ღ°♫╣╠ღ ° القلب عازف .. والدمع نازف ღ°♫╣╠ღ °

:
أجـل يـا نـاثـر الدمـعـة تعـبـر خـاطـرك مكـسـور ... وفيته ما حصـل منـك تصـرف مـا عليـك جبـار

يقول اللي بحرف ( العين ) لا يامر وهـو مامـور ... عجايبـنـا مــن الدنـيـا تكفيـنـا عــن الـلـي صــار

أنـا لـو قلـت مـا حليـت مشكلهـا بغـيـر قـصـور ... ولـكــن الله الـبـالـي وأقــــول الــيــوم يــــا ســتــار

أحـب العـشـره الـلـي مــا بـهـا شــكٍ ولا مـحـذور ... وأحـب الندمـة اللـي تجمـع الخيّـر مـع الاخـيـار

فضحني دمعي الجـاري علـى فرقـاك يالمذكـور ... عسـاه يوسـع الخاطـر بمرسـولٍ يجـيـب أخـبـار

ألا يا نور من نورك تشعشع يـا شبيـه الحـور ... عسـاك تغيّـر السيـرة بحـسـن رضــاك والتـذكـار

أنـا مـا طـعـت عــذالٍ بحـبـك مــا قبـلـت الـشـور ... أعـــزك مـــن معـزتـنـا ولا نـبــدي لـــك الأعــــذار

جلسنا مجلس العادة وأكون بحضرتك مشكور ... تـبـادلـنـا صـداقـتـنــا ولا نـخــفــى لـــــك الاســـــرار

:

كفى الله فراقك يابعد كل من حبيت
عسى الموت لي قبلك وطيات الأكفاني

أناويش يبقى لي إليار خصتني واقفيت
ولا لي مراد بعيشةٍ كلها أحزاني

أشوفك ونا مدري تقل يالغضي صديت
ونا ماخبر مني خطا ليش تجفاني

أنا أللي بلا منة عطيتك ولا خليت
والى شانت الدنيا على الطول تلقاني

نصوحٍ سموحٍ كلما قلت لي لبيت
أبادرك بالطاعة ولو تطلب أعياني

بربك وربي والسماء والملا والبيت
فلا مثلك أحدٍ في زماني تولاني

أحبك من الله ما تخيرت يوم إبليت
بلاني بك اللي يعلم السر واعلاني

لو اطلب جلا حبك من الله إلى صليت
تجدد وزاد بخاطري يومي الثاني

تشوفه بعيني كلما رحت والاجيت
هماليل دمعٍ ساقته رفة اجفاني

عساني بظني يا نظير العيون أخطيت
وقلبك معي لا زال مغلي ويهواني

:
فتحت الصدر يا فتنه وفرجتك على قلبي
نزلتي وادي فؤادي سكنتي به وخيمتي

وشفتي ماخفى مني وهمي منك يلعب بي
ولايدري عن أحوالي سوى ربي ونا ونتي

زرعت بروضة ياليل غرامي بك وحسربي
تمنيتك ترجيتك وصادقتي ردى بخــــــتي

تمشيني برجى وصلك أجي وآقف على الدربي
وطرفي شاخص يا هيه ولكن ما تلاينتي

هقينا ماهقينا بك وشكوانا على ربي
يضيع العمر للعاشق ولامن حاكم يفتي

في شوق وخوف من شانك وانا المطعون في جنبي
هي البلوى رمت حظي عليك وماتورعتي

أصيح بصوتي الخافي إلى نسنس هوى الغربي
يجاوبني صدى صوتي وأنا اللي لازم صمتي

هوى وأشواق تطلع بي سماها ثم تنزل بي
ولاشالت ذلول الله مثل ماشلتي من وقتي

إلى جاء الصبح اسجم وأنطوي مع همي بحبي
سواد الليل يداويني دوى العشاق إلى نمتي

:

لاتجرحيني لاتزيدي الشقاوي
شوفي جروح القلب يصعب دواهـــــا
يكفي حياتي مابها من بلاوي
وأكثر بلاويها من اللي دها هـــــــــا

جفت سنيني مالفتها نداوي
ماهلت الأمطار تسقي ضماهـــــــــــا
روح عليله ماجاها مداوي
كل يوم أعاني من خفايا عناهـــــــــا

القلب عوقاته حياة الهقاوي
هقوه ورا هقوه وصدمه وراهـــــــــــــا
ظلم الليالي عمر مابه مضاوي
واسراري عمري ماضيه في عماهـــــا

الصبر كم حطم أماني الغلاوي
والنفس عافت صبرها يا هواهـــــــــا
لالا تزيدي ماشكيته وداوي
أوجاع روحي عالجي عمق داهـــــــــا

:

اخطيت في حق امي مـن ردى فالـي
شالفايـده دام قصـرنـى بواجبـهـا

انا اخطيت في حقها وانا علـى بالـي
اروح واسهر ولا افضـى اروف بهـا

الام مافكرت تنسـى الضنـى الغالـي
وانا نسيت اني من الواجب اقوم بهـا

لصرت مرضان تسأل وش جرى لحالي
وانا اتهـرب ولا فكـرت اروح بهـا

تسهر تحرى رجوعي لين اذن التالـي
وانا اتضايـق لجلستهـا واحاسبهـا

معاد ينفع بكاي اليـوم علـى حالـي
امي توفـت وكثـر النـوح يعذبهـا

ياسامعين المعـذب انصحـو السالـي
لايتعـب امـه وبأفعـالـه يغلبـهـا

والله لـو ترجـع امـي ويتهيـألـي
لحج فيها لوعلى اكتافي اطـوف بهـا

:

لحظة التوديع فيها ويش أقـول
كل مابالقلـب قالتـه الدمـوع

أعذرن يازين لوصمتي يطـول
لاتلومن حسرة الفرقـا تلـوع

ودي أوادعك والعبـره تحـول
موقفي صعبٍ وفرقاكم تـروع

أنتصر حزني وضاعن الحلـول
وانطفت من لوعتي كل الشموع

في خفا قلبـي تعابيـرٍ تجـول
في وداعك وانتهت بين الظلوع

مساء الخير عازف
مدونة رائعة
واصل ربي يسعدك