النوري وسنتها الجديده / حلم

النوري وسنتها الجديده / حلم

السلام عليكم ورحمة الله وبركاته وعيدكم سعيد يارب مثل هاليوم ولدت النوري اختي الصغيره .. واليوم تدخل 16 سنه .. اتركتها امي وهي صغيره حيل .. بعزاها كانت تلعب مع الاطفال وماتدري ليش هالتجمعات من الحريم في بيتنا.. كانت تطالعنا كل اشوي وهي مستغربه ليش نبكي.. ولحظات وترجع تكمل لعب .. حسيت فيها انها محتاره .. بس ماسالتنا .. وحسيت انها ماتبي تقعد معنا . تبي بس تلعب وتلعب وبالاخر تنام . تحاول تبتعد عنا يمكن كانت فاهمه ليش نبكي بس ماسالتنا… واللي قاهرني انها للحين ماسالتنا وين امي ؟ على انها كبرت الا انها ماعمرها قالت وين امي واشلون ماتت ؟ ماتجرات بيوم وكلمتها عن امي .او فتحت موضوع عنها .. حاولت بس ماقدرت . هي تعرف امي وتعرف شكلها وكانت متعلقه فيها .. لكن احترت سكوتها… سكوتها عذبني .. بايام العزا جاتني تقول اخوي يبكي بالغرفه .. قلت ليش يبكي ؟.. سكتت وقالت عشان "ذيك الحرمه "!!! ذيك الحرمه ؟.. ماقالت امي .. قالت ذيك الحرمه .. رجعت وسالتها من ذيك الحرمه ؟.. قالت مادري وطلعت تلعب عرفتها بلحظتها انها حزينه بس كتمت حزنها .. صغيره وشلون عرفت تكتم حزنها ومرت السنين وهي تتحاشى سيرة امي .. ان تكلموا فيها ارخت راسها وسوت نفسها مو مهتمه .. يمكن انصدمت نفسياً هو اللي خلاها تتخذ سلوك النكران لامي .. وكبرت النوري وكانت فرحتي فيها .. هي جنتي وريحة امي .. هي غايتي بدنيتي وفرحتي وحزني.. هي بنتي اللي ماخلفتها .. بيوم واحد بكيت منها .. قريت لها برودكاست تذكر ان لها ام واحد ولن تتبدل او لها مثل بكيت بحرقه .. وانا وين رحت ؟. يمكن ماقدرت اعوضها .. بس انا اسوي المستحيل عشان اسعدها ... كل طلباتها مستجابه . ماخلي بنفسها بشي الا ويكون قدامها .. بس بالفعل الام ماتتعوض ابد .. بنت غنوجه ودلوعه .. شاطره بدراستها ودوم متفوقه .. فرحتي فيها باول يوم بدراستها وهي لابسه المريول وامشطلها شعرها .. احضر حفلات المدرسه واجتماع الامهات مع انها تخبي الدعوه عني ان في مجلس امهات .. يمكن لان ماتبيني احضر لاني اختها مو امها .. ومع ذالك ماترك اي مناسبه الا واحضرها .. قد ايش افرح لاسمعت اسمها من المتفوقات بالاذاعه وقد ايش انا فخوره فيها هي الان ثالث متوسط دعوتي ان الله يعطيني العمر وازفها انا بنفسي بعرسها . اليوم ميلاد النوري وابيكم تشاركوني فرحتي وتدعون لها ان الله يمدها بالصحه والعافيه والتفوق والسعاده طول حياتها .

الموضوع الأصلي: النوري وسنتها الجديده / حلم || الكاتب: حلم || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

hgk,vd ,skjih hg[]d]i L pgl hg,,v] plg