ثارت قريحة هاجسي وأستهليت
وأشعلت مع عود الحنايا , قبسها
وجهزت لي مركا حلو , أتيكيت
وأطلقتها من هاجسٍ ... ماحبسها
قندت كيف الفكر بين الخباريت
في خايعٍ صِدق النوايا , غَرَسها
فنجالها كنه على كَفْ , عَفريت
يبريبها نفسي ويجلي , عَمسها
جَريت من مكنون قلبي وغنيت
طاروق غدا بـ لحونها , وَنَسها
يوم أتذكر كل ما أصبحا وامسيت
علوم دقت بين المحاني , جَرَسها
يـ الذيب يـ اللي بالمراقيب تعليت
عواك زوَدْ بـ المضاير , حنسها
لا عاد تنشد حالة , الحي والميت
ولا تشره على ناسٍ تِندبْ نفسها
مادام أنا وأياك كنا .... وياريت
صف المعاني يا حبيبي وِ أقتبسها
