مدونة أو ربما دندنة

إن جيت ماجابني غير ابيض حضورك
أتصفح العطر في وردك وفي شيحك

صفحات الأيام اذا ماتحوي سطورك
وش لي بها كان ماأقرا تباريحك

من عرفتك صار للدنيا وزن
كن عن عمري صار بوجودك قصيده

للقوافي صرتي أحضان ووطن
وكل بيت يعجبك لازم أعيده

لو فيه أحد يشبهك ماشلت همك
أحب غيرك وانت يازين لاهنت

المشكلة واللي خلق فيك دمك
مافيه احد يشبهك ياعذب إلا ( انت )

في شوفتك كل الليالي جميله
والشعر يحلى لو بغيته يجمل

لا من لمحتك يالعيون الكحيله
القلب حتى في جلوسه تعدل

النور في طلتك والنور في شمسي
ياليت الايام في نظرتك تنساني

وأنسى أنا باكر وأنسى بعد أمسي
لاصار غير الصباح ألقى ( صبح ) ثاني

والريح دلتني على ياسمينك
لا واعذابي كلما هبت الريح

قيدت روحي في سلاسل سنينك
يالله عساه يطول عمر المفاتيح

يافارقه بين ( النسا )
.
.
.
محتاج ألاقي لك ( مسا )