من يبي فرقاي في حفظ الكريــم وامانه~~

#1 01-06-2010, 02:44 AM

لاتمادى بالخطاء..وتقول من (باب الميانه)

ماختلفنا ..هي ميانه ..بس ماهي كل حين..

كان قصدك بالتمادي..ودك أذوق الاهانه

والله لتبطي وتبطي..ماخضع لك هالجبين

وكانك أدور سبب..لاجل المفارق والخيانه

أبتعد عني ..ولاني ناشدك.. رايح..ل/وين

من يبي فرقاي.. في حفظ الكريم..وفي أمانه

مالتفت له لو يصد ..أيام ..وشهور..وسنين

وأنت لوقصدك كذا ..ف/أرحل ترى مالك مكانه

صد عني ..وأنتبه.. لاعاد ترجع.. لوتلين

رد قلبي.. دام قلبك ماعطاني من وصانه

بادلك بالحب..لكن مالقى قلب(ن)يعين

رد قلبي..دام قلبك ماعطاني من حنانه

ماعرفت تصون حبي..ولاعرفت تحب زين

لاتظن قلبي.. عقب ماخنت به ماله مكانه

والله إنك لاجرحته..وماشكى جور ألسنين

ولاتظن حالي عقب فرقاك ..يرثى في زمانه

ماشكيت الحال..ولا بيحت سدي والكنين

لاتحسب إني بـ/دونك عيشتي عيشت مهانه

والله أني ماحسبت حساب..شوق ولاحنين

أبك أنا أخويه ليا من صد.. خليته في شأنه

كيف عاداللي.. مايربطني معه حبل(ن)متين

عشت في وقتي ..عزيز النفس ماعرف الليانه

شامخ(ن)..مايرتخي راسي..ولايمكن يلين

من شراني إشريته..وصنت عهده والامانه

عادتي ماخون عهد الحب..وماخون اليمين

ومن يبي فرقاي.. في حفظ االكريم ..وامانه

مالتفت له لو يصد.. أيام.. وشهور.. وسنين

وإنتبه..تخطى علي..وتعتذر لي بالميانه!!

ماختلفنا.. هي ميانه.. بس ماهي كل حين..!!

يارب تعجبكم..

منقول للامااااانه.....