وفاء قصة من تأليفي مشاركة في المسابقة

وفاء قصة من تأليفي مشاركة في المسابقة

وفاء واحدة من مجموعة بنات
صديقات دراسة في الجامعة
عزمتهن وحدة من صديقاتهن
لحفلة زواج عندها
وكانت وفاء فقيرة وامها تشتغل
فراشة في مدرسة
وابوها حارس في نفس المدرسة
طبعا صديقاتها مايعرفن اوضاعها المعيشية
لذلك انحرجت من صديقتها وحاولت
ترفض العزيمة
لانها ماعندها لبس يجملها قدام بنات الاغنياء
وصديقاتها اللي اكيد بيجن لابسات احلى ماعندهن من فساتين ومجوهرات
وهي كل اكسسواراتها بلاستيك
الا ان البنت الغنية اصرت عليها
ووافقت وفاء تحت الحاح صديقتها
وذهبت مهمومة للبيت ماتدري وش تسوي
وفجأة اتصلت فيها وحدة من جماعتها
وهي تسولف معها
قالت لها السالفة وانها منحرجة من صديقتها
لان ماعندها لبس قالت البنت اللي تكلمها
انا بجيك الان
وفعلا حضرت ومعها كم فستان وجزمة واكسسوارات وميك اب
ولبستها ومكيجتها كبروفة
استانست وفاء واخذت اللي يلزمها
على وعد ترجعه بعد الحفله
يوم جاء وقت الحفلة
وفاء تكشخت وتزينت وراحت لحفلة
صديقتها وكانت قمة في الجمال
وكانت متطمنه انه ماراح يعرفها احد
وعاشت دور السندريلا لان الناس
اللي عازمينها من الطبقة الراقية
وعاشت احلام اليقظة بان ولد الامير
بيدخل الحفلة وبيعجب فيها
وصديقاتها حولها ويمدحن جمالها ولبسها
وفجأة تسمع اللي يناديها من الخلف
وفاء وفاء وفاء
وتلتفت ناحية الصوت هي والبنات اللي معها
الا وحدة من جماعتهم جاية لها
وتخمها من الفرحة
وش هالزين وش هاللبس هنا وفاء طاح قلبها
تخاف تقول هالحرمة شي
قامت وفاء وغمزت لقريبتها
قريبتها طلعت ذكية وفهمت معنى الغمزة
يعني اسكتي لاتكشفين وضعي عند صديقاتي
لان اللسنة الناس ماترحم وخصوصاً ان
بعض صديقاتها يغارن منها
فهمت ذلك من تلميحاتهن في
الجامعه وعرفت انهن مايرتاحن لها
واكيد لو عرفن عنها شي بيفضحنها
المهم قريبتها تداركت الوضع
وموهت على بعض الكلمات بضحكة ومزحة
وانسحبت بهدوء وعادت لمكانها في القاعة
دون ان تسبب اي احراج لوفاء
وفاء شالتها لها جميلة وحاولت تتصل
فيها علشان تشكرها على موقفها معها
لاكن ماقدرت
وفي يوم من الايام وهي في الجامعة
الا قريبتها واقفة وتطالع ماتدري وش تسوي
وتجيها تركض وتحب راسها وتشكرها
ويوم خلصت والحرمة ساكته وتطالع فيها
قالت خلصتي قالت ايه قالت يابنتي
انتي لحمي ودمي واللي يعيبك يعيبني
وانا فهمتك يوم غمزتي
ودريت انك ماتبين العرب يدرون
وسكت
قالت وفاء الله يسلمك ويجزاك خير
والله يابعض صديقاتي لو عرفن اني مااخلص
من الغمز واللمز
وتداركت وفاء الموقف وقالت
طيب ياخالتي انتِ وش اللي جايبك هنا
اقدر اساعدك بشي
قالت ايوالله انا جاية بأسجل بنيتي في الجامعة
ولاندري وين نروح وكانت وفاء اخر سنة وعارفة
كل شي ولها علاقات طيبة مع الادارة والعميدات
قالت ولا يهمك وتاخذ البنت وملفها
وتروح تلف فيها لين سجلتها ورتبت جدولها
وصارت تستقبلها كل يوم وتفطر هي وياها
وقالت لامها لاعاد تجين تاخذينها
انا بوصلها في طريقي كل يوم
وارتاحت الام لانها تطمنت ان بنتها في ايد امينة
وقالت فعلا المعروف مايضيع في الاصيل
ايه نسيت اقولكم
وحدة من الامهات في الحفلة اعجبت في وفاء
وسألت صديقتها عنها وخذت رقمها
واتصلت في امها وقالت بنجي نخطب وفاء
وجت ام الشاب وخالته واخته وشافوا وفاء واعجبتهم
بس لاحظوا ان البيت متواضع
وسألوا الام وش يشتغل ابو وفاء
قالت يشتغل حارس مدرسة وانا فراشة
خلكم على بينة استأذنوا الحريم وراحوا
ووفاء قالت في نفسها اكيد ماراح يرجعون
ام خالد قالت لخالد عن اوضاع اهل وفاء
قال ابغى اشوفها الشوفة الشرعية
ان اعجبتني
مايهمني وضع اهلها المعيشي
وكان غني ووسيم وضابط
جاء وقت الشوفة الشرعية
ودخلت عليه وفاء بحضور ابوها
وشافها خالد وانهبل عليها
وخطب من ابوها على طول
ضحك ابوها وذكره بالمستوى الاجتماعي
قال مايهمني
قال ابها اجل ياولدي بكرة جب ابوك
وانا بكلم اخواني وعيالهم واخطبوا
ومايصير الا الزين
راح خالد لامه وحب راسها ويدها
وشكرها انها ذكرت له وفاء
ويوم جاء الصبح ويقوم خالد ويتجهز
ويروح هو وابوه واخوه الكبير يخطبون
قال ابو فاء يامرحبا ويامسهلا
ماحنا لاقين احسن منكم
شوي الا الباب يفتح بقوة
الا واحد من عيال عمها
داخل عليهم برشاش
انهبلوا يحسبونه من الارهابيين
قال وفاء بنت عمي وانا احق بها منك
انا محجرها
ابوها ماقال شي لانه عارف هالولد اقشر
واعتذر من خالد وابوه لانه خاف عليهم
وقال ماعندنا لكم نصيب
طلعوا وخالد متضايق ويشتم في
هالعادات والتقاليد البالية اللي
ماانزل الله بها من سلطان ويهدد انه
بيقدم شكوى في ولد عمها لاكن
ابوه هداه وقال هذي عاداتهم
ماراح يتنازلون عنها
ياولدي بيرزقك الله احسن منها
اما وضع وفاء لاتحسد عليه
بكاء مستمر وحسره
لان هذا ثالث عريس يطرده
ولد عمها هالاقشر
وعاد هي ماتحبه ولا تدانيه
والان احبت خالد يعني لايمكن تقبل غيره
وللان ووفاء تنتظر رجعة خالد
وولد عمها ينتظرها او ينتظر من يتقدم لها
ليهجم عليه بالرشاش
وانتهت القصة والعادات والتقاليد لم تنتهي
ومازال الاف من البنات يحرمن من الحب
والنصيب بسبب عادة الحجر

الموضوع الأصلي: وفاء قصة من تأليفي مشاركة في المسابقة || الكاتب: مها الرياض || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

,thx rwm lk jHgdtd lahv;m td hglshfrm H, hglshfrm jHgdtd td ,thx

يتصفح الموضوع حالياً : 11 (1 عضو و 10 ضيف)

لازالت بعض العادات يتم توارثها وهي مخالفة للدين ..
وكم من فتاة تم إجبارها على الزواج من أبن عمها أو أبن خالها
وهي لاتريد الزواج منهما وتعيش في ضنك ومشاكل ..
بعضهن يتصبرن وبعضهن ينتهي الزواج بالطلاق والضحية الأولاد ..
قصة بدأت بالوفاء والأفراح والنهاية بالأحزان..
حسبي الله ونِعم الوكيل على كل ظالم ومعاند ..
شكراً أختي الفاضلة / مها الرياض ..
قصة من الواقع ..
لايك وتقييم ..

المشاركة الأصلية كتبت بواسطة عبد الله الصالح

لازالت بعض العادات يتم توارثها وهي مخالفة للدين ..

وكم من فتاة تم إجبارها على الزواج من أبن عمها أو أبن خالها
وهي لاتريد الزواج منهما وتعيش في ضنك ومشاكل ..
بعضهن يتصبرن وبعضهن ينتهي الزواج بالطلاق والضحية الأولاد ..
قصة بدأت بالوفاء والأفراح والنهاية بالأحزان..
حسبي الله ونِعم الوكيل على كل ظالم ومعاند ..
شكراً أختي الفاضلة / مها الرياض ..
قصة من الواقع ..
لايك وتقييم ..

هلا وسهلا عبدالله
الله يسلمك ويسعدك
اسعدني ردك
وشرفني مرورك
الف شكر طال عمرك

كل الشكر على هذا الطرح الراقي .. والرائع
لك من الشكر أجزله .. ومن الورد أعطره ..
لك أرق واعطر التحايا ..
دمتم بحفظ الرحمن ..

المشاركة الأصلية كتبت بواسطة الجوري كل الشكر على هذا الطرح الراقي .. والرائع
لك من الشكر أجزله .. ومن الورد أعطره ..
لك أرق واعطر التحايا ..
دمتم بحفظ الرحمن ..

هلا وسهلا جوريتنا
اله يسلمك ويسعدك
الف شكر حبيبتي

المشاركة الأصلية كتبت بواسطة مها الرياض المشاركة الأصلية كتبت بواسطة سلسبيل عادات غبيه عند البدو بس اما الحضر عاد ما يحتاج هلا وسهلا سلسبيل ايه كل مجتمع فيه الزين والشين بس الحمدالله الناس تطوروا الان وعادة الحجري الا اختفت الا في بعض القبائل اسعدني مرورك حبيبتي

متناقضه

ليش انتي متناقضه


ليش غيرتي كلامك دحين وتقولي انهم تطورو


مو نهاية موضوعك معترفه انه القصه انتهت وعاداتهم ما انتهت

ولا قصدك تردي على بالزين والشين


وبعدين موضوعك عن العادات والتقاليد


مو عن الزين والشين





يالله ياحلوين


اتمنى رقم المرور لا اتغير عشان ردي

في الاول وفي الاخير عندي عشرالف اسم بالمنتدي

وبشارك بها كلها وباي وقت



اصيله برنسيسه النازف لو غيرتو رقم المرور عادي

في غيرها