مذكرات العم سالم

مفارقات عجيبة :
1-لو انعزم على عرس في صالة لشغل السيارة وحط الحرمة بجنبه وراح وتناول ما قسمه الله من "الكيك والقاتو " ورجع وقال الجماعة مش مقصرين .
في نفس الاسبوع لو توفي أحد أقاربه وقدم اليه "منسف دجاج "لقال هذا مو من مستوانا .
2- بيمر على وسط البلد وبيعزمه صاحبه على دجاج مشاوي او منسف والدجاج مجمد وبيقول لصاحبه يخلف عليك ما قصرت .
بيروّحْ على الدار وبيقولوا له العيال : ودنا دجاج بيقول غالي بيقولوا له: هات لينا مجمد بيقول: ابو زنخة ما بيطب داري لكنه عشعش في العامرة "ام المكاري "
3-بيروح المغرب هو واصحابه ودهم يشووا في المنتزه وبيمر على ملاحم الطيبة وبيدور له اي لحمة رخيصة (استرالي بلدي هندي منشار )وبيفرمها له وبيقول له حط من الشحم وبيشوي وبينبسط هو والربع . وبيقولوا زاكية ما شاء الله عليها .
بيعمل جاره فدوّة ليلة الجمعة وبيذبح له "معزي" بلديات رباع او خماس وبيتعشى منهن وبعد ما يروح بيقول : يا جاهن البين مدهنات ذبحنا فيهن لا اناه ولا اللقمة الي كلتها ونسي زرد المنشار في المنتزه لانه ما تربى على احترام الزاد .
4-بيقعد على اكبر سدر منسف وبيفحج من الدشع حتى ما يزرق "عيّل " وياكل معه من السدر لين يطلع من خشومه ويلحس ايداه وبعدما يقعد يقدموا له المشروبات كان قال : في "ببسي دايت" انا عامل حمية والحقيقة هو عامل حميه لجيوبه مش لكرشه .