قبل الحضارة بداوة وكان للبداوة عشقها بقلم حبي الاكيد

قبل الحضارة بداوة وكان للبداوة عشقها بقلم حبي الاكيد

بقلم حبي الاكيد

قبل الحضارة بداوة وكان للبداوة عشقها بقلم حبي الاكيد


انا اشهد ان البدو حلوين حلوين وخفت الدم زودتهم حلاوة
ما حلى مرابعهم وذيك الطراوة

المهم يا احبابي تعرفون حالة البدو يتنقلون من وادي الى وادي وإذا قل عليهم العشب والماء يدورون
على ارض بها عشب وماء ونحن في ذلك الوقت بدو المهم سنةً من السنين ونسكن في اعلى وادي
تربة زهران وكان هناك اسماء لبعض الشعاب مثل غليل وذرق والكاحدين ههه وبعض الاسماء ناسيها
المهم نحن سكنا في منطقه قريبه من القرى المطرفه للوادي وكان اقرب بيت لواحد يدعى ابن كعمور وساكن
فيه واحد اسمه الغبيري وهذا الرجال عندة قطيع من الغنم وبقر ونحل والرجال احواله طيبه ولكن انه ما رضى
نزولنا بالقرب منه وما درى انها الضارة النافعه المهم وفي يوم من الايام والشايب ياخذ زوجة ولده و الولد
ما كان موجود وقررو ان يقومون بغسيل الغنم هو زوجة ولده وتركوا ثنتين من العجايز واثنين من الاطفال
في البيت والله ووحدة من العجايز تقوم تشب النار وكان قريب من موقع النار قماش والنار تولع في القماش
ويحاولنه يطفنه النار ولكن النار غلبت عليهن وتقوم واحدة وتشيل الاطفال وتخرج بينما الاخرى تأخرت بعض
الشي لمحاولة تطفيت النار ولكن ماقدرت وهي تلحق بخويتها اشراد تمنع وماخذنا وقت الا والدخان مغيم بالوادي
والله ونخرج من خيامنا نشوف مصدر الدخان من وين الا وهو من بيت ابن كعمور والي ساكن في قبالنا يغسل
في غنمه هو وزوجة ولده والله واصيح فيه ياغبيري ياغبيري وهو يجيب هاه وش تبي قلت له بيتك انحرق
وزوجة الولد تصيح يااااعيالي عياااالاه والله ونحضر لموقع الحريق ونجي والعجايز خرجو معاهم الاولاد وسليمين
ولله الحمد لفا علينا بعض العربان وحاولنا نطفي النار ولكن النار اشتعلت في الخشب حيث ان البيت مبني بحجر
وطين قالو بلغو الدفاع المدني وين الدفاع يبعد عن الموقع تقريباً ثلاثين كيلو متر وهناك طلوع وماتظهر السيارة
الا بلواحد والثاني المهم اختلف الراي عند تبليغ الدفاع المدني واحد يقول بلغو والثاني يقول لا لاتبلغون وماتقرر
الرأي الا والنار اكلت نصف البيت والله وخويكم راعي الفزعات صغير القوم خادمها واركب سيارتي وطيران
لدفاع المدني ووصل المركزك وافكر اني بتقابل مع الماسؤلين ويوم وصلت عند الحارس ويسالني وش عندك قلت
والله فيه حريق و ودي ابلغ عنه قال طيب والرجال يدق جرس من عنده والا العساكر يتطامرون على ظهور سياراتهم
ويشغلون قالو لي اركب قلت لا باخذ سيارتي قلو لي لا اترك سيارتك هنا بعدين نردك لها والله واطمر معاهم على
ظهر الاطفاء صاحب البيت شغال معاهم بس مادرى وما راح معانا جلس في المركز ويوم مشينا شوي قالو وين الحريق
قلت ياربع في بيت واحد اسمه ابن كعمور وهم يتضاحون قالوا ياليتك علمتنا من اول الرجال خليناه ورانا في المركز
لو علمتنا اخذناه يشوف النار وهي تشب في بيته والله وش ادراني انا والله ونجي نازلنين من ذيك العقاب دحادير
تقطع الظهر والونانات شغاله أأأأأأأأأن ياو ياو ياو هههههه ويوم نزلنا الوادي والا دوي ذاك الصوت الي خلى
الارض ترتج من قوته كان الوايت قدامنا ونحن مجموعه على ظهر الاطفاء وخلفنا جيب الشرطة وصاحب الوايت
يوقف وينزل وش صار عليكم ياربع قلنا ما صار شي الصوت الظاهر عندك في الوايت قال لا مو عندي هو يفكر
مصدر الصوت من عندنا ونحن نفكرة من عندة اثاري مصدر الصوت في الجو وعم المنطقة كلها وشوي الا
وورانا ازود من ثلاثه الاف سيارة ما فيها الا وايت واحد والبقيه كلها هيلقسات والله ويوم وصلنا موقع الحريق
ونوقف ورجل الشرطه ينزل يبغى يشوف وش عند هالخليقه كلهم ويوم جاء والا الربع الي جايب بندقيته والي جاييب
سيفه والي جنبيته والي ماعندة جاب مشعاب والي حاط له كم حجر بصندوق سيارته قال لهم الشرطي وش فيكم
وش ها لاسلحة جايبينها قالو والله سمعنا صوت الونانات وسمعنا صوت انفجار قلنا ممكن انها حرب قامت وجينا
فازعين قال العسكري وهو يضحك تطمنوا ما فيه الا العوافي ما ولا حرب مافيه الا خشبتين انحرقت والله وهم
يرجعون من طريقهم الا صاحب الوايت قالو له الدفاع المدني رح جبلنا مويه اللي عندنا ماتكفي والله ويروح
يجيب تقريباً ستة ردود يا الله انها طفت الحريق عاد البيت كان مليان بأرزاق ربي و انحرقت كلها المهم يوم خلصنا
وارجع مع ربعي حتى وصلوني لسيارتي واخذ سيارتي واصدر للبيت من الصباح جوعان وضامي وحالتي حاله
قال الوالد الله يطول لي بعمرة مشينا وين قال نبي برحرح ليش قال جارنا انحرق كل ما يملك وش تبيهم ينامون
بدون لا فراش ولا لباس وش يقلون عنا الناس اثاري الوالد مغديهم على ذبيحه انا مادريت المهم قال مشينا
والله ونروح لبرحرح ونقضي لهم فراش ومواد غذائية وبعض الاواني المنزليه المهم اننا حملنا السيارة وما
وصلنا هم على على صلاة المغرب قال الوالد هذي فزعتكم من عندي رحبو فيها واخذوها وهي تسير صداقه
بيننا وبينهم حتى تركنا البداوة وهذي سالفتي سردتها لكم وسلامتكم
|

الموضوع الأصلي: قبل الحضارة بداوة وكان للبداوة عشقها بقلم حبي الاكيد || الكاتب: حبي الاكيد || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

rfg hgpqhvm f]h,m ,;hk ggf]h,m uarih frgl pfd hgh;d] hgh;d] hgpqhvm j[h,f frgl pfd uarih ,;hk