حبيبي جاء ؟! ( لوحة شعرية )

حبيبي جاء ؟! ( لوحة شعرية )

حبيبي جـاء ! يالبيـه ياوقـت ٍ رحـل ويـاه
سلب فكري وخلاني سلـب هالقلـب وشعـوره

انا ادري ضامني وابعد ولكن هاجسـه صحـاه
مدامه جاء ! يأهلا ً وسهلا ً تسبـق حضـوره

عيوني بددي حزنـك ومنـي نظرتـك لقيـاه
تهني فلي احجاجـك خطـاك الهـم وشـروره

خفوقي فز من صمتك من سبات الشقـاء واالاه
بغيت وجاك ماتبغـى ليالـي الحـزن مقـدوره

وريدي زيد في ضخك ووسع للفـرح مجـراه
ونظف كل مافيض عليك الحـزن مـن جـوره

شعوري اطلق عنانك ولملم مـن سمـا ذكـراه
تغنى وانطرب وابـدع ودك الشعـر وبحـوره

تعالو يالبـدر يالليـل وهاتـو للسهـر رجـواه
تعبتـه مـرة ٍ افـرح ومـره العـن سـروره

تعالو نضٌبط الجلسه ابي مركـا علـى يسـراه
وهنا بجنبه مخدة ريش وهناك ورود منثـوره

ابي روض ٍ يمتعنا رضا عنه المطـر واسقـاه
وابي غصن الشجر يزها بخضر اوراق ممطوره

ابي مركا على يساري ويميني تحتضـن يمنـاه
ورمشي يحتضن رمشه ونظرة عيـن مقـروره

ابيه اقرب من انفاسـي وابيـه يلمنـي بشفـاه
ابي تغمرني انفاسه وتفيض بصدري عطـوره

ابـي لالمنـي اروى واحـن للمتـه واضمـاه
والمه لين يروا بي ويرضـي نـزوة غـروره

ابهمس له واسولف له عن اللـي ذقتـه بفرقـاه
وابشكي له واغني له واهد الفكر عـن طـوره

ابي غيـم ٍ الـى منـه هطـل هتانـه وخـلاه
فتح له فجـوه صغيـره تمـرر للقمـر نـوره

وابي ضـوء ٍ يسامرنـا يمتـع جونـا بدفـاه
سناه ينٌبش اهـات ٍ شكـت هالوقـت مقهـوره

وابي نشوة هواء ٍ هادي تداعب جيـده وتجفـاه
وعلى متن الهواء نسمة عبير ٍ فاحـت زهـوره

ابيـه يقـول لاجانـي وتـاه بناظـره لبـااااه
فديتك لعنبو الفلـه دخيلـك ماجمـل الصـوره

وفجاءه يختنق صوته بعبـرة ماضـي ٍ بكـاه
ويهمس دنيتي فبعدك علـى الاهـات مجبـوره

والى منه تعذر لي عن جروح ٍ غـزت ذكـراه
بحط ايدي على شفاته واقول الوقـت لـه دوره

فديت اللي خذا قلبـي وشتـت نبضتـه واشقـاه
فديت اللي ملك شوفي وفيـه العيـن مسحـوره

فديت اللي الى منـه طرالـي ماقـدرت انسـاه
بشوق يزورني طيفـه ودوم ٍ طيفـي يـزوره

رهيف ٍ فارع ٍ ضاهي رزين ٍ مكسبـه مجنـاه
ظريف ٍ بارع ٍ باهي جميـل ٍ بـازغ ٍ نـوره

بري ٍ مودم ٍ صافـي خلـوق ٍ يحكمـه مبـداه
جري ٍ مقدم ٍ وافي صـدوق ٍ راجـح ٍ شـوره

قسـم بالله ياقـدره كبيـر ولا حـد ٍ يـسـواه
وقسم بالله ياعينـه تسـاوي الوقـت ومهـوره

احبه وافـرح بحبـه وامـوت بخافقـه وافـداه
عشقته لعنبـو جـد الغـرام ونشـوة شعـوره

عسى الله لايغير لي غرام ٍ عشت بـه واحيـاه
وعسى الله لايفرقنا بعـد ماهمـت بحضـوره

الموضوع الأصلي: حبيبي جاء ؟! ( لوحة شعرية ) || الكاتب: رفيـ الشان ــع || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

pfdfd [hx ?! ( g,pm auvdm ) phg pfdfd auvdm

رفيع الشان
شِعرُكـ
كَـ قَطَراتِ غَيثٍ
أحْيا بـ خَيرِهـ يَبَاس الأرض
وأطرَبَ بـ قَافِهـ الكُلَّ لا البَعض

ما أجْمَلهُـ مِن شِعرٍ
تَرانِيمَهُـ عَلِقت فِي حَناجِرنا
ومَعانِيهـ استَقَرَّت فِي صُدُورِنَا

شُكرًا لكـ
وطَيَّبَ الله حالكـ
اعجاب

الشَّاعِر
رفيع الشان

رَاقَت لي قَصِيدَتكـ الرَّائعَة
بــ مَعَانِيهَا السَّاحِرَة
وقَافِهَا العَاطِرَة

صَحَّت أبْيَاتِكـ الخَلَّابَة
وطَابَت أمَاكِن
تَعطَّرت بـ حُروفِكـ الجَذَّابَة

رفيع الشان
.
.
.فيض الجمال
يصل لعمق الخيال
كلام واحرف تشبه الكمال
الجمال كله هاهنا ولا يفي
مفرداته من زمرد والماس
سلمت اخي
لك الاحترام والتقدير

رفيع الشأن

بوح جميل

وانفراده مميزه

راقت لي جدا تلك الابيات

ننتظر جديدك الكثير

المبدع
رفيع الشأن

سلم الله يمينك لهذا الطرح الراائع
نسجت لنا من خيوط الشعر ابيات جميله
تبهرنا في القراءه لطرحك الراقي
صح لسانك
ربي يسسعدك

.
.

حروفك جميله ومميزه
‏‎تسلم آناملك
‏‎سنبقى نترقب دومآ جديدك
‏‎لروحك باقة من الورد