كيفما اكون لا يشبهني الآخرون

حبك بوسط القلب مبني على ساس
واشبك تعاتبني وقلبي عطيبك
غلاك ماينقاس بالدر والماس
تفداك روحي واعتبرها نصيبك

مـا للسهــر ذمــة ولا للمســا .. حــال

سـرى الفكر هاجوس وأسـرج خيـوله

لا عـزت النــومه وبـال السهــر طــال

بالله .. مـري يالدقــــايق عجـــــــولـه

مـاكل مـا يطـري على البــال ينقــــال

ولا كـل شــي .. لا بغينـــا .. نقـــوله

مــرات في صمتـك تهــاون واهمـــال

ومـرات صمتـك فيـه عـــز ورجـــوله

يافاتنـه ..ياناعسـه ..يا اســـم فعــال

غـير حيـاتي .. بانتمــاه .. واصـوله

منتي أمل .. لـو كـثروا انتـي أمــــال

علقتهـــا بيـــد الزمـــان .. وقبـــوله

أنتي تجـين بظـرف لحظـة على جـال

فــكـري .. وتبغـين دور البطــــــولـه

مـاللفــكر منه على كــل الاحـــــــوال

الفضـل فضـلك واغفـري له فضـولـه

الله لا جيتـي بالانفــــاس مـــــــــوال

شـق الصــدا قلــب المكـان وخمـوله

والله لا جيتــــي للأفكـــار مـرســـال

عــز الكــــلام اللــي يقــال ورسـوله

حـلوة نعيــش الحـب بقلوب الاطفال

واحـلى لـو ان العمـــر كلـه طفــوله

غبت يوم وعذرنا وبولهنا انتظرنا
يلا ارجع كـفـايا ابصراحه فقدناك

يعني ماصـــاحت اذنـك مابكى الـشـوق منك
ماصــرخ يوم حـــزنك لـحظـه الي طـــريناك

في غيابك نسينا وش لنا وش علينا
شاغل البال فينا ليتنا ماتركناك

انجبرنا نخليك ونبتعد عن مراسيك
بس والي يخليك حتى بالحلم شفناك

وش حالكم ياعرب بالله كيف انتـوا
وكيف الأغاني الجديدة حق ابونورة

اوبعد الكلام الحلو يااخوان لاهنتـوا
كل ٍ يبّرق بعينـه ..داخـل الصـورة

وأعطوني تفسير واحـد.. لوتكرمتـوا
عن ذل نفس ٍ تجي بالغصب مكسورة

اوبس تدرون مشكورين واحسنتـوا
مثلي يعرف السبب والنفس مقهورة

السبـة إنكـم لهيتـوا... أو تخاذلتـوا
والذل عرا الحقيقة وطاحت قشـوره

يازمرة الـذل... كـم مـره ...توسلتـوا
من بعد ما مات فيكم هاجس الثـورة

ولا سألتوا نفسكم انتوا وش كنتـوا
في صفحة المجد والتاريخ بعصـوره

بالعكس هنتو على أنفسكم ولابنتـوا
باللحظة اللي انتخت بغداد مأسـورة

اصحوا وقموا وراكم بس تهاونتـوا
يالعنبوكم تـرى الدنيـا ..لهـا دوره

وان ما فزعتوا اوذليتـو اوسلمتـوا
العالم الله عدونا بيرضـي غـروره

واكبر مثل هذا هـو قدامكـم انتـوا
بالصورة اللي تجسد واقع الصـورة

يا [ ميم ] ليت القلب ماعاش يطريك !

ولا عرف يا [ ميم] فرقـا الحبايـب

مرتني الذكـرى مـع الهـم تنعيـك

واقول: ياذا الهم ويش انـت جايـب !

ياسيد احبابي علـى كثـر ماابكيـك

جفني جفاه النـوم لا صـرت غايـب

احيان احس الشـوق طفـل ٍ يناديـك

واحيان صمته في ضلوعـي لهايـب

ماهمني من كان غالي وانـا اغليـك

لــ جلـك اعـرض حبهـم لـ الهبـايـب

قلي : من اللي في الخلايق يساويك !

لا صرت تغني عن جميع القرايـب !!

أشوفك كل ما أغفى لأنك حلمي الساهر
...............أحبك في تفاصيلك أحب أسلوبك المجنون
أحبك في طلوع الشمس أحبك يا أمل باكر
...............أحبك في ابتسامة طفل إذا ناديت يا شاطر
أحبك ياربيع أخضر أحبك ياشتا ماطر
...............أحبك لذة السكر أحبك ريحة الليمون
أحبك قصيدة شوق كتبها في الهوى شاعر
...............أنا من كثر ما أحبك أردد دوم يا ساتر

كثر اشتياقي لك (عيوني تمناك)
ودي اضمك في عيوني واداريك
انت الوحيد ان غبت ماغاب طاريك
وانت الوحيد اللي حياتي تناديك
وانت الوحيد ان جيتني عقب فرقاك
اطفا بشوفك واحترق يوم ألاقيك