السلام عليكم ورحمة الله وبركاته .....
سامحوني هذا اذا كنتم سمعتم فيني بهالمنتدى ...
بمــآ إن لي خبره واسعه في الإمتحانات(بدينا بالتفلسف) لا صج بس يا شباب انا لي نصايح لكل واحد/وحده داخل ع الامتحانات و انا جربتها و فادتني و أهديها لكم عشان النفع يعم ع الجميع..
1.اقعد في مكان مافيه جهال يعني بالعربي((صرفهم ولا خل العجوز تقضبهم))
2.خل عندك اوراق طباعه A4 (الظاهر جذيه اسمها) عشان تلخص عليها و عشان شي ثاني اقول بعدين
3.لا جيت تدرس ركز على ماده وحده و اذا كانت الماده من اكثر من كتاب مثل العربي ركز ع كتاب واحد
4. لا تسوي فيها عبقرينو و تقول بختم المناهج بيوم واحد لان بهالطريقه عفست أم الطبخه
5.تكفى لا يكون تلفونك عندك لان بتجيك حاله راح تشغل اغاني سخييفه و تسمعها(صارت فيني)
6.على طاري اوراق A4 لا بغيت تحفظ لا تسوي فيها مثل طلبة الابتدائي تقعد تحرك جسمك جدام وورا و تقول (المكونات الخلطيه هي ...إلخ) لا يا قلبو هالكلام ع قولت المصريين(دئه أديمه) الله لا يهينكم امسكو قلم و ورقه و انتم تحفظون عينكم ع الكلام و تكلمو و انتم تحفظوون و اكتبو بنفس الوقت على ورقه بهالطريقه حواسك الخمس كلها تشتغل يعني [الحفظ اسرع و الوقت يزيد للمراجعه]
7.الي يسوي فيها شاطر و يقول (انا بواصل اليوم كله و اروح الامتحان سهران ) اقوله من اللحين اخذ دور ثاني لانه هالطريقه غلط يا انك ترد من البيت و تدرس او ترد و تنام و تقوم 12 الليل عشان تدرس و تروح شبعان نوم.
8.طبعن لحد يسوي فيها شريف روما و يقول ما اغش 
((كلنا نتلفت مرات حتى الشطار)) طبعن غلط لكن الدنيا بدها هيك فلا تعتمد ع اللجنه يا قلبي لان يمكن بيوم يحطون لك استاذ مفهييي و ما يدري شالطبخه و يوم يحطون لك رئيس قسم الاسلاميه((طق اصبع)) 
9.الي يقولك لا تراجع قبل الامتحان بدقيقه هذا ما يدري شالطبخه انا اقولك راجع بس ها مو اي شي لا راجع الخرايط و الرسمات بس .
10.هالنصيحه عشان لا دخلت لجنة الاختبار((حاول تكسر خاطر المدرس الي واقف عليك)) و اذا قالك من غشنا فليس منا قوله ((من راقب الناس مات هماً))
أتمنى أفدتكم في هذه النصائح اللولبيه<~خير ان شاء الله 
الي ما يبي يحط رد كيفه اهم شي يستفيد مو يسمع من اذن و يطلع من الثانيه.
بعدين صج شهالعنصريه حاطين نادي اي سي ميلانو و مو حاطين البرشا؟؟ يالله لنا الله...
kwJJNzJJp ggJJlrJfJJgdk ugn hgYljphkhj>>!!??(lil)>>
