مات الهوى ............

مات الهوى ............

وقت العتب راح لاترجع تعاتبني
مات الوفا والبقا في راس وجداني..

ماني مثل ما انت خابرني وتحسبني
فلان الاول اصبح واحدا ثاني..

خلاص مات الهوى لاتهدم وتبني
تركتني لين جا النسيان ناداني..

العام ادوّر سبب منك يقربني
واليوم ادور سبب عشان تنساني..

بعثرتني في هواك اليوم رتبني
نسيتني الناس شفني صرت وحداني..

كان السهر في هواك اللي محببني
والحين حتى السهر يكبر على اجفاني..

اجيك يمحيني عتابي ويكتبني
مافيه طاري عتب يمر ماجاني..

وارجع وانا اقول: وش للجرح جايبني
ادري بجرحك ولا ادري ويش وداني!!

عن صدق الاحلام جا الواقع وكذبني
وعن فرح الايام جا حبك وبكاني..

مليت اشيل الامل والدمع يغلبني
واقول بكره يجي للشوق يلقاني..

ويروح بكره واجي والوقت قالبني
وارجع على وحدتي واحزاني .. احزاني

بكيتك العمر كله يامعذبني
وشفيك ماتبكي الليله على شاني..

كتبت ماهو عشان تقول عاجبني
مليت من جزله وصح الله لساني..

انا وطن شعر لو شعري مغربني
كتبت اجمل جروحي لجل تقراني..

خلاص لاتتعب وترجع تعاتبني
انا نسيتك دخيل جروحك انساني..

الموضوع الأصلي: مات الهوى ............ || الكاتب: الفرزدق || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

lhj hgi,n >>>>>>>>>>>>

صح السانك ولسان قايلها
وابيات جميله من شاعر كبير
تقبل مروري حبيب قلبي

ابيات عتب جميل وفيها عمق حزين من خلال الابيات الاولى

لاهنت يالفرزدق على النقل الحلو

صح لسانك ولسان شاعرها

السلام عليكم ورحمة الله وبركاته

صح السانك ولسان قايلها

ولا هنت ولا هانت يمناك الي تمتع القاري
والمستمع


وتحياتي لك ولقلمك المبدع

المشاركة الأصلية كتبت بواسطة فارس الهيلا صح السانك ولسان قايلها وابيات جميله من شاعر كبير تقبل مروري حبيب قلبي

الله يعزك ويسلمك ويخليييك

المشاركة الأصلية كتبت بواسطة اسير الاماني ابيات عتب جميل وفيها عمق حزين من خلال الابيات الاولى لاهنت يالفرزدق على النقل الحلو صح لسانك ولسان شاعرها

عزيز وغالي يالغالي

المشاركة الأصلية كتبت بواسطة ︶¯)الـﮯــ(ح)ــﮯـر(¯︶ السلام عليكم ورحمة الله وبركاته صح السانك ولسان قايلها ولا هنت ولا هانت يمناك الي تمتع القاري والمستمع وتحياتي لك ولقلمك المبدع

الله يعافيك ويعز مقدارك