جيت أغازل راعية الأصل الرفيع
من تكلمتْ أسقطت أكبر عباراتي
كنه دلع مدري أزهار ... الربيع
لاعاد تشابه , حضوره ويا أبياتي
حتى وأنا داخلٍ حضني , المنيع
نسيت وش أبي فيها .... حواراتي
فزيت كني ياعالم ... طفلٍ رضيع
أحارش النسمه وألعب مع فراشاتي
معذور سجة عيونها سبحان البديع
ليا أضحكت مثل الشمس في مساءاتي
تدرون لو مشيت والخطى كنه سريع
مايهمني لو هاج حتى موجي العاتي
ماجيتها تاجرٍ , يدور مشاعر لو تبيع
أصل الحكايه هي أجمل .... نهاياتي
فيها بديت أكتب وأطرب أذون الجميع
منها عشقت الحرف وعشقت معاناتي
أحبها من سنين لو تركتها والله أضيعْ
أكتم أحساسي وأغازل في فضاءاتي
