02-07-2014, 10:13 AM
|
|
|
ياماجد الياس صار اقرب من اهدابي
يا ماجد الياس صار">اقرب من اهدابـي
و اشوفه احيان واقف لي على بابي
و الله لو ان الهموم اصحاب يا ماجد
كان اكثر اصحاب بالدنيا هم .. اصحابي
من زود صدمات عمري صرت ما أشره
اضيق .. و ارضى .. و لحد ٍ يسمع عتابي
يا ماجد الناس تنسى .. و الالــم يـوفي
والطيب جمر ٍ ضويته و احرق اعصابي
ماني ضعيف اشتكي من هيــّـن الضيقه
عز الله اني صبـور و ربي .. ادرا بي
الصبر بيــر ٍ رواني .. لين يبــّـسـته
يا كم ّ اجي له و انوّخ عنده إركابي
يا ماجد ان مــت ّ ..؟ غيري مات .. لكنـّـي ..
اخاف محد ٍ يحس ّإن مت ّ .. بغيابي
و انا .. و رب الأنـــا ماقصــّـر بفزعـه
و ان زلــّـوا اصحاب ..!! .. قلت : اصحابي اصحابي
و ان ماظهر خير منـّـي .. ما ظهر شرّي
و اتعب و لاقول للعالم .. وش اتعابي
من صغري الصمت .. يطربني .. و اغنـّـي به
شف عاد صمت الطفوله ويش سوّا بي
كبرت وشفت الهموم تزيد .. مع كبري
و عرفت .. سر الحزن .. بعيون شيــّـابي
يا ماجد ان مــت ّ و الا صابني صايب
ابيك تاقف .. و تجمع حولك احبابي
اسألهم ان كنت ما استاهل .. محبتهم
او اني قد خنت هقوة .. من تهقوا بي
و تعرف ليه إن لفيتك .. ساكت و سارح
اني مجــرّد .. هموم ٍ .. تلبس ثيابي
حتى القصيد ان بديته .. قمت أهيجن به
و اليا انتهيت .. اشطبه .. و اكذّب اعجابي
و اقول ما للقصيد الا يذكــّـرني ..
.. بالهم ّ .. و الهمّ خله داخل كتابي
يا ماجد الوقت .. طفل ٍ يكسر الخاطر
خلــّـك على ضحكته .. أقسى من أعرابـي
يا ماجد ان مت ّ .. شف كم .. ( هم ّ ) فاقدني
هو فيه غير .. الهمـووم .. يحس ّ بغيــابي ..!
dhlh[] hgdhs whv hrvf lk hi]hfd H, hgohw hi]hfd hrvf dhlh[] whv
|
