10-05-2014, 04:51 PM
|
|
|
|
: سوق ابو 100 فلس - سعود العنزي
- السلام عليكم ورحمة الله وبركاتة -
يقول تعالى:
{ وكُلُواْ وَاشْرَبُواْ وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ } (31) سورة الأعراف
فالإسراف يشمل كلُّ تجاوز في الأمر ، وقد جاء في القرآن الكريم
من أهم مظاهر الترف : الإسراف في إنفاق الأموال
~ - ~ - ~
ياليت 90 % من الناس يعرفون هالكلام عدل يقرون بقلوبهم
يلا ندش بموضوعي
مجتمع ( جذاب ) يمشي بالمظاهر , ليش ؟
عشان يكسب رضى غيره وعشان ما يتفشل /:
تصدقون في ناس مشاء الله عليها هوامير يا عيني
يشترون الملابس والاغراض العاديه ب مبالغ خرافيه ؟
مشاء الله ما احسد احد الله يكثر خيرهم
~ - ~ - ~
انا ما كتبت الموضوع عبط ولا فراغ وقت
انا كتبته لان واقع نعيشه وامس صارت لي مواقف منه
وانا نازل من الشباب من سياره ولا اشوفهم يضحكون
ولا يضحكون على ( كيس ) انا مصدوم بعرف شفيه عشان يضحكون
ولا واحد من شباب يقولي شوف شوف ( كيس ابو 100 فلس )
طبعاً اوضح لكم ( بكويت في اسواق تبيع الاشياء ب 100 فلس )
وااو وفششله لو شريت منهم لان راح تكون ( فقير وتكسر الخاطر )
يبونك الناس تطري مجمعات فاخره ولا ماركات عالميه ولا مبالغ كبيره
عشان تكبر بعيونهم ويشوفونك واحد يرفعون روسهم معاك , استغفرالله
صارت الانسانيه في الاغراض والماركات للاسف
نكمل سالفتنا , ولا اقولهم شنو يعني كيس ابو 100 فلس ؟؟
قالو لي ( من صجك منو يشتري من سوق ابو 100 فلس ؟ )
قلت ليش يمه شنو الي يمنع ما اشتري منه ؟؟
قالو لي ( خليت الاسواق كلها والمجمعات ما رحت عند 100 فلس ؟؟
قلتلهم لو ما عندي 200 دينار عشان اشتري ( جوتي ) عزكم الله
شلون اشتري بعدين قالو اممم لا تحصل جوتي مناسب وبسعر مناسب 150 دينار
مششاء الله تفكير خرافي عند بعض الناس والمشكله البسه يومين وحذفه ؟؟
انزين اشتري جوتي ب 10 دنانير ويبقى 140 دينار لو اروح اتصدق فيهم مو احسن ؟؟
في ناس ما تصدق بعمرها صارلها فوق 10 سنوات حسسايف بس
ناس وربي جد جد ضايعه بالاسواق وعالم الماركات للاسف
لا والي يضحكني لو تشوفون الاوضاع شلون
لو حبيبه او صديق او ولد عم او او
يتصل عليك وانت بوسط سوق ( ابو 100 فلس )
يقولك وينك حجي ؟؟
انت ترد ومرتبك وخايف ومتوتر هههههه تقوله انا بمجمع الافنيوز ؟
وزززززززطااااااااااااخ , وانفجر الصاروخ
ياخي عادي والله مافيها شي ولا تجرح الكرامه شكو السوق بالكرامه ؟
الناس صارت تتهرب وتخاف ومرتبكه بالامور هذي
~ - ~ - ~
عاد تعالو شوفو البنات
ساره : اقول لطيفه ما تصدقين لو اقولج
لطيفه : قولي قولي الله يستر منج
ساره : اليوم شفت ( منيره ) بسوق ابو 100 تسوق مع اهلها
لطيفه : شنووووووووووووووو @@ حلفي جذابه
ساره : اي والله شفتها وهي ما شافتني تسوق عند الملابس
لطيفه : اخ منها وتقولي ما تروح الاسواق هذي
ساره : اي وشفتها تشتري بعد حجابات وملافع واكسوارات
لطيفه : يمه يمه قلبي ماني مصدقه البنت نصااابه طلعت قلبي طووووط -----
ساره : لطيفه ردي علي شفيج الووو لطيفه يمه لا يكون صار فيج شي
وماتت لطيفه من الصدمات للاسف يا حرام
~ - ~ - ~
حتى الشباب لو جالس لديوانيه واهله يبون السوق الرخيص والزين
ما يقول حق ربعه انا طالع يسالونه شباب وين ؟
بودي الاهل ( مجمع المنار لا لا الافنيوز لا لا الخ الخ )
ويستمر التظاهر
يا بشر يا عالم
في ناس ماديتها الماليه ما تسمح يدفع على ( جوتي ولا جنطه ولا ملابس )
فوق 400 دينار والله حرام مبالغ خياليه عشان جم قطعه ؟؟
ناس على قد حالها وانتم ادرا بالحال
~ - ~ - ~
ترا في ( ممثلين و فنانيين و مهندسين ومحاميين ودكاتره )
يفضلون الاسواق الشعبيه الاسواق البسيطه ما يتفاخرون بالماركات والشاهد الله
اعرف نص الشخصيات الهامه الي يفضلون الاسواق البسيطه
~ - ~ - ~
لو انت شخص فاخر وتحب الاشياء الغاليه
لو انت شخص دفيع وتحب تصرف الاموال الكبيره
لو انت شخص تحب تحذف فلوسك ولا تسال ليش
اعرف في نسبة 80 % من الناس عكسك بالتمام بالتمام
عشان جذي لا تكسر ب بمشاعرهم وقلوبهم
لا تحاول ترفع وتنزل من مقادير الناس عشان الامور هذي
تدفع مبالغ تدفع فلوسك كلها تدفع اموال خياليه
انت و الفقير ( اليوم الموعود ) القبر ( واحد ) نفس المقاس و المكان
وماحد يصعد عن الثاني الا بالاعمال الحسنه
وهذي نهاية كتاباتي اليوم
وان شاء الله ما اكون طولت عليكم والي بخاطره يدردش
حياه الله وانا حاب اكمل فضفضتي بكتاباتي للحين ههههه
غبت بعد مده طويله ورجعت بعد ايام وهذا انا وعدتكم برجعة كتاباتي لكم
اتمنى لكم الافاده والاستفاده ب ( قلمي البسيط )
اخوكم : سعود العنزي
|
.
: s,r hf, 100 tgs - su,] hguk.d hguk.d hfk su,] a,r
|
