" مراهقتي , و , دمعتي , بـ, قلم , سعـود العنزي ,

" مراهقتي , و , دمعتي , بـ, قلم , سعـود العنزي ,

[center] اهـ يا صبر روحي على الي صار وانكتب على المكتوب بـاصبر على صبـر صبـري ولـو زاد صبره عـن صـبـري بزيد صـبـري على صبـره مـثـل ما صبـر ايــوب اصبر وصبري يحرقني وصار صدري صدر محروق ( طلبتكم الموضوع شوي طويل بس اقرو خلوكم وياه ما ابي منكم الا 10 او 8 دقايق بالكثير من وقتكم ) ~ مشاهده ممتعه لكم ~ ( انا فاشل ) قبل مو الحين لو تدرون شنو سويت بـ ايام المراهقه ليش هذا عنده ( فون ) وانا ما عندي .. !! ليش هذا عنده ( سياره ) وانا ما عندي .. !! ليش هذا عنده ( لابتوب ) وانا ما عندي .. !! ليش هذا مسجل ( بنادي ) وانا لا .. !! ليش هذا اشترا ( موتر جديد ) وانا لا .. !! ليش هذا . ليش هذا . ليش هذا .. ؟؟ ( وتستمر الحياة ) ليش هذي ( فستانها ) حلو وانا ما عندي .. !! ليش هذي عندها ( فون ) وانا ابوي ما شرالي .. !! ليش هذي سجلت ( بالجامعه ) وانا اهلي منعوني .. !! ليش هذي ( ماتطبخ ) وانا تبوني اطبخ .. !! ليش هذي عندها ( سايق ) وانا ماحد راضي يوديني .. !! ليش هذي ( تسهر مع رفيجاتها ) وانا تخلوني انخمد انام .. !! ليش هذي .. ليش هذي .. ليش هذي .. ؟؟ ( وتستمر الحياة ) ~ 9 شهور لا جد تعرفون شنو ( 9 شهور ) شنو هذي ؟ هههههه مو ( 9 ايام الله يهداكم ) ( 9 ) شهور وانت و انتي عايشين ( بطنها ) ( أثناء الحمل ، آلام ) في الأشهر الثلاثة الأولى من الحمل ، يتعلق الأمر غالبا بتوتر و آلام على مستوى الصدر و البطن ، إضافة للغثيان و تشنجات وآلام الظهر و كلام لو اكتبه لكم ما خلصت ؟؟ تنبيه .. !! لا نجد هذه الأعراض كلها بالضرورة لدى جميع النساء لاكن ( تخيل امك او امج ربي يحفظهم لكم ) انها بين النساء الي يشعرون بالي انا كتبته ؟؟ يعني 9 شهور وربي مو شويه ترا ما اقول انا ( 9 ايام ) افهموني بعضكم يعتبرها ( 9 ايام ) للاسف شهر و 2 و 3 و 4 و 5 و 6 و 7 و 8 و 9 تخيلو بكل شهر تعاني من معاناة الحمل ؟؟ ومن : اضطرابات النوم ما ترتاح بالنومه تغمض عيونها فجاه قعدت من عوار وغير آلام الظهر تدرون والي حيل يحرك مشاعركم يوم تولدكم على هالدنيا وتكبرون سنه بعد سنه ما تجي الام وتقول حق بنتها او ولدها اسمع انا تراني تعبت بشهر 6 فيك وكنت نايمه وانت كنت ترفس بطني ما تذكر اي شششي نهائي ربي ما يوصف هالكلام والله يعني تحسسك ان الحمل شي سسسهل و بسيط وانها ما تعبت فيك وكانت مرتاحه ب 9 شهور وحنا ندري انه معاناة ولاكن ( للاسف علينا والله ) لا وازيدكم من الشعر بيت يوم تولد الام ما تنتهي المعاناة وهي نايمه ( تقوم تصارخ انت ) تروح تركض تغير الحفاظه لك وهي تنظف وتطبخ تروح تجلس عندك ( ترضعك من صدرها ) انا والله اني مجنون بحاول اوصف دور الام بحروفي هذي الام دورها بهالدنيا ما ينوصف لا بكلام لا بقصيده لا برسمه لا بخاطره ينوصف بشي واحد ( بر الوالدين ) لو سويته وحاطه بين عيونك راح تخلي الناس تشوف بالحقيقه شنو هو دور الام و الاب انا صحيح كاتب كلام فوق بالبدايه وخرجت شوي بالموضوع لاكن حبيت اتكلم شوي عن دور الاب و دور الام ومعاناتها انا فاشل اعترف بالشي هذا لاني بسن المراهقه اذيت ( امي ) الله يرحمها ابي سياره مالي شغل ادبرولي وعورت راسها والي يقهرني يوم جابولي سياره ما جابولي سياره عاديه ما قصرو جابولي ( لكزس ) وللحين محتفظ فيها لان اختيار الوالده يوم جابوها لي مستانس اول ايامي لاكن بعد اسبوع صار شي عادي ؟؟ ولا اهتميت ولا صااار شي قبل على كلامي يوم ازعج امي توقعت يمكن انام عند باب السياره من شدت ازعاجي ابيها ليش نزعجهم بـ طلبات ما يقدرون عليها يعني هم مو ( المصباح السحري ) الي تغمض وتفتح تشوفه جدامك ؟؟ ليش ما نملك الصبر ؟؟ وعلى موضوع التليفون فلان عنده وانا لا مالي شغل ادبريلي روحي كلمي ابوي ومرات اقعدها من النوومه اقولها هاا شنو صااار بموضوع التليفون ؟؟ والله والله ( ذبحتنا كلمة فلان عندهـ وانا ما عندي ) يا حسرتي على افعالي بس .. !! اقسم بالله ان كل شي من بعدها انطفى نوره اقسم بالله ان كل شي من بعدها وقف نبضه اقسم بالله ان ماكو شي يملي عيني من بعدها اقسم بالله ماكو احد يقدر يرسم البسمه من بعدها بس ربي لك الحمد وعيت بعقلي يوم كملت الـ 18 سنه وعقب ما كانت الدنيا غرتني بـ جمالها تركت الدنيا ورا ظهري وجيت لـ امي وحيل تقربت منها وشلتها عن ( الارض ) اخاف من حتى ممشاها وما قصرت وياها وهي ما قصرت معاي وكل كلامها روح انا راضيه عنك دنيا واخره وربي يوفقك وتقضي يومها كله تدعي ربي يوفقني و يسهل اموري لاكني كل ما اتذكر الي كنت اسويه بـ مراهقتي اندم .. !! والحمدالله ما علي اي قاصر ربي لك الحمد عندي موترين بدال الـ واحد واحلى فون وملابس واحلى و يعني بـ مراهقتي ما ستفدت شي استعجال فقط ساعات نطلب اشياء تعجيزيه لا ابوك ولا امك يقدرون عليها ليش ما نقدر ظروفهم ليش ما نحط نفسنه بـ ( مكانهم ) كل همنا ناخذ ناخذ ناخذ ناخذ ناخذ .. ؟؟ ويوم ناخذ منهم ويجبونه لنا نبستم و نفرح بس عشان يشوفونه مرتاحين وما ندري إذا الابو تسسلف مبلغ ولا باع شي محتاجه ولا الام راحت حق الجاره تاخذ سلف منها كل هذا عشان يسكتونك وما يخلون عليك ( قاصر ) منو يبي الجنه الكل بيجاوب , انا انا انا انا تأملو هالـ 5 كلمات ( بر الوالدين طريقك إلى الجنة ) الوالد بالإنفاق .. والوالدة بالولادة والإشفاق وقوله تعالى: ( واعبدوا الله ولا تشركوا به شيئاً وبالوالدين إحساناً ) .النساء:36 ألم نلاحظ أن الله قد قرن توحيده ـ وهو أهم شيء في الوجود ـ بالإحسان للوالدين إلى متى سيبقى الوقت لم يحن للبر .. !! وكأننا ضمنا معيشتهم أبد الدهر .. وغفلنا عن هذا الكنز الذي تحت أبصارنا ولكننا للأسف لم نره وفوق هذا نزعجهم و نتكبر ما نخدمهم والي يقهر يقهر يقهر بمعنى الكلمه ان ( ننشغل عنهم ) وفوق هذا ما يخلونا ولا ينسونا يدعون لنا بصلاتهم وكل اوقاتهم سوا طلعنا ولا دخلنا عن أبي هريرة رضي الله عنه قال: قال النبي صلى الله عليه وسلم : " ثلاث دعوات مستجابات لهن، لا شك فيهن ، دعوة المظلوم ، ودعوة المسافر ، ودعوة الوالدين على ولديهما ". عقوق .. عقوق .. عقوق .. وكأنهم نسوا مراقبة الله لهم.. وكأنهم لن يحاسبوا .. كل معصية تؤخر عقوبتها بمشيئة الله إلى يوم القيامة إلا العقوق ، فإنه يعجل له في الدنيا ، وكما تدين تدان وديت امك او ابوك لـ دار المسنين عشان ازعجتك ؟؟ وديتهم لـ دار المسنين عشان زوجتك طلبت منك ؟؟ وديتهم لـ دار المسنين عشان تبي الورث منهم ؟؟ صدقني اخوي , وصدقيني اختي لو وديتهم تزوج تجيب عيال راح عيالك الي راح تجيبهم يودونك نفس ما وديت امك و ابوك عيالج الي جبتيهم نفس ما حديتي زوجج يوديهم بيودونج همنا المووضه والحركات ونبي نمشي مع موضه الناس ونبي ونبي ونبي ونبي لاكن نسينا افعالهم كل ما نبي شي طايرين رحنا ( ازعجناهم و تعبناهم ) ويوم يجيبونه لنا نستخدمه بـ اسبوع بعدين نحذفه ولا نبيعه ؟؟ تبي سياره + تبي فون + تبي تكشخ + تبي نادي تبي ملابس + تبي مصروف + تبي مطعم تبي و تبي و تبي و تبي و تبي اصبر والله ما يخلون عليك قاصر خل بداخلك الصصبر حتى لو تنام ومو متعشي حتى لو ما حصلت ملابس مناسبه لا تطلع اقعد حتى لو ما صار عندك فون منت ملزوم فيه حتى لو ما جابولك لابتوب ما راح يطير بس لا ( تضايقهم ) بس لا ( تجرحهم ) بس لا ( تعبهم ) انت بـ افعالك عشان فون ولا سياره ولا ولا ولا تبيع معروفهم الـ 9 شهور تعبو فيه عليك تبيعه عشان لابتوب ولا فون ولا سياره ؟؟ قربت اوشك انهي كلامي بـ الموضوع صدقوني وانا اقولها الحين لكم بتاريخ 11 / 9 / 2013 ساعه 7:20 الصبح والله يشهد على كلامي والله مستعد اعيش من غير اكل لو بالنهايه اموت والله مستعد اعيش من غير ملابس وعتبروني مجنون والله مستعد ابوس رجولها واخلي راسي ما يفارقهم والله مستعد اضحكها لو اقطع من لحم جسمي بس ترجع لي واشوفها قدامي تكفون امك و ابوك لا تبيع جزاتهم عشان اغراض ولا ادوات مالها قيمه حتى لو لها قيمه بخاطرك شي اصبر جاك بعد الصبر اهلاً و سهلاً ما جاك بعد الصبر اضرب الصبر بـ صبرين الدنيا ما تدوم وتذكر يوم كتبت طريق الجنه امك و ابوك والجنه الكل يتمناها وحطها بعقلك وستـغل هالشي دامك عايش واهلك عايشين وعسى ربي يطول بعمار اهلكم ويحفظهم ويخليهم لكم وعسى الضحكات والافراح ما تفارق شفاتهم عسى اشوفها بالجنه بأذن ربي وودي وتقديري ولا تنسون التقييم موضوع طوويل شوي صحيح لاكن كتبته بـ دم قلـبي يعطيكم العافيه على الحضور شرايكم بالشعر بالبدايه بـ قلمي من كتابـ, سعود العنزي ,ـاتي ( احلل النقل ولاكن بذكر مصدر همسات الغلا و اسمي )

الموضوع الأصلي: " مراهقتي , و , دمعتي , بـ, قلم , سعـود العنزي , || الكاتب: سعود العنزي || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

" lvhirjd < , ]lujd fJ< rgl suJ,] hguk.d lvhirjd