11-05-2021, 08:59 PM
|
#7
|
|
بيانات اضافيه [
+
]
|
|
رقم العضوية : 9170
|
|
تاريخ التسجيل : 24 - 4 - 2020
|
|
أخر زيارة : 28-06-2023 (02:28 AM)
|
|
المشاركات :
5,231 [
+
] |
|
التقييم : 556718973
|
|
الجنس ~
|
|
|
لوني المفضل : Gold
|
|
اقتباس:
| |
المشاركة الأصلية كتبت بواسطة غموض إنسان
لا تقتل المتعه يااااا مسلم هههههه
خل كل واحد يقصد على ككيفه
اترك كل شاعر ينثر ٱهاته ههههه
يمكن من تأثير الحب
ماتدري هو يمدح و الا يسب حبيبته
|
|
لميح تفهمها وهي من فوق السحب تعجبني
خذي هذي القصه وسع صدرك عليها ومن يقراء
مكعيل رجل بسيط يماني من صعده
مكعيل هذا رجل بسيط يماني من صعده .. يقال انه من يهود اليمن ..
الناس هناك مسوين بسطات حول التجمعات والجوامع ويبيعون فيها خردوات وحاجات وسلع متنوعة وبسيطة
السيد مكعيل صف معاهم وحط بسطة مافيها شي .. فقط علبتين مليانه تراب "قواطي متربه" ..!
الناس تروح وتجي وتبيع وتشتيري وذا المهبول كل يوم قاعد قدام هذة العلب ..
لا هو راضي يغير النشاط ولا احد حاول يشتري منه شي ..
في يوم من الأيام جا احد المحسنين .. وعطف عليه ،
قال له : مكعيل .. وش تبيع ؟
قال : علب "قواطي" قديمة ..
قال المحسن : وش فيها ؟ قال مكعيل : تراب ..!!
الصدق منجاة .. عطاه اياه على بلاطه .. يقول : فيها تراب
يعني بالعقل .. العلب من الشارع والتراب بالشارع .
اندهش المحسن ..!
قال : طيب اللي يشتريها وش يستفيد ؟
قال مكعيل : هذا بيع وشراء ، اذا تشتريها بعها ، ولو ما حد شراها منك انا اشتريها ..!
استغرب اكثر المحسن وقال : والله هالمسيكين "شكله منسم" ( انا ما أدري وش معنى منسم ، بس اسمعها من الشباب ) وما عنده غير هالعلبتين ..
ابي اتقرب الى الله وافك عقدته واشتريها منه وخلصنا .. والصدقة تجوز على الكلب..
قال له : بكم هالعلبتين اللي لها سنة عندك ما حد شراها ؟
قال مكعيل : الوحده بريال ..
قال المحسن وهذي ريالين .. يالله هاتهم ..
اخذها وراح البيت ونطلها يمين الباب قبل لا يدخل بيته ..
وتوه ما قعد والا الباب يطق : طقطق طق .. طقطق طق .. كع كع كع .. دجدج دج .
بغى ينكسر الباب .. قام الرجال مفزوع وفتح الباب بسرعة .. واذا مكعيل واقف ومعه حصاة بغى يهبد بها الباب لو ما فتح ...
قال المحسن : شفيك .. شفيك .. خير . عسى ما شر .. مالك يا مكعييييييل ؟؟؟!
قال مكعيل : العلب اللي شريتها مني ... ، قال المحسن : شفيها ؟
قال مكعيل : عندك ؟
ناظر المحسن يسار الباب .. شافها منطولة.. قال : ايه .. موجودة
قال مكعيل : تبيعها ؟
اندهش المحسن وفغر فاه .. قال : انا الحين مسوي فيك خير ومخلصك منها ..
تجي تشتريها ثانية والله ما تلقى احد ياخذها منك بعدي ..
قال مكعيل : اخلص علي .. ابعطيك فيها ربح بس تكفى بعني اياها .
قال المحسن : وبكم تشتريها ؟
قال مكعيل : بخمسة ريال ..!!!
جن جنون المحسن : وقال يعني دبل السعر وزيادة ..
قال : نعم واذا تبي زود عطيتك بس تكفى جبهم لي ..
قال : المحسن : لا لا كذا كفاية تفضل هاذي العلب لقطهم من عند رجليك وهات الخمسة ..
حط الخمسة بجيبة ومكعيل اخذ العلبتين وروح ..
يوم جاء العصر والا هالرجال الطيب معلم جيرانه كلهم عن مكعيل وسوق مكعيل ..
قال لهم : مكعيل هذا يبيع قواطي واذا شريتها و ما حد شراها منك يجي هو بنفسه ويشتريها منك بدبل السعر ..
اندهش الجميع وبدأ سوق مكعيل يثير فضول الجميع حتى التجار الشطار ..
جاءوا عنده اليوم الثاني والا هو صاف له 20 قوطي ومعبيهم تراب ...
الناس تطاقوا عنده .. كل واحد يبي يلحق له اكبر كمية قبل غيره .
بكم يامكعيل ؟ قال : العلبة بخمسة ..!
ما كمل كلمته والا العالم ساحبين كل المعروض ..
اللي لحق علبتين واللي لحق علبه واللي ما لحق شي . المهم انتهى المعروض من على البسطة ...
وما امداهم يدخلون بيوتهم والا مكعيل يطق عليهم الباب : طقطق طق . دبدب دب .. دجدج دج
ويطلب منهم شراء القواطي بضعف قيمتها .. يعني العلبة بعشرة .. !!!!!
انتشر خبر مكعيل وسوقه ،
ويقوم مكعيل هاك الليلة ويدور بالديرة كلها ما خلى جرف ولا دحديره في قرية صعدة الا فتش فيها عن قواطي قديمة .. ادخلها بسطته بدون علاوة اصدار حتى ..
وعباها تراب وبسط فيها اليوم الثاني
صار اليوم هذا يوم جمعة.. يوم كثرة الناس واجتماعهم وتسوقهم ،
وهاليوم تحديدا جوا الناس وهم متزهبين بالكاش طمعا في سوق مكعيل .
اللي باع ماشيته والا باع بسطة القات اللي تدخل عليه ذهب واللي باع سراويله .
المهم كلهم وعقب صلاة الظهر اجتمعوا على بسطة مكعيل دون غيره وخلوا
السوق خاوي على عروشه ، ويا تلحق يا ما تلحق
وتكفى يا مكعيل ، وبكم يامكعيل ؟ : قال العلبة بـ 95ريال ..!!!!!!!!
ما كمل كلمتة والا البسطة باللي عليها ممسوحة مسح .. مكعيل يالله امداه يتلاحق على ............ بغوا يشيلونها مع القواطي يحسبونها علب ..!
عاد الاخوان هناك في صعده يقعد قدام بسطته القرفصاء ..
راز ركبة ، ورافع وزرته منحسرة عن فخوذه ومتدليه اطرافها على جنوبه وتعرف.. الناس ما تميز وقت الزحمة .
حتى اللي مالحق باقي مسوي زحمة ومطلع دراهم يبي يذبها على الرجال ..
وهو يقول : خلاص .. خلاااااص مافيش . مافيش .. تعالوا بكره .. وتجمعت الطلبات ولكن بدون عروض ..
وبعضهم زاود بعض في القواطي اللي عنده بعشرة وعشرين طمعا في تدبيلة مكعيل ..
عقب هالطقاق وراتفاع اسعار القواطي الفارغة او المليانة تراب الى ارقام فلكية وغير منطقية ...
جا اليوم الثاني والثالث والرابع ما جا مكعيل ..
طبعا كل يوم يتأخر عليهم .. تفقد من قيمتها شي واجد .. مدري كم تعادل بالنسبة ومن اللي يحط النسبة بس كانت ماشية بالبركة.
راحوا اصحاب القواطي عنده .. قالوا شفيك .. عسى ما شر ما عاد جيت البسطة ولا عاد شريت
ولا شريت .. ولا .. ولا شريت يعني ..!!!!!!!! عسى ما شر
قال : صحيح .. صحيح .. والله انا غيرت النشاط ...!!!!!!!!!
ولا عاد لي بها البضاعة مصلحة لكن اكيد بتلقون من يشتري منكم ..!!!!!!!!
صعق الجميع .. وعادوا الى قواطيهم لعلهم يجدون بداخلها ما يمنحهم شيء من الصبر
او يتعوضون به عن ما لحقهم من خسائر ..
فتحوها واذا هي مملوءة بالترااااااااااااب ... !!!!!!!!!!!!
فصار بعضهم يعرضها على بعض بنصف المشترى ..
وفي الاخير قالوا : يالله هات ، ويوم نشبت في حلوقهم عرضوها بنصف مشتراهم
وصارت هذة العلب مثل الجمرة في يد احدهم ، ويحاول يرميها على الثاني بأي شكل ،
وكل من بلش فيها عطاها غيره بنصف التكلفة الين تلاشت قيمتها وصارت ببلاش .. وصارت خساره محظه ..
المشكلة ان كلهم يوم فكروا لقوا انهم بلا عقول .. فأخذوا يتلاومون : وين عقولنا ؟!
عاد هذولي من جد يبي لهم من يأمر لهم بعقول ..
معقولة نشتري علبة مصدية وما فيها غير تراب بما يعادل قيمة بقرة حلوب ..؟!!!!!!!!
طيب هالحين حنا يوم شرينا الاسماك بـ 400 ريال .. او بيشه بـ 280 ريال او الباحة بـ 220 جينا نناظر السهم مالقينا في بطنه ولا تراب حتى ؟ وش السواة فيه ؟؟
يعني التراب ينفع للبناء مثلا .
وينك يا مكعيل تجي تشتري ما بعته علينا ولو بنصف التكلفة ..
ههههههههههههههه .. هذا حالنا مع سوقنا .. سوق مكعيل ..
عاد مكعيل هذا يهودي .. ولعبها صح . وحنا مسلمين .. ولكن على قولة الشاعر..
من بد صهيون بذتنا صهاينا .
السؤال اللي يمردغ نفسه : من هو اليهودي اللي وصلنا هالمواصيل ؟ هههههههههههههههههههههه.... شر البلية ما يضحك
|
|
|
[IMG]  [/IMG]
ليس كل من تعلم الحروف
اتقن الكلام الجميع يكتب
والقليل يقرأ والنادر يفهم
|
