أمُوِتْ فِي [حِـَزِني ] وِ لا يدرِي آحدْ . !

19-04-2019, 07:58 PM

وينك ياابوي الدنيا بعدك ذل وظلم واهانه
انت كنت الامان لي وانت الصدر الحنون

محد يحس بضيقتي غيرك
رحلت وتركتني في هذي الدنيا

ليتك اخذتني معاك وريحتني من ظلم وهم الدنيا
بنتك ياابوي ضايعه مافي احد يحتويها

ضايعه في دنيا مافيها امان
انا من بعدك جسد بلا روووووووووووووووح

تعال ياابوي وشوف بنتك كيف عايشه
لو انت موجود ماعشت بهذي العيشه

ياللي سكنت القبر صوتي يناديك
موتك جرح قلبي وهد حيلي

والله ماانساك الين قبري يوزايك
واعلن من الدنيا العريضه رحيلي

الله يرحمك ياابوي ،،
ويارب الحقك اليوم قبل باكر

طفلتك الوحيدة
ميوره

19-04-2019, 07:59 PM

اغرقتهم بالاهتمام
فقتلوني بالالم

فهل اذنبت ؟؟!!

19-04-2019, 08:01 PM

مقوله ( فاقد الشئ لا يعطيه )
انا اقول
مقوله خطأ
انا فقدت اشياء كثيرا في حياتي
لكن اعطيتها البشر
ومازلت اعطيهم وساظل اعطيهم
الي اخر يوم في حياتي

19-04-2019, 08:04 PM

19-04-2019, 08:06 PM

يـبـه طق الجرس
وجيت أركض على قبرك

تضمني ؟
تضمني على صدرك

تضمني مثل أول لي جيتك أركض؟
وتحط راسي بحضنك ؟

تبوسني على راسي
تشربني كوب الماي بيدينك؟
تشوف أوراق كرّاسي ؟

يبه شوف هالواجب
صعب ماقدر على حلّه
يبه شوف ذاك الدرس
ماني فاهمه كلّه

يبه
ضعت من دونك
دربي ضاع ما ادلّه

يبه اليوم كلهم جـَوّ
كل طفلٍ معاه أبوه

تضحكله وهو فرحان
يجاوب صح تصفقله
تسأل عنه الابله تقول
مثل بنتك ترا قِلّه

وانا وحدي بآخر صف
طيفك ينتحل فكري
اشوفك جالس يمي
واقول شوفوا
شوفوا
ترا هذ إهو أبوي
أتلفت يمين شمال
وينك ليش مو يمي ؟
ليه الهم فيني زاد
منهو بيحتضن همي ؟

يبه رحت انا للسوق
شريت لحالي هدوم العيد
لبسي كله صار جديد

وصار بكرى يوم العيد
جيت اركض على دارج
بقول كل عام وانت بخير
لقيت العام كله راح
وماظل فيه من بعدك خير

يبه بروح للألعاب
توديني ؟
مثل أول بيوم العيد كنا نروح
كنا نركب الصندوق
نطلع كلنا ونرد
وطلعتنا ترد الروح

يبه حيل أنا مشتاقة
يبه حيل انا مشتاقة
والله أني إصغيّرة
مــا أقوى ألم لِفـْراق

شوف الدمع لك يحكي
يروي قبرك الطاهر
ومن آهاتي لك يشكي
يبه أمي ما تضحك

يبه بيتنا مُظلم
نور الشمس ما يكفي
نورك ليه عنّا غاب ؟
كل نورٍ وراه يطفي

يبه مدلي إيدينك
حطها على كفي
ابي ألمس دفاك بيوم
وعلى صدرك ابي أغفي

يبه خل هالحفرة
قوم إطلع منها
يبه ردي إلبيتك
ترجيتك ترجيتك
يبه ردي إلبيتك

وينه حضنك الدافي ؟
يذيب الثلج في دروبي
يدفيني بعز البرد
يحضن رعشة جنوبي

يبه خلاص مو كافي ؟
يبه ليه ماترد ؟
يبه ليه هذا الصمت
يبه أنا اتكلم
ليه انت ماترد
معقوله يبه ما تدرد

اني قاعدة اتكلم ؟
يبه , خلاص رحت ؟
خلاص ماعاد لي جنه
في هالدنيا اعيش فيها

خلاص غبت ؟
خلاص ما عادلي شمس
ٍتزيل الظلمة تمحيها

يبه
من بعد يواسوني
قالوا نلتقي بكرى
أنا ما بي أجي بكرى
ابيك اليوم لي وحدي
أبي اقعد بهالحفره

يبه دَن إشويه
بنام يمك بهالحفره

طفلتك الوحيده
ميوره