الحزن ليل وفي ظلامـه سرينـا
والليل مظلم مانشـوف القمربـه
ودربه طويل أن ماطلعنـا هوينـا
وماعاد أميز وين شرقه وغربـه
عقب الفراق اللي بعـده أنعمينـا
أمشي بـدرب مايفيـد النظربـه
دار الزمـن ياصاحبـي مادرينـا
حكم الزمن ياصاحبي وش صدربه
حكـم علينـا بالجفـا ماخطينـا
لكن على الله يوم حـل القدربـه
ياصاحبي من دون ذنـب أنتهينـا
وحل الفـراق وراح كـل بدربـه
أي والله أنا ّ مـع بعضنـا وفينـا
لكن طريق الحب بـان العثربـه
وحنا على شـان المحبـه كنينـا
نجحد ولانبغـى تحـس البشربـه
وكم مـرة هـد الزمـن مابنينـا
وكم واحد جار الزمان وغدربـه
ولاعاد ينفـع دمعنـا لـو بكينـا
عمر الزمن دمع الحزن ماشعربه
هذي ثمـان سنيـن مـرة علينـا
رعيت حبـك فالخفـوق وكبربـه
واليـوم ماكنـي وكنـك سليـنـا
طب الفرح بحر الحزن وأنتحربه
شف دربنا اللي فيه يامـا مشينـا
محت عواصيف الرياح الاثربـه
وأنهـد قصـر بانياتـه يديـنـا
قصر المحبه والزمـان أنحدربـه
الله وأكبـر ليتنـا مـا لتقيـنـا
وياليت دربـي وقتهـا مامرربـه
أن كان يمدينا من الحـب نجينـا
لكـن زمنـا مايفيـد الحـذربـه
وياليت من غدر الزمن ماعنينـا
ولاشفت أنا وياك يـوم الكدربـه
وسلامتكم
hgp.k gdg>>>
