صورة وابيات شعر

من يقول الذوق منك ماسرق أجمل صفاته....
ومن يقول الورد منك ماسرق لونه وعبيره....

شفنى بسافر وابتعد عن مصيرك
وارجوك لاتطلب من القلب ينساك

انا سفير الحزن مدرى سفيرك
مدرى انا وشلون قلبى بلياك

صحيح شفت الويل وابكى هجيرك
بس المصيبه عيت الروح تجفاك

خطاى انى كنت اعشق غديرك
والمشكله قلبى تعذب يبى ماك

قد قلتلى انك ماتخالف عشيرك
وقد قلتلك كلى فدوة رضاك

وانا وعدتك دوم ابقى خشيرك
الا مع النسيان مانيب وياك

كنت اعتبرنفسى معك واستشيرك
واشفاى ماتضحك قبل ضحكة شفاك

وكنت اترك اللى من كلامى يثيرك
واحقد على غيرى ليامنه ابكاك

ان عودت للحب اسال ضميرك
من هو جفا كل المخاليق واغلاك؟

وان عودت للشوق الله يجيرك
وصلت انا من زايد الشوق لقصاك

اهديتك اللى ماعطيته لغيرك
واهديتنى صدك وبعدك وفرقاك

مع السلامه كثر الله خيرك
واوعدك انى لاخر العمر بهواك

​

ولو اني اقولك ( ايه ) انا / راضي !
. . . ترى بصدري عذاباتٍ غدت خرسى !

ولو كانت جروحك / فعلها مآضي !
. . . ترى باقي أثرهآ بخافقي / ( لسى ) !

يآقو سحر الهوى .. على قلب مجروح !!
تتعب عروق المششآعر ... كلمة(ن) زينه
ظلوعي سجن القصآيد .. وصدري يفوح
ومآلقيت من يطــلق ســـرآح السجينه

قال الوداع وقلت هذا مكاني

والله لو طال الزمن.. ما تعداه

إمَّا إلى منه رجع لي لقاني

والاَّ يكفّيني مكانه.. وذكراه

مخنوق لكن ما ادري ليه مخنوق
ضايق و لا ادري ليه بالحيل ضايق..

” ثوب الصبر من حزن الأيام مشقوق “
واليا سألوني قلت : بالحيـــل رايق ..

احيان ودك ترتفع للسماء فوق
تطيــر تبــعد ما تشوف الخلايق ..

:
الحب نظرة ,,,, ﻻ منها تﻼقت
في عيوني عيــونك زاهي نظرها

الحب سكرة بين الشفا ذابت
ﻻمن تعرّت اوراقه ومحدن سترها

الحب فكرة من تركها تﻼشت
ومن حفظها تكافى خيرها وشرها

الحب شعــرة بالراس شابت
وأثري وليدن المحبة ,,, ما قدرها