07-09-2014, 07:39 PM
|
|
|
المواني تنتظر لحظة وصول
كنت تقدر قبل ماتمشي تقول :
[ إنتهينا ] أو تلمّح للرحيل
كنت تقدر قبل تبدا بالهطول
تهمس بْـ إذني : ترى غيمي بخيل
ماتخلّيني على رفّ : الذهول
بين [ ليه ] وبين [ لا لا مستحيل ]
المواني تنتظر لحظة وصول
والأماني صبحَها من غير ليل
لو صعود الجرح .. قابل للنزول
سال في قلب المعنّى : سلسبيل
شف زلازل غيبتِك يابن الأصول
هدّت بْـ صرح المشاعر ألف حيل
في زوايا غرفتي ألمَح : نحول
حتى شبّاك الفَرَح بعدك : هزيـل
قبل تمشي قول عذرك لو يطول
ياخي إكذب .. بال صاحبتك طويل
كلّ كذبة مِنْك تستدعي القبول
لو تقول إنّ المربّع : مستطيل :/
ياعديم الحِس .. إسمح لي أجول
في براح الجرح لو من غير خيل
خلّني بين المحاجر والفصول
فصل خامس .. دمعته عيّت تسيل
|
|
hgl,hkd jkj/v gp/m ,w,g Ngvpdg lhjlad H, jgl~p fr]v jr,g:F Ykjidkh rfg ;kj
لا إِلَهَ إِلَّا أَنْتَ سُبْحَانَكَ. إِنِّي كُنتُ مِنَ الظَّالِمِينَ
ربي مايحرمني منك ياميورتي
|
