صدرك الين اجف دمعاتي
وابي اقبل جبين شع ومواطن تحتها الغفران
ابي اصرخ واخليها تكسر حزن عبراتي
ابي اسولف لك انتي وبس سوالف تروي الضميان


بقول اللي حصل لي من رحلتي يابعد ذاتي
ابندب حظي العاثر وبحكي كان ياماكان
عن ايام مضت ودي تعود لي بمناماتي
ابي اسولف واقول امي واملي بصيتها الاكوان
من حقي اسولف عنك يا ناري وجناتي
من حقي اقول امي واحكي والحكي اشجان
ومن حقي اتنومس فيك يا اول بداياتي
ابي احكي واسولف عنك يا اغلى من الوجدان
ولكن الحكي وقف وخانتني عباراتي
الا يالعنبو كل المعاني وقفت قصران


متى توفي واسولف عنك يا امي يا اغلى نشواتي
انشهدكل شي عقبك غدى باهت بدون الوان
فقدت الحب والتحنان ومعها كل راحاتي
اشوف الحزن جايركض على قلبي وهوولهان
بيحرق مابقى بقلبي وينثر باقي رفاتي
ذبحني الشوق يايمه وعقبك صرت انا تلفان
قتلني بعدك الظالم نحر فيني سعاداتي
غيابك فجر بقلبي زلازل زوبعه وبركان
صفير الريح في جوفي كوتني وزادت آهاتي
حياتي انتي ونور القلب والاعيان
ضناني الشوق لك يمه وانا مدري وش سواتي
بعد ماغبتي يايمه نحر فيني الزمان ازمان
نقرتين لعرض الصورة في صفحة مستقلة
الا يامن يرجع لي زمانن ولى وفات:ي:
ماكنت احسب لموتك يابعد ناسي ابد حسبان
رحلتي في الخميس واصبح يتيم مثل حالاتي
في ذيك الليل سولفنا والحكي نشوان
ضحكنا ملء هالكون ولا ندري وش الآتي


جلست اوكلك بيدي وشبعتي يابعد من كان
مسحت شفاك وبستك وقلت رضاك غاياتي
مسكت ايدي وقالت عسى تزهد بها النيران
وانا قبلت مابين العيون وقلت ياذاتي
عساني ماني من اللي بدل الطاعه لك بعصيان
رضاك يهمني والله وهو آخر محطاتي
وفجأه كل شي صار قلب ذاك الفرح احزان
خذاك الموت من يدي وانا ابكي كل لحظاتي
سليت الموت يايمه وخذاني عنه النسيان
واثاري الموت ماينسى وهو هادم ملذاتي
ياليت الموت لولحظه صبر ما غمض الاجفان

ترك لي أمي اقولها بقايا من حكاياتي
حضنت امي وانا ابكي واقبل كل شي بان
رجيتك لاتخليني خذيني بكل حالاتي
رجيتك يابعد كلي وكلي لك غدى شفقان
انا ودي املي منك يمه كل نظراتي
بكيت وصحت بأعلى الصوت انا الهايم انا الغرقان
انا اللي في متاهاتي شرقت بكل غصاتي


الا ياجرحها كبدي بعد مالفوا الاكفان
وراحت مني وغابت وصارت هي نهاياتي
هجرني الفرح يايمه وصرت اعيش انا بحرمان
بكيت وزادت العبره وشقت صدري وناتي
احس اني اعيش بكون فاضي مابه اي انسان
احس بوحشه الدنيا بعدها كل شي ماتي
دريت ان الفرح كذبه وحكايه مالها عنوان
وعرفت ان الزمن غادر ذبحني بصمت وسكاتي



اشتقت لك يمه

الموضوع الأصلي: ياأمي يا أغلى من حياتي || الكاتب: البارونه || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

dhHld dh Hygn lk pdhjd Nygn H, dh dhggd pdhjd

الله يرحم والدتك ويحسن مثواها

شموخ تذكري انا بشر من تراب والى التراب

مهما حزنا اوبكينا لايرجع من رحل عن الدنيا

الدعاء والصدقة لامك احسن من الحزن والتوجد

كوني مؤمنه بقضاء الله وقدرهـ

الله يعينك ويصبرك

شموخ انثى

مالك الا الدعاء والصبر فكلنا راحلين من الدنيا الفانية فالموت لا يعرف كبير وصغير

اللهم أنزله منازل الشهداء واجعل عيشه في قبره عيش السعداء واجعله في الجنة مرافقاً للأنبياء .اللهم نفس في القبر كربته وبارك له في منقلبه ومصيره يا لطيف يا ودود.اللهم أرزقه برد العيش في قبره ولذة النظر إلى وجهك الكريم يوم القيامة اللهم ارزقه عفواً عند الحساب وفوزاً بالجنة ونجاة من النار برحمتك يا عزيز يا غفار اللهم أنزل عليه الضياء والنور والفسحة والسرور واجعله آمناً مطمئناً في قبره يا عزيز يا غفور

ينقل لقسمه المناسب لا هنتي

سلمت يداك غلاتي
دمتِ ودام تميز عطاائك
لروحك النرجس

الله يرحمهاا ويغفر لهاا

يَعطِيك ألعَآفِيةَ
شُكرَاً أقطِفُهَآ مِن قَلبْ ألجَمَآل
لِتُلِيق بِ حَجمَ جَمَآلِ طَرحِك
دَآمَت ألسَعَآدَةَ رَفَيقَةَ حَيَآتِكْ
طَوقُ يَآسَمِينْ لِروحِك
❤️