ღ°♫╣╠ღ ° القلب عازف .. والدمع نازف ღ°♫╣╠ღ °

:

للظلم يا رمز الوفا ما استحقَّى
يا غايتي و مناي بين المخاليق

:

لاتقول ان الليالي فرقتنا...لاتقول ظروفنا عيّت علينا
الليالي يوم ودك جمعتنا...يوم ودك كل شيٍ في يدينا
ياسقى الله ليلةٍ بك عرفتنا...في شعيب شهار عن غيرك سلينا
من مغيب الشمس حتى طالعتنا...عن هل الدنيا نزعنا واعتلينا
ليلة العشاق والله وردتنا...ماردٍ ذقناه لكن ماارتوينا
ليتها ياليتها ما ودعتنا...ليت ذاك الليل ما راح وسرينا
يوم هملنا الليالي هملتنا...كيف تعطينا وحنا ماعطينا
الليالي عن هوانا مانهتنا...البلا حنا على البعد انتهينا

:

ودعتها واخفيت عنها دموعي
خايف تحس بحسرتي والتياعي
ودعتها والقلب مني جزوعي
جزع ٍ من الفرقي قليل المساعي

حيث الفراق لمن تولع يلوعي
لوعات فرقي ماوراه اجتماعي
في لحظة التوديع هديت روعي
بيني وبين النفس تم الصراعي

اخفيت ماحسيت بين الضلوعي
خايف عليها لاتحس بضياعي
قالت بمان الله وانطر رجوعي
واشرت بالتوديع حال استماعي

ساكت ولا رديت ماهي طبوعي
من عبرتي تفرض علي امتناعي
حان الرحيل وحان وقت الفجوعي
واقفت وانا عيني عليها تراعي

بين الرجاء والياس صبري يبوعي
علي الوداع اشلون قلبي استطاعي
من عقبها اسهر مسندي راس كوعي
لا نام خالي البال تميت واعي

تومي بي الحسرات من غير طوعي
هذا الغلا ماهو غرام ٍ صناعي
اللي لأجله هان عندي خضوعي
والله ماانسي دمعته في وداعي

:

يقول المولع اللي ما يجور ولا يداني الجـور
عسى اللّه ينتصف من ولعوا قلبي و خلونـي
أنا عن ماتريد النفس يا حظ النـدم مقهـور
إلى مني بغيت مواصلتهم حيـل مـن دونـي

ألا يا مجيب دعوة من دعاك بداجي الديجـور
أسالك يا إلهـي لا تطيـل فـراق مضنونـي
أنا اللي من تغاب الشمس لين إنه يشق النور
و أنا في حالـةٍ ياحيلـة اللّـه لا تلومونـي

على شقر الذوايب جض قلبي جضة المكسور
و لا ينلام قلبٍ باشقـر المجـدول مقرونـي
إلى مني ذكرت اللـي جبينـه كنّـه البنـور
تنقّض جرحي اللي مندرس و إنباح مكنونـي

أحسب إن الليالي يوم تضحك لي فرح وسرور
ولكن ما دريت إن شرهـا للنفـس مدفونـي
ألا يا عاذلين الروح روحي ما تطيع الشـور
و لا لي صالحٍ من شوركم تكفـون خلّونـي

أنا المفجوع أنا المبلي أنا المغرم أنا المجبور
أنا اللي من صخيف الوسط دايم تسهرعيوني
أنا بحبال من بيده شقاي و راحتـي ماسـور
ألا يا ويله من اللّه ربطنـي ربـط مجنونـي

:

يانور عيني بطرف العين ناظرني = القلب من سبتك زادت غرابيله

مجروح وانت السبب يازين سايرني = حبك فضحني وانا مابيدي حيله

هجرتني ياحبيبي وانت خابرني = مااقوي العزي عنك لا يوم ولا ليله

لعل رب بلاني بك يصبرني= اسهر ومن شاف حالي قال عزي له

الله عالم ياحبيبي وش مسهرني = مدري من ابدي عليه السد واشكي له

ابو جبين سوات الشمس جاهرني = والخد مثل القمر يضوي ورى الشيله

يشوف ترف القدم يامن يبشرني = ماعاد جاني ولا جتني مراسيله

مملوك للزين ينهاني ويامرني = من يوم شفته وقلبي شايل شيله

:

يـا عين هلي علي تــرف القـدم هلي = راعي الهــوي دايــم دمعه علي خده

الحــال مني قضــت والروح تـنـسلي = يـــالله انا طالبـــك لا تطــول الشده

ياطيــر ياطيــر سـلم لي عـــلي خلي = اللي خـــذا القلب وقـــفا به ولا رده

عليـــه قلبــي مــن المعــلوق يـنـتـلي = تــل اشقـــر تل صـــقاره ولا هــده

عــلي عيــون العـــرب كنه عـدو لي = ودي بشــــوفه وهو بشـــوفتي وده

هجــرتــني ليــه ياغــض النــهد قلي = تراي مقدر علي الهجران والصـده

يالله عسي المشكل اللي صار ينـحلي = ابتصـــــبر ولكن طـــــالت المـــده

:

هُناك أُنَاسٌ .. حينما نجد اثرهم وعبق عطرهم في المكان نبتسم لا ارادياً
فرحاً وغبطه .. وأنتِ أولهم .. هنيا لي تواجدك.
ودمتي بسعادة ترفلين .