بوح القافيه بقلمك...

مدري كيف الناس تصبر.. بالبعاد
وكيف يسلى القلب وتنام العيون

وربي في بعدك أحس اني بحداد
يعتليني الهم وآهات .... الشجون

‏نسمة هبوب الصبح من لطفها غير
ذعذاعها منعش .. وللنفس . راحه

الله يصبح .. من قرا النص بـ الخير
و ان ما قراه .. الله يسعد صباحه 👋🏻

وين الاقلام الي لها بالقلب .منزال
اشتاق لها شوق الفيافي .... للمطر

الي اليا نزفت رج الصدر...... زلزال
من غابت احس راقي الحرف. اندثر

سلام ياوقت بدت فيه دنياي
ذيك السنين اللي بها البال رايق
ماكنت احسب حساب لايم وحكاي
ومانمت ليلة والفؤاد متضايق
وماكنت اسولف عن ردى الحظ شكاي
وماكان عايقني عن الضحك عايق
بوحي

مازال نجم سهيل ساطع ...مازال
بين الكواكب يتحدى .....الخطر

يصعد اذا صعدو وينزل منزال
ماهمه اللي جاء ومن اللي يفر

بي عين مآستني وابي شيخ قراي
يبطل عمل السحر.. تلهب حرايق

عندي علوم واجد اذا اقبلتكم جاي
وتضيع في لحظه مثل البرايق

عذري وسموحي ياسامع شكواي
ان قصرت في سرد كل الحقايق

تمرني عجلات الأيام برضاي
ويسوقها عن لذة الوقت سايق
لذايذ عدت وانا اسابق خطاي
ماذقت حلوات الليالي الرقايق
ماكنت اظن اني بعود بممشاي
وتبين في عيني جميع الحقايق
بوحي