04-02-2013, 03:57 PM
|
|
|
بصبر ولو صدري على حبـك يفـوح
دام العتب في سلم الأحباب مسمـوح
قل لي وش اللي غيـرك لاتكابر
أصبحت انا لك روح وانته لي جروح
وانا اندب الفرقى واجامـل وصابـر
الى متى اقبـل علـى البـاب واروح
احسب مسافاتي واعـرف المعابر
وانا الذي غنيت مـع ساجـع الـدوح
وعليت لك من فيض شعـري منابر
احرص على عشقك واعلي به صروح
وجزيتني كني معـك شخـص عابر
اجي وانا مجـروح واروح مجـروح
خابـر بنيـاتـك ولاني بخـابر
الجسم حي وداخلـه قلـب مذبـوح
وكسرت رجل مالقى اليـوم جابر
كانك تبيني افضـح السر وابـوح
والـوم دور الوقت واقـول غابر
حنا عرب والسر من دونـه الـروح
وصـدورنا للهم مـثل المقــابر
مانخلف النيـه ولـو فيـه مصلـوح
والغــدر مالـه عندنا أي دابر
وان كان جايك من على الهرج مشفوح
اللي على النـمه لـهـم شبر شـابر
بعطيك علم وعادتي ابعـد الشـوح
تـرا المظاهر ماتعكس المخابر
بصبر ولو صدري على حبـك يفـوح
وابقى على الهقـوه كتوم و مثـابر
عل الفرح فـي مقبـل أيـامنـا يلـوح
وانسى الهمـوم اللي عليه تسابر
وان كان همك تستمع لي وانـا انـوح
فانـا همـومي مــاحـوتـهـا المحـابر
fwfv ,g, w]vd ugn pfJ; dtJ,p jwfv pfJ; dtJ,p w]vd ugn ,lk
|
