عيششو دِنيـّـآكَم ولا يهمـكَ أحدَ .. الدنيإ فآإنيهَ .. كلإم دررَ

عيششو دِنيـّـآكَم ولا يهمـكَ أحدَ .. الدنيإ فآإنيهَ .. كلإم دررَ

السسـلآم عليكم ورحمة اللـه ..


صبـآحكم / مسـآئكم طـآعه ..

..

إلى كل من عنده هم يثقله
معطل حياته
كاره لأجله دنياه
أقوله وأقول لنفسي قبله

محد بالدنيا يستاهل !!
ولا شي بالدنيا يستاهل
الدنيا ماتساوي جناح بعوضه

انتم ومشاكلكم واحزانكم وافراحكم وبلاويييييكم كلهآ ما تساوي جناح بعوضه
محد يستاهل اصيح عشانه ولحد يستاهل احزن عشانه واوقف حياتي لعيونه
الدنيا ياجماعه فاانيه
يعني بيوم من الأيام بموت وبيحطوني بالقبر
وبنسأل
وش بقول
وش بقول ؟؟
انت يارب بليتني وانا كانت عندي بلاوي عشان كذا ماطعتك
يارب كانت عندي مشاكل وتعطلت حياتي وقعدت مثل الغبية اصيح عليها
ياجماعه الدنيا تمشي
وإذا في توقف
فهو احنا اللي واقفين
القو كل همومكم ورا ظهوركم وخلو شعاركم
محد بالدنيا يستاهل
الدنيا حقيييره ياجماعه
احتسـو كل بلاء عند رب العالمين
واحمدو ربكـم على كل نعمه انتم عايشينها
حنا في نعمه والله مو حاسين

الناس ..!!

الناس عاملوهم بذوق وإسلوب .. وزي ما علمتكم مآمتكم من يومكم صغآرين
سوو خير .. سوو خيييير ولا تنتظرون رد من احد
او اعتبار من احد .. اذا بتسوونه سووه لأنفسكم .. لكم إنتم عشان تعيشون مرتاحين
ما تنامون وتقولون زعلـ /ـت فلانـ/ـه وضايقـ/ـت فلانـ/ـه
وترا الدنيا دواره كما تدين تدان .. ربي ما ينسى ظلم !!

طنشو طنشو طنشو ..!!

فلانـ/ـه تـ/يـحش فيك فلانـ/ـه تـ/يتكلم فلانـ/ـه ما يـ/تحبك ..!!
خلوهم حلالهم .. هو احسن بعد خففت علي ذنوبي .. وعطتني من حسناتهم

تعلمـو التطنيش والبرود وتوقعـو انكم تنصدمون .. وكل ما انصدمتو بأحد كل ما صرتـو اقوى
كل ما صارت تجاربك وخبرتك الاجتماعيه أحسن وأحسن ..

رمـتــىا عليك كلمه .. عادي ولا كأنكم سمعتو .. ان دل يدل على قلة ذوقهم وتهذيبهم ..

كشرو بوجهكم .. ابتسمـو !!

واذا رفعـو صوتهـم .. وطو صوتكم .. !

واذا تجنبتك .. تجاهلـو وجودهم ...

"وترا ما طاح من النجوم اخف للسمـا "

دموعكم !!

دموعكم ومشاعركم تراها اهم واغلى شي عندنا احنا وهي الي تتحكم بنفسيتنا وأفعالنا..
حبـو أنفسكم حبـو أنفسكم حبـو أنفسكم ودلعوها ..!! عشان تعيشون مرتاحـين ...
خلـو قلوبـكم لكم .... حبـو الناس بعقولكم مو بقلوبكم عشان ترتاحون بحياتكم ..

نحبهم !! ليش نحبهم في الاخير الي يبوكنا وهم مصدر تعاستنا وحزننـا !!

صدقوني لو كانوا يستاهلون كان ما خلوكو تبكيون ولا تحزنون ولا تتضآيقون ..
ولا خلوا مجال دمعه وحده تنزل من عيونكم

العافيــه !!
كافي انكم تمشون وتحركون يدينكم ورجولكم
مافكرتو يوم تقولون الحمدلله !!
يارب اني أمشي مو أتسحب من كرسي لسرير وأشوف نظرات الشفقه تحرقني
احمدو ربكم على كل نعمه انتم فيها .. الحمدلله !!

المال ..!

تاكلون تشربون تشترون تتسوقون تلعبون بالفلوس بيدينكم ورجولكم عايشين بأمن وأمان
وتقولون يارب وش هالدنيا الغثا
فلانـ/ـه ضيقـ/ـت صدري وعلانـ/ـه سوىا/ت
أنا ما أبي الدنيا كرهت العالم ابي اموت !

مره وانا في السوق واحد وأمه اشكالهم جدن مبهذله و واقفين عند محل سينبون
ويطالعون بالحلى الي عارضينه وبس يتفرجون وطولوا وهم بس يطالعون فيه .. طلع الولد كل الي معاه والام طلعت الي معها
كله على بعضه ما جا 4 ريال !!!
تخيوا سأل الولد الي يبيع اذا فيه شي من السينبون الي عارضينه بأربع ريال قاله لاء يا دوب تشتري فيهم مويه
شفت في عينه نظرة انكسار وبوؤس مو طبيعيه لا هو ولا امه
شي يبكي ويعور القلب!!
احمدو ربكم عشان ما يسلب نعمته عنكم
وصلـو لكم ركعتين عشان ربي يرحمكم
ويرفع عنكم ضره
احمدو ربك على العافيه والله يآنآس اني كنت يوم من الأيام ضااايق صدري من موقف صار لي مع استاذة في الجامعه
وأنا أمشي كارهه الدنيا
وكان في قدامي ثنتين أشوفهم يتكلمون بس اللي لاحظته إن حركة إيدينهم كثيره ومو طبيعية !!
يوم قربت اكتشفت إنهم ثنتينهم
صم وبكم !!

ما يتكلمون

بنات صغار عمرهم اقل من عشرين والدنيا قدامهم مايتكلمون
محد يفهملهم
والله اني استحقرت همي ونفسي

قلت يارب انت انعمت علي انا كل يوم اتكلم مع أهلي
هُم مـآيقدرون
أنا إذا بغيت أصرخ صرخت
هُم مـآيقدرون
أنا أسولف مع صاحباتي والناس أضحك أبكي أنكت أتعرف على كل الناس أتكلم مع أمي أبوي
هُم مـآيقدرون
كل يوم لساني أحركه مليون مره وما عمري قلت الحمدلله ياربي إني أتكلم
إيش كنت أقول
أنا ضايقه ولحد يكلمني
مالي خلقكم
ولحد حاس فيني
والله ولا شي ولا احد بالدنيا يستـــاهل همي !!
إذا عندكم هم صلـو ركعتين واطلبو ربكم يفرجها
لاتذلون نفسكم لخلقه
ترى كلهم ضعاف
ما راح يسوون لكم شي
واحتسبو الأجر
احمدو ربكم حتى على البلاء
ان ربي بيكفر لكم به ذنوبكم
اللي يشوف أهل البلاء يوم القيامه يتمنى ان جسده قرض بالمقاريظ
حنا المرض الخفيف ما نتحمله
احمدو ربكم على كل بلاء
لأنه خير والله لكم
اللي في النهايه بتلاقونه حسنات
ولأن الدنيا ماااشيه
وبتنتهي بيوم من الأيام
ومآرآح تبقى كل النعم اللي اليوم انتم تطولونها
مآرآح يبقى إلا عملك
حنا ياجماعه همومنا موقفتنا عن كل شي
ماعندنا غير نندب حظنا
وعملنا
ودينا
ماسوينا شي
ياجماعه أنصح نفسي قبلكم لأني الله يعلم بتقصيري !
وقلة صبري ..!!
وضعفي ..!!!
نبي كل شي لنا وإذا نقصنا شي
تركنا كل اللي عندنا وقعدنا ننوح طول حياتنا على الناقص
إذا ارتفعت حرارتي ماتحملت وقعدت أصيح طول الليل
و بلال كان يضرب بالصخرة العظيمه الحاره بصحراء مكه
وهو يقول
أحــــــــــــدٌ أحــــــــــــــــد
وش له من الأجر عندالله
ياجماعه فكروا بس وش سويتوا ؟
وشو البلاء العظيم اللي مريتو فيه واللي بيكفر لكم ذنوبكم ؟
هذا طبعاً إذا احتسبتـو الأجر وماكسبتو زيادة سيئات بالقنوط
وسوء معاملتكم لاهلكم والناس !
مشكله مع زميلة دراسه-عمل؟
حالتك المادية سيئه؟
فيك مرض مزمن خطير؟
أقول في كلا الأحوال احمدو ربكم إنك مو في فلسطين ولا العراق
عرضكم مستباح
دمكم مستباح
تصبحون وتنامون خايفين تعدون عيالكم واخوانكم قبل يفجعكم الصبح الثاني
بواحد منهم
احمدو ربكم إذا أصابكم واحد من هالإبتلاءات إن ربي رفع عنكم بقيتهم
إذا أصبتم بالتهاب في الحلق فاحمدوالله أنكم م تصابـو سرطانفي البلعوم
وإذا أصبتم مرض في القلب فاحمدولله أنكم م تصابو مرضالقلوب الأعظم ( الكفر )
وإذا أصبتم مرض في عيونكم حمدوالله أنكم لم تصابوبالعمى
حنا في نعمه
ليه نجحدها؟
ليه ننكرها؟
ونخلي ربنا يسخط علينا
ربي رحيم
كريم
يعطي ويداه مبسوطتان
وحنا
نشكي لفلان وعلان
محد بينفعك
وإن نفعوك فإن ربي هو اللي يسّر لهم !
في الثلث الأخير من الليل كل يوم ربي ينزل للسما الدنيا ويقول
هل من داع فأستجيب له
كل يوم ياجماعه
كل يوم
وحنا كل يوم
وش نسوي !
فكروبجد
قاعدين على نت
ولا تسولفون مع اصدقائكم مسن !
ولا تلفزيون ولا فيلم ..
ولا نااايمين
ربك العظيم جل جلاله نازل يسمع مطالب عبده
ربي مايرد إيدينك إن رفعتيها
ربك كريم
عندك مشكله ؟
هو ملاذك
اشكي لــــه
كل شي
مشاكلك الكبيره والصغيره
الصحابه كانو يسألون الله حتى في شراك النعل !!
وربي إن ما أجاب دعوتك ألحين
بيثيبك على دعاؤك
وبتاخذين أجر من إيش؟ مجرد سؤال
وبيبرد على قلبك
ربي ما بلاك إلا لأنه يحبك
ربك قدير يقدر يبلي فلان من الناس وفلان
لكن
اختارك انت
ليه؟
يبي ينكد حياتك؟
لاوالله لأنه يحبك
ربك يحبك
في أحلى شعور من هذا =') !!
بلاءك مايزيد من ملكه شي سبحانه
ولا ينفعه بشئ
ينفعك انت
ربك يحبك
يبي يجمع لك رصيد
تلقاه بعدين

ربك هو اللي بلاك ماتستحون تشكون لغيره؟
وتعصونه وهوأكرمكم بابتلائه
اسأل الله رفع عن كل كرب وفرج ضيقه ويفتح على قلب قآرئ وييسر أمره ويكشف ضره إنه سميع سبحانه مجيب الدعاء

إن رباً كفاك ماكان بالأمس
سيكفيك في غدٍ ما يكون

الموضوع الأصلي: عيششو دِنيـّـآكَم ولا يهمـكَ أحدَ .. الدنيإ فآإنيهَ .. كلإم دررَ || الكاتب: Łŏʼnġ Śţōŗŷ || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

udaa, ]AkdJ~JN;Ql ,gh dilJ;Q Hp]Q >> hg]kdY tNYkdiQ ;gYl ]vvQ

الله يجزاك الخير

في

ميزان اعمالك

تسلم يمينج

بكل صراحه موضوع جداا رائع

الأتجاه لله سبحانه وتعالي عندما يكون لدينا مشاكل

ونسيان من خلقنا ويسر لنا أمورنا عند التيسير والجحود لله

ولا حول ولاقوة ألا بالله العظيم

الله سبحانه وتعالي نزل علينا رحمة من رحماته علينا وله المنه والحمد

معليش طولت

تقبلي خالص تحياتي

موضوعَ جميلَ جداً ..

تسلمْ آيدجَ

دُمتِ

الله يعطيج العافيه لونغ على الطرح الرائع

وجعله في ميزان حسنانتج يارب


تقبلي مروري

موووضووع رااائع

الله يعطيش العاافيه خيتوو,,

النـــأإأزفـ

ويجزاكـ يارب

كل الشكر لمرورك العطر

منور

..