النازف راح يخطب عرووس

النازف راح يخطب عرووس

تعالوا نشوف قصة النازف لما راح يخطب كان النازف مرتبط بموعد مع العروس وأهلها ليتقدم إليها ولكنه لم يشأ إغلاق المنتدى لمدة ساعة هى مدة اللقاء مع الأهل فأخذ اللابتوب معه وشحنه على آخره وتابع الردود على الأعضاء فى صفحة الشكاوي وهذا مديرنا ماشاء الله عليه وهو فى طريقه للمنزل راكبا التاكسى بمجرد وصوله إلى العروس سأل عن أقرب فيشة كهرباء لأن الشحن شارف على الإنتهاء والد العروس: أهلا يابنى ... ....إزيك !! النازف(وهو مشغول بلوحة مفاتيح اللابتوب): أهلا بيك يا عمى ..... أنا يشرفنى إنى أطلب إيد بنتك .....موافق ولا لأ؟!!!! تبادل كلا من والد العروس ووالدتها وأخيها نظرات الدهشة والد العروس(مستغربا): حضرتك بتكلمنى ولا بتكلم حد على الإنترنت النازف(مازال منشغلا بلوحة المفاتيح): لا يا عمى أنا بكلمك أنت هو معقوله أتكلم مع حد غيرك وأنا قدام حضرتك!!! والدة العروس: طب يابنى طالما بتكلمنا بصلنا طيب النازف (لم يرفع عينه ويديه من على جهازه):ليه يا حاجة هو أنا هتكلم بعينى ولا ببقى؟!!!! إقترب الولد الصغير(8سنوات) من العريس مبهورا بالابتوب(الجهاز المحمول) وهو يقول الصبى: عمو .....هو الجهاز ده فيه ألعاب كتير زى الأتارى الى عندى؟!! النازف (مازال منشغلا بجهازه): أيوه يا حبيبى وأحلى من الى عندك كمان الصبى: طيب ممكن ألعب شويه .. ...عشان خاطرى يا عمو (هنا فقط رفع العريس عينه من على جهازه لأول مرة وتوقف عن الكتابة وهو يوشوش فى أذن الصبى) النازف لو خليت أبوك يوافق عليا هلعبك كتير قوى طار الصبى فرحا وهو يقول بابا بابا أنا موافق إن عمو يتجوز أختى الكبيرة أبلة مها!!!!!! ثم إلتفت إلى النازف وهو يقول ألف مبروك يا عمو! الوالد(صارخا): أمشى ياد خش ذاكر . .... مبقاش إلا إنت يا أبو ريالة الى هتوافق ومتوافقشى (مشى الولد باكيا ولم يهتم به النازف وقد عاد إلى جهازه منشغلا) الوالد: أنت يا حبيبى أنت كمان .....أنت إيه حكايتك ؟ النازف: حكاية إيه يا عمى .....أنا معنديش حكايات إنت عندك؟!!! الوالد(بضجر): إنت جاى تهزر (لم يعره النازف أى إهتمام وقد ظهر مشغولا بموضوع ما على جهازه) فإقتربت الأم من الوالد وتكلمت هامسه الأم: إلا قولى يا حاج .....هو الجدع ده بيعمل إيه على البتاع الى معاه ده .... .وإزاى بيكلمنا وهو بيحرك إديه الإثنين على الزراير دى كلها؟ الوالد: والله معرفشى يا تفيدة..... يظهر والله أعلم إنه بيكتب الكلام الى بيقوله لنا فيطلع من بقه!!!!!!! الأم: يا ندامتى !!!..... معقوله دى يا حاج ؟!! الأب:طبعا يا تفيدة معقوله ماهو إحنا فى عصر التكنولوبيا!!! إنتى مش شفتى إزاى كان ملهوف على أى فيشة كهرباء أول ما جيه لأن الشحن بتاع الكلام بتاعه كان هيخلص! الأم: يا خويا الى يعيش ياما يشوف!!! على كده يا حاج لو النور قطع هيبقى أخرس؟ الأم: طب يا خويا لازم لو وافقت عليه نشترى للبت كرتونة حجارة قلم عشان تبقى عاملة حسابها فى أى وقت!!! الأب(صارخا): هو أنا معقوله أوافق على الآلة دى .....ليه من قلة الرجالة يعنى النازف: حضرتك بتكلمنى يا عمى الأب: لا يا حبيبى أنا بكلم تفيدة النازف تفيده مين ؟ (دخلت العروسة فى هذه اللحظة مكسوفة وهى تنظر إلى الأرض وبيدها أكواب العصير ولكنها لم تلاحظ فيشة الكهرباء فإنقلبت على وجهها أرضا وإنفصلت الفيشة ) النازف(صارخا): إيه الى هببتيه ده .....إنتى إزاى تفصلى الجهاز الأم(بصوت خافت): يا حلاوة .....أهو بيتكلم من غير كهربا أهو يا حاج الأب(بصوت خافت): ماهو كان شحن على الآخر يا تفيده .....افهمى بقى ثم إلتفت إلى النازف قائلا الوالد: إيه يابنى قلة الذوق دى انت بتصرخ فى عروستك وانت جاى تتقدملها؟!! ده بدل ما تساعدها إنها تقوم وتودها بكلمتين بعد ما فيشتك الهباب دى وقعتها النازف: يعنى أساعدها تقوم ولا ألحق أشغل الجهاز عشان المنتدى ما يتعطلشى؟!! الأب: ده جيل إيه ده.....هو جاى لينا منين ده! العروسة: من النت يا بابا.....من النت الأم: الله يقطع النت والى شغالين فى النت ! يا رب تيجى عاصفة تسومانى على النت والى فيه!!!!! الأب:ممكن بقى يابنى تقفل المخروب ده وتكلمنا شوية النازف: خلاص يا عمى المساعد بتاعى جه بدالى دلوقتى إلتفت الجميع حولهم يبحثون عن ذلك المساعد فضحك الموديراتور النازف (ضاحكا): لا يا جماعة أنا اقصد إن المساعد بتاعى أخذ مكانى اقصد الاصيله جت فى الشغل دلوقتى يعنى أنا دلوقتى جاهز لأى إستفسار لمدة ربع ساعة الأب: لا حول ولا قوة إلا بالله .....طيب يابنى طالما مش فاضى ليه حددت المعاد ده مش كنت تحدد معاد تكون فاضى فيه النازف: يا عمى خير البر عاجله الأب: طيب..... إحنا لسه متعرفناش بإسمك ولا شغلتك ولا سنك ولا شهادتك ولا أى حاجة خالص! النازف: أنا اسمى موديراتور ...ده الإسم المستعار! قامت الأم تحوم حول النازف وتنظر إلى يديه تبحث عن شىء ما ثم مسكت يده فجأة وهى تقول ممكن تشمر إيدك يا عريس الهنا النازف(وهو يشمر): ليه ياحاجة إنتى هطعمينى!!! أنا إطعمت قبل ما آجى عندكوا الأب:ليه قالولك إننا عندنا كوليرا !!! النازف: لا يا عمى أصل أنا قاعد ليل نهار فى غرفتى المكيفة الصحية فلما بروح أى داهيه تانية لازم أطعّم الأب(بصوت منخفض): داهيه لما تخدك يا شيخ!!! صرخت الأم( وهى تمسك بيده اليمين وترفعها عاليا): يعنى مافيش صليب أمال إيه موديراتور ده؟ انت يهودى؟ ضحكت العروسة وهى تقول: لا يا ماما ده النيك نيم بتاعه الأم: ال إيه يا ضنايا؟‍‍! النازف خلاص يا جماعة .....أنا إسمى النازف وعندى30 سنة يعنى تأبيده!!! معايا شهادات كتيرة لو قلتها لكم كلها يبقى هنقعد يومين فبلاش أحسن وشغلتى مدير عاام على منتدى للفقر حشمه نظر الأب إلىالنازف وملابسه البسيطة غير المتناسقة وهو يقول سيماهم على وجوههم‍‍‍‍!!!‍‍‍‍ العروسة(مبتسمة): بجد أنت مدير بتاع الفقر حشمه ..... ده أنا مشتركة فيه من 5 شهور النازف: ما شاء الله....بس إنتى مش ملتزمة بقوانين المنتدى ولابسة كويس وعايشة فى عيشة آخر أبهة العروسة: أنا عملت كده عشان عارفة إن فيه عريس جاى يخطبنى الأب: أنت يابنى عاوزها تلبس إيه .....هدوم مقطعة النازف: لا يا عمى خلاص مش مهم لما أبقى أتجوزها أبقى أقطع لها هدومها‍‍‍‍‍‍! الأب: ومين قالك إنى وافقت عليك أصلا العروسة: ومتوافقشى ليه يا بابا ده حتى الموديراتور أكيد هيخلينى مميزة فى المنتدى مش كده برضه يا موديراتور النازف: طبعا وهعينك مشرفة على قسم لوحدك العروسة(بسعادة): بجد..... هتعينى مشرفة على قسم لوحدى النازف: طبعا وهديكى أسهل وأحسن قسم فى المنتدى العروسة(فرحانة): هييييه .....هتدينى قسم إيه ؟ النازف: الشكاوى!!! العروسة (صارخة): لا أرجوك .....كله إلا الشكاوى هز النازف كتفيه وهو يقول خلاص نفتح قسم للوفيات وأعينك مشرفة عليه الأب: يا ترى خلصتوا ولا لسه نظر النازف فى ساعته وهو يقول: أنا فعلا وقتى قرب ينتهى لأن المساعده بتاعى عندها ميعاد مهم ولازم أدخل مكانها الأب: أنا مش موافق على الجوازه دى العروسة: ليه يا بابا ده انا..... قاطعها الأب صارخا : اخرصى يا بت إنتى وروحى ذاكرى لأخوكى خرجت العروسة باكية غاضبة بينما إلتفت الأب إلى النازف قائلا شوف يابنى .....لما تبقى تفضى للجواز إبقى تعالى إتجوز بنتى ..... لكن طول ما إنت فى الفقر حشمة ده مالكشى عرايس عندى فاهمنى النازف خلاص يا عمى براحتك .....بس إذا كان منتدى الفقر حشمة هو الى مزعلك أنا ممكن أسيبه الأب(فرحا): بجد يابنى .....طيب سيبه هو فعلا الى مزعلنى لو سيبته أنا هسيبلك بنتى بدون أى كلام شكره النازف ثم جاء إليه فى اليوم التالى ومعه نفس اللابتوب وهو يقول أنا سيبت الفقر حشمة من إمبارح و اشتركت في منتدى تانى اسمه **همسات الغلا** سقط الأب على الأرض ميتا وصرخت الأم وبكت العروسة وأخيها الصغير بينما جلس النازف فى غرفة الصالون يتابع منتداه الجديد تعليقاتكم يا حلوين و حلوات شو رايكم في مديرناا العزيز خربها وقعد على تلها ههههههههههههههههههههههههه وووووووو مديري لاتواخدني بس للفرفشه

الموضوع الأصلي: النازف راح يخطب عرووس || الكاتب: ليليان || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

hgkh.t vhp do'f uv,,s do'f vhp