09-07-2016, 03:44 AM
|
|
|
زواج ولكن ؟
من أصعب المواقف اللى ممكن نقابلها
بنت يتلغى فرحها ،
أو يتأخر علشان مش قادرة تجهز نفسها
وشاب، يترفض علشان ظروفة صعبه
هو مين كان إختار ظروفه ؟؟
ليه كل واحد بقى بيقول نفسى نفسى
هتخسر إية ، لو سألت على جارك ولو مرة بالأسبوع إطمئنان مش مصلحة
هنخسر إيه لو كل واحد دفع 100جنية وساعد شاب وبنت يبدأو حياة فى طاعة ربنا
بدل ما نعطى فرصة لشيطانهم ،
يعملوا حاجة فـ الحرام
هو احنا ليه بقينا قاسيين فى حق بعض
مش تقولى مـا احنا كمان ظروفنا صعبة
طيب يا سيدى خلينا نتشارك فقرنا
أصل زى ما بيقولوا
الأعور أحسن من الأعمى
وبعدين عايزة أفهم
هتكسبى إيه لما تشترى شبكة بكذا .....
وليه لازم نيش واوضة أطفال ال لسه مش جابوهم أساسا و أوضة ضيوف وصالون وأنترية وريسيبشن
وطقم كاسات وطقم وطقم وطقم وطقم وطقم
متحسسنيش إن الجيلى هيزعل لو اتعمل ف طقم خشاف
مش لازم فرح كبير ما دام ظروفه متسمحش
ومش لازم تسافرى شهر عسل
ممكن تصبرى وهو هيقدر ويعوضك
وبالنسبة للأب
بـ الراحة عليه والله الشباب ظروفها زفت
والبلد نفسها عايزة ال يتجوزها ويصرف عليها
بالله عليكم خلينا نحس ببعض شوية
مش نستخسر
الرزق ده من ربنا
وزى ما غناك قادر يحرمك
وزى ما حرمهم قادر يغنيهم
بتمنى أسمع أرائكم كشباب و آباء وبنات
صعب المنال
.,h[ ,g;k ? afhf ,g;k
اتركيها إذن تصرخ لـ تشرف
أفضل من ان تعزليها فـ تموت
صدقينى أماه[ ليس الموت قبر ]
فما أوجعه قبر الحياة
صعب المنــــال
|
