اليتيمه قصة قصيرة من واقعنا بقلمى لهمسات الغلا

اليتيمه قصة قصيرة من واقعنا بقلمى لهمسات الغلا

	الشيخ فلان رجل مقصد لكل محتاج وكان فى هذاك الوقت هو شيخ قبيلته كان الشيخ فلان جالس يتغدى مع زوجته واولاده الصغار سمع صوت الباب يدق قال لابنه شوف من بالباب قام الابن فتح الباب وجد رجل بسيارة يقول ابوك موجود ي شاطر رد الولد ايه ي عمى ابوى يتغدى قاله قوله كلم واحد يريدك دخل الولد وخبر الشيخ قام الشيخ يشوف من الرجل وجده احد المعارف رجل معروف من قبيلة اخرى السلام عليكم عليكم السلام تفضل ي حاج فلان تغدى معاى وبعدها قول ماعندك رد الضيف فضلك الله ي شيخ فلان انا مستعجل اصل فى بنت مقبوض عليها فى قسم الشرطة متهمينها بسرقة عقد ذهب وحاولو يستجوبوها ويعرفو منها ان كانت هى السارقه او لا واصحاب العقد مصممين انه العقد عندها وهى ماهى راضيه تتكلم وضربوها وعذبوها وهى تبكى وتقول انا ما اتكلم الا لما تجيبولى عمى الشيخ فلان ما اتكلم الا مع الشيخ فلان قال الشيخ لحظة ي حاج فلان البس الجاكيت واجى معاك وراحو على قسم الشرطة اول ما دخل الشيخ جرت عليه البنت وهى تبكى وتقول الحقنى ي عمى فلان شوف ايش سوو فيه قال لها اهدى ي بنتى ما تخافى انا ما راح نتركك الا لما تروحى على بيتك اطمنى ي بنتى وطلع الشيخ يعرف المرحوم والد البنت اليتيمه طلب الشيخ من الظابط المحقق فى سرقة العقد انو يطلع مع البنت برا القسم شوى حتى يفهم منها الموضوع ويرجعها لهم و لانه الشيخ رجل معروف بصدقه وافق الظابط انها تخرج مع الشيخ وكانت البنت متزوجة جديد وكان زوجها معاها فى قسم الشرطة خرجت مع الشيخ هى وزوجها خذها الشيخ فى مكان بعيد من قسم الشرطة وقال لها قوليلى ي بنتى انتى صحيح سرقتى العقد او لا قالت نعم ي عمى الشيخ انا سرقت العقد قال ليش تسرقى ي بنتى قالت زوجى زوجى هو اللى قالى اسرق العقد من بيت الناس اللى اشتغل عندهم ولما رفضت هددنى انو يطلقنى وانت عارف ي عمى الشيخ انى يتيمه وما عندى غير امى المريضة وما لي احد يحمينى منه نظر الشيخ لزوج البنت المسكينه وقاله بالله هذا تصرف رجل انت ما تستحى ان زوجتك تنضرب وتتبهدل بهذا الشكل وانت واقف تتفرج عليها والتفت الشيخ للبنت وقال لها وين العقد ي بنتى قالت هو عندى ف البيت قال لها قولى لزوجك على مكانه خليه يجيبه لي حلا ودامك استنجدتى بيه ما تخافى ي بنتى ما فى حد راح يعرف انك سرقتى العقد وربى يعيننى انى انجيك من هذه المصيبة قالت البنت لزوجها على مكان العقد وراح جابه وعطاه للشيخ الشيخ حط العقد فى جيبه وقال للبنت يلا ي بنتى نرجعو للقسم بس مهما عملو فيك لا تعترفى ابدا وانا معك وراح ندافع عنك ما نتركك حتى تطلعى بريئة من هذه القضية لا تعترفى ي بنتى ابدا قالت حاضر ي عمى الشيخ ورجع بيها ع قسم الشرطة وقال للظابط والحاضرين البنت حكت معاى البنت بريئة من سرقة العقد انا اعرف البنت من زمان وكانت تشتغل فى بيتى عمرنا لا انا ولا زوجتى فقدنا اى شئ طول مدة شغلها عندنا .. مع انو عمرها البنت ما اشتغلت في بيت الشيخ ولا عمرها دخلت بيته ابدا المهم صرخت صاحبة العقد وقالت انا ما اتهم غيرها هى اللى اخت عقدى وصارة مشادة بين البنت وصاحبة العقد والبنت مسره ع الانكار مثل ما طلب منها الشيخ وتكلم الشيخ وقال لاصحاب العقد كم ثمن عقد زوجتك ي سيد قال زوج صاحبة العقد انو ثمنه اربعين الف جنيه قال لهم طيب تقبلو ثمن العقد وتخلو سبيل هالبنت اليتيمه اللى بهدلتوها انا راح اتبرع بثمن العقد حتى تتركو البنت لامها المريضة ما عندها غيرها هى اللى ترعاها وهى اللى تأكلها وتعالجها خلى عندكم رحمة وافقو اصحاب العقد بالعرض من الشيخ وراح الشيخ لبيته احضر اربعين الف وسلمهم لاصحاب العقد وقال لهم يلا تنازلو عن البلاغ وتطلع البنت من هنا حالا واخذو العقد وطلعت البنت والكل روح على بيته وبقى الشيخ فى حيرة من امر هذا العقد لزم يشوف حل حتى العقد يرجع لاصحابه وهو يرجعله المبلغ اللى دفعه صار الشيخ صاحى ما عرف ينام من التفكير فى هذا الموضوع كيف يخلص من العقد وكيف يوصل العقد لاهله وطول الليل والشيخ فى حيرة وما علم حتى زوجة بالموضوع واول ما طلع الصبح فطر وخرج على السوق وكان يوم جمعة جلس على كرسى قدام مكتبه والعقد فى جيبه وكان فى حيرة من امره جاه واحد صديقه اسمه عبد الرازق سلم عليه وقاله ايش فيك ي اخوى شكلك مهموم قال الشيخ ما فى شى بس ما رقدت امس ما جانى نوم حاس انى نريد نرقد بس نصلو ظهر الجمعة ونروح على البيت نرتاح شوى .. فى هذه اللحظة مر الشيخ احمد شيخ المسجد عشان يخطب ويصلى بالناس ظهر الجمعة قال الشيخ فلان تعرف هذا الرجل اللى ماشى يم المسجد ي عبد الرازق قال لا ما اعرفه قاله هذا شيخ المسجد اللى راح يخطب ويصلى بينا اليوم ي عبد الرازق بدى منك خدمه ي خوى قال عبد الرازق تفضل ي خوى انا تحت امرك قاله الشيخ تاخذ الشنطة الصغيرة هذى وعطيها لشيخ المسجد وقوله انك رجل غريب من المدينه الفلانية وانك وانت ماشى فى المكان الفلانى امس فى الليل لقيت هذه الشنطة الصخغيرة فى زقاق ضيق جنب المساكن الحمره وقوله انك ما تعرف حد هنا وانك مسافر على مدينتك الان وبعد ما ياخذ منك العقد ما تجى يمى روح بعيد عنى قال عبد الرازق ماشى الحال ي خوى وراح عبد الرازق وعمل مثل ما قاله صديقه شيخ القبيله اخذ شيخ المسجد الشنطه الصغيره ودخل المسجد ودخلو المصليين و كان ضمنهم كان الشيخ فلان وبداء الشيخ احمد يخطب خطبة الجمعة واقام الصلاة وبعد ما انتهت الصلاة قال ي عباد الله جانى اليوم رجل غريب جايب لى امانة ذهب حريمى اللى مضيعها يقولى ايش هى ويتفضل ياخذها نادا مرا اثنين ثلاث ما حد قال لي وطلعو الناس من المسجد قام الشيخ فلان واقترب من شيخ المسجد وقاله ما حد عرف الامانه اللى معاك ي شيخ احمد رد شيخ المسجد وقاله لا والله ي شيخ فلان ما حد قال لي قال الشيخ فلان ويش راح تسوى فيه ي شيخ احمد قال راح اسلمه لقسم الشرطه وكان كل هم الشيخ فلان ان العقد يصل لاهله راح شيخ المسجد وسلم العقد فى قسم الشرطةوارسل الظابط لاحضار اصحاب العقد والبنت اليتيمه وصار الشيخ فلان يراقب الموضوع بأهتمام راحت البنت اليتيمه كلمت الشيخ فلان الحقنى ي عمى الشيخ الظابط طلبنى مرا ثانية وراح الشيخ فلان على قسم الشرطة وقال للظابط ليش طلبتو البنت مش الموضوع انتهى خلاص قال الظابط احنا لقينا العقد ي شيخ فلان قال وين لقيتوه قال الشيخ احمد شيخ المسجد جابه لنا قاله طيب ليش طلبتو البنت قال لازم نحققو معاها ثانى قال الشيخ فلان وايش ذنب البنت شوفو الشيخ احمد منين جابه وقال لاصحاب العقد انتو لقيتو عقدكم خلاص يلا تنازلو عن البلاغ ضد البنت وخليها تروح قبل ما انا نطلع من القسم وتنازلو اصحاب العقد عن البلاغ وخرجت البنت برأة وقال الشيخ فلان لاصحاب العقد انتو رجعلكم عقدكم قالو ايوا ي شيخ فلان خذنا عقدنا خلاص قال لهم طيب عطونى الاربعين الف جنيه بتوعى والان قدام الضابط وكل الحاضرين وراح الرجل صاحب العقد مع العسكرى واحضر الاربعين الف من بيته للشيخ فلان و نجت البنت من السجن واخذ الشيخ الاربعين الف بتوعه وكل صاحب حق خذ حقه وانتهت القصة هذه القصة واقعية وبقلمى ل همسات الغلا .................................................. ..................................... والمفاجأة انو هذا الرجل الخير الشيخ فلان هو نفسه ابو اختكم شروق الله يعطيه الصحة وطول العمر قولو امين

الموضوع الأصلي: اليتيمه قصة قصيرة من واقعنا بقلمى لهمسات الغلا || الكاتب: مـــصــريــه || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

hgdjdli rwm rwdvm lk ,hrukh frgln gilshj hgygh H, hgdjdli hgygh frgld ,hrukh rwm