ღ°♫╣╠ღ ° القلب عازف .. والدمع نازف ღ°♫╣╠ღ °

ودنا بالطيب بس الدهر جحاد طيب
كل ما تخلص مع الناس كنك تغشها

يدك لامدت وفاء لاتحرى وش تجيب
كان جاتك سالمه حب يدك وخشها

مساء الخير

:

شيلة

ياحبني له ويا ويلي على شوفه
ياوجد روحي عليه ويا بري حالي

:


بدى النقص في حالي بعد ما انشغل بالي *** رمتني عيوني بالغرابيل عزّالي

الا ياعيوني من جفا النوم والسهر *** هواها البكا ودموعها تهمل اهمالي

وقلبي يلوعه عاصف الحب والهوى *** لوع السموم في عشبه في شفا جالي

وروحي مطاولها مرضها وتجحده *** عن الناس مابي الناس يدرون عن حالي

اعزي هجوسي بين ربعي وقربتي *** وأنا خاطري كنّه على واهج الصالي

اسولف مع العالم وأخفّي مصيبتي *** وأدافع صروف الوقت والهم يبرالي

سبب واحد سمته وابي اشري معرفته *** لو الثمن غالي انا عشقي الغالي

اسومه بعيني وروحي ومهجتي *** وأزيد الثمن بالمال مع باقي الحالي

حبيب بعد ماسمت وصله وباعني*** تحسّف على وصله بالاول وبالتالي

يقربني و يبعدني ولا يقطع الرجا *** واذا جيت ابي اشرب صك في دلوي الجالي

انا وش حياتي ياحياتي على الوسم *** تشوف المرض وبحالة العزر ترضالي

حياتي وانا مقهور ياحالة الندم *** عسى الموت ياخذني ترى الموت اشوالي

الا ياهلي وان كان هارجني القدر *** عزاكم على الله ثم عزّوا بي عيالي

انا المبتلي في حب ملهوفة الحشا *** عسى الله على بلواي مايحبط اعمالي

الا واهني ياللي من الحب ماشكى *** يبات الليالي كلها خاطره سالي

الي جيت يمّه هدني ثم ردّني *** وأعوّد وانا مقهور شكواي للوالي

أنا اللي عيوني كل مايظلم الدجا *** أحسّب نجوم الليل من ضيقه البالي

اسهر الي نام المعافا وعلّتي *** لجيت في حنايا القلب والحب قتّالي

اجاذب ونيني لا تخاليت بالخلا *** وأطوّح ثلاث اصوات من صوتي العالي

الا يابعد من لي حبيب من الملا *** متى يانعيم العود تعطف على حالي

:

الاياقلب ياللي كل ماجاء الليل جاه خلاج=يلوج ويلتوي بالجاش من شي تورج له
اعاني من عنى جرح خفق بين الضلوع ولاج=عرضته للطبيب اللي مدحتوا ماتخرجله
دريت ان الهوى يرث جروح مالهن علاج=الازاد الغلى واللي توده قاصر رجله
يخاف من العيون الشامته واكذوبة الهراج=الا جا الصبح هراج القفى يكثر بنا دجله
انا بصبر عسى بالصبر لو طال الفراق فراج=على شانك وغيرك ماسهرت الليل من اجله
على شانك ومن شانك حياتي بالحياة احراج=عسى قلب شبكته بالهوى ربي يفرج له
تكايدني بخد مادرج من فوقه المكياج=طبيعي الجمال اللي على الوجنه هدب نجله
عليه اربع نجوم وزودوه من الحلى بالتاج=زعيم الحسن له حق الجمال اللي يتوج له
الايامجيب دعوة من دعاك بليلة المعراج=دعاك بجاهك التخفيف تقبل طلبة عجله
تساعدني على خل تركني للشقى مسهاج=ثمان سنين من عمري وانا مرهون في سجله
اعوم بغبة امواجه لما ساقتني الامواج=على شط الفرات ايام وايام على دجله

:

شيلة

ياراعي الجيب

:

لبى العيون اللي لها القلب يشتاق
ولبى الخفوق اللي له البال رايق
ماودك اكتب لك على العام مشتاق
واحط نكك ﻭ اكتب اغلا الخلايق

:

ياشوق فيني من لواهيب الأشواق
نارٍ كلت قلبي من البعد ياشوق
هاج الغرام ونازفه بيض الأوراق
وحبر القلم مع دفترٍ كله حروق