القصه الأولى من سلسلة قصة هوانا بعنوان الدقيقه بدونك طول شهر من العذاب للكاتبه مواجع

القصه الأولى من سلسلة قصة هوانا بعنوان الدقيقه بدونك طول شهر من العذاب للكاتبه مواجع

ممســــاكم الله بالخير ورجعت لكم بالروايتي الاولى من سلسلة قصة هوانا ومااحلل اي شخص ينقل روايتي ويغير في الاسماء دون ذكر اسمي ومصدر همسات الغلا اخليكم مع الروايه من البارت الاول " الدقيقه بدونك طول شهر من العذاب " البارت الاول في البدايه / اعرفكم على ابطال الروايه النازف عمره 28 وماسك شركة ابوه واملاكه كلها بعد وفاته انسان حبووب كثير وطيب بس اذا عصب مايشوف قدامه وفوق هذا كله يفرض احترامه على الكل بهيبته وشموخه والكل يحط له الف حساب " طويل وجسمه معضل بس حلو علييه وبشرته مايله للسمار الحلو وخشمه سيف وعيونه عسليه وشفايف ورديه " بإختصار جمال يعجز اللسان عن وصفه واخته مواجع عمرها 19 تدرس بالجامعه متخصصه ادارة اعمال انسانه طيبه لاخر درجه وغاامضه حييل وماتحب تبين لاحد حزنها ابدا " طولها متوسط و جسمها حلو ومتناسق مع طولها بشرتها بيضاء وشعرها طويل لـ ظهرها ولونه اسود وناعم وعيونها لونها بني وشفايفها ورديه وخشمها نحيف " طبعا امهم وابوهم متوفين في حادث سياره لما كان عمر مواجع 12 والي رباها اخوها النازف ورفض انه يتزوج ويلتهي بتربية اخته ومايحسسها بغياب امها وابوها وكان لها الام والاب والاخو والصديق نجي عند عايلة محمد محمد رجل ربي منعم عليه خير وله شركته الخاصه " طيب وحنون على بنات كثييير وكرييم ومايرفض لهم أي طلب ومربيهم احسن تربيه " نوره ربة منزل وهمها كله بناتها وبس عندهم 5 بنات اكبرهم : الاصيله عمرها 26 تدرس ماجستير وسبب رفضها للزواج هو دراستها !! " انسانه رومنسييه حييل وطيبه وعلى نياتها وتخبي كثير بقلبها وماتحب تشكي ورغم كل حزنها الا ان لها هيبتها بالمكان " " طويله ورزه وجسمها حلو وبشرتها بيضاء وعيونها وساع ومرسومه رسم مثل عيون بنات البدو ورموشه كثار وكثيفه ... وشفايفها ورديه وخشمها حلو وخدودها شوي مليانه وشعرها اسووود وطويل " جود عمرها 24 تدرس بالجامعه واقرب وحده للاصيله انسانه فلاويه وماهمه احد اهم شيء انها تبسط اخواتها وجدان عمرها 22 تدرس بالجامعه انسانه حالها حال نفسه وعايشه حياتها مرام عمرها 18 تدرس ثالث ثانوي انسانه تعطي بالوجه لوماعجبها وماتحب تجامل ابدا مروه عمرها 18 توأم اختها مرام وتدرس معاها بس عكسها بشخصيه انسانه طيبه حييل وماتحب تزعل احد منها وتجامل كثيير طبعا عايلة ابو محمد يقربون لـ النازف ومواجع نوره تصير خالتهم بجيب لكم على السريع عمان النازف ومواجع عندهم عمين اكبر واحد ابوه ومات والي بعده سالم وماجد عندهم خيرهم الي يكفيهم وعايشين حياتهم بنعمه ولله الحمد سالم عنده بنتين وولد واسمائهم كمايل وجمانه ولؤي كمايل عمرها 24 وجمانه عمرها 18 ولؤي عمره 27 وماجد عنده بنت وولد اسمائهم بشاير و ناصر بشاير عمرها 19 وناصر عمره 25 الاصيله تكلم اختها جود : تعبت ياجوود من زماان انتظره وماجاء واخاف ابوي يزوجني لغيره لاني طفشتهم بالعذر المزيف عشان دراستي جود : دامك تحبينه قوليله وبعدين شوفي ردة فعله لاتخلين الولد يروح من بين يديك وبعدين تندمين الاصيله خايفه : اخاف يرفضني جود : فيه احد يرفض بنت خالته الاصيله : ربك يعين جود : الا صح وين مواجع الدبه من زماان ماجاتنا الاصيله : تصدقين اشتقت لها ... صبر بـ ادق علييها يمه اشتقت لك وودي اجيك انا دنياي من بعدك ماتنطاق وحتى الفرح هاجرني وترك قلبي وحيد ... >>> وقفت هنا مواجع تمسح دموعها وتسكر دفترها وتنزل تحت مواجع تنادي : سيتي ... سيتي سيتي جات >>> تتكلم انجليزي وانا بترجم هع : صباح الخير انسه مواجع مواجع تتكلم انجليزي : صباح الخير اين ذهب النازف سيتي : لقد ذهب الى الشركه باكراً مواجع : اوك اذهبي دق جوال مواجع وردت : هلا بالصوت وراعية الصوت الاصيله تضحك : ي حياتي ... اخبارك !! مواجع : بخير وانتي !! الاصيله : دووم وانا بخير دامك بخير مواجع : دوووم الاصيله : اليوم كل خواتي يقولون انهم مشتاقيين لك ومن بثهم انا وعازمينك لعندنا مواجع : ي حيااتي وانا اشتقت لكم كثييير والله مااوعدك بس بكلم النازف الاصيله دق قلبها من لما ذكرت اسمه : طيب كلميه وردي لي خبر مواجع : اوك كمايل قاعده تفكر وقطعت عليها جمانه : بوووووووووو كمايل بصرااخ : بلااااااااااا ياغبييه وش تحسين فيه !! جمانه : تفكرين بحبيب القلب النازف كمايل بغرور : انا افكر فيه الا هو الي يفكر فيني وماينام الليل بدون مايفكر فيني >>> امحق جمانه عارفه ان اختها كذابه : ايه ماشاءالله هو دايم يكلمك ويقولك كمايل تشمق على اختها جمانه : اووه لهدرجه ... المشكله ان النازف مايحبك بس معلقه نفسك فيه مثل النشبه كمايل عصبة : هييييييييييييه ترى بااعطييك كف تكلمي معي عدل جمانه ماهمتها اختها : والله انك مسكينه ي قلبي انتي جالسه هنا وهناك النازف عايش مع الحب كمايل مسكته من بلوزتها : وش قصدك !! جمانه : اول نزلي يدك " نزلتها كمايل " اقصد حبيبة القلب الاصيله كماايل وتولع عيونها شرار من الغيره : وانتي وش دراك جمانه ماتكذب : تذكرين العزيمه الي سوتها مواجع ببيتهم وكل البنات حضروا وقتها انا سمعتها تقول لاختها جود " متى اشوفه ياجوود متى وحشني " كمايل : يمكن ماتقصده جمانه : صبر انا للحين ماكملت وردت عليها جود " وه يابختك يالنازف " كمايل انهبلت : حقيييييييييييييييره ... مستحييييييل تاخذه مني !!والله موتها على يدي لو اخذته مواجع مستانسه على بنات خالتها وحاولت تنسى همها وياهم جود منهبله على الاخر : يلا مواجع قومي ارقصي مواجع قامت وترقص >>> رقصها حلو >>> الي يمدح نفسه كذاب هع الاصيله تضحك على رقص مرام ومروه : هههههههههههههههههه " وصورتهم فديو بدون مايدرون " وجدان جالسه على جوالها البلاك وبعالم ثاني !! رجع البيت على المغرب واخذ له شاور ونزل تحت ودق على مواجع : هلابك ياقلبي مواجع : هلا بطش والبيض المسلوق !! النازف يضحك على اخته : ههههههههههههههههه انتي اذا رحتي لبنات خالتي تستخفين ماعاد يبقى عندك عقل وش معطينك هم مواجع : هههههههههههههههه " تكلم البنات " بنااات نزوفي يقول وش معطيني انتم الاصيله قلبها يرقص تبي تسمع صوته النازف : حطي اسبيكر بكلم البنات مواجع حطت اسبيكر : تفضل يااخوي االعزيز البنات مستحياات حيييل من النازف النازف بصوت رجولي وحلو : السلام عليكم كيفكم بنات خالتي جود المرجوجه : وعلييكم السلام بخير بخير بس ترى درينا اننا بنات خالتك لازم تذكرنا كل شوي النازف يضحك : ههههههههههههههه منو جود!! جود : يب جود المهبووله النازف : هلاوالله ببنت خالتي الاصيله خااااااااااااااقه عند صوته بعد ماكلم وحده وحده مابقى غير الاصيله النازف ويمسك قلبه : الاصيله !! الاصيله ارتبكت : هه هلا !! النازف بينه وبين نفسه " الله لايحرمني من هالصوت " : كيفك الاصيله تبلع ريقها : بخير النازف بينه وبين نفسه " ي عسااه دووم ي قلبي " : دوم ي رب ... طيب مواجع ي قلبي ارجعي بعد صلاة العشاء ماودي انك تتأخرين مواجع : بس ودي اسهر عند البنات بما انها اجازه النازف خايف عليها يحسها بنته : مواجع خلاص قلت كلمه ولاتراديديني فيها مواجع تدق الاصيله يعني كلميه والاصيله ناظرة اخواتها ويخزونها بالنظرات يعني كلميه الاصيله مرتبكه : احم ... النازف النازف تلخبطت كل مشاعره واحاسيسه ومبسوط انها نادت اسمه " بصوت عادي مايوضح انه خااق عندها " : نعم الاصيله : ودنا مواجع تنام عندنا الليل موااجع تأشر بأصبعها لا " لانها حاطه ببالها ان النازف مايوافق " النازف يغني بينه وبين نفسه " بس قول ابغى وانا اقول حاظر انت الوحيد الي كلامك اوامر " : طيب بس الليله البنااات يصارخوون من الفرحه والاصيله بعالم ثاني ماتوقعت انه يوافق كان فجأه رافض ومصمم بس انها تسهر ولما قالت الاصيله تنام بكل سهوله قال طيب تِحّس برآحتكك يمّي وأحّس برآحتّي يمكك آثآرِي إحسآسسنآآ وآحّد وكلً كّآتّم شعُورّه النازف سكر الخط وسرح بعالمه " اه يـاالاصيله والله ماغيرك اخذ قلبك ... يارب اجعلها من نصيبي " ومرت اسبوعين على الاحداث الي فاتت ومامن جديد غير حبك كل ثانيه يزيد بداخلي !! مواجع تكلم بالجوال بشاير اقرب وحده لها وبنفس عمرها : ياقلبي بيشو وحشتييني بشاير تتغلا : انتي ابد ماوحشتيني !! مواجع تعرف انها تتغلا : من تغلا تخلا بشاير ردة على طول : امزح امزح ذبحتيني بالكلام هذا الي دايم يتكرر هههههههههه مواجع : هههههههههههههههه دخل عليها الغرفه وشافها تكلم ومسوي معصب : منو تكلمين !!هالحزه بشايرتناظره : وقفي مواجع ... وانت وش يخصك ناصر جلس جنبها على طوول : موااجع ... سلميني عليها بشاير تعرف ان اخوها يحب مواجع : مواجع ناصر يسلم علييك ... ادري ادري نشبه ههههههههه مواجع منهبله : خيييييييير ماقلت لك شيء تألف من عندها ناصر يعرف ان مواجع ماتقول عنه كذا بس اخته تألف : اصلن مواجع حبيبتي ماتقول عني كذا صح جوجو مواجع مستحيه م ردت عليه ملاحظه " مواجع وناصر يحبون بعض من زمان مااحد يدري غير بشاير والنازف وبنات خالتها بس مواجع تستحي منه وهو جريء اخر درجه معاها " ناصر : ايييش جوجو مااسمع بشاير تضحك : ههههههههههههههه خبله تكلمي لكم 7 سنوات تحبون بعض ولازلتي تستحين منه ناصر : فديت الناس الي تستحي النازف مشتاق للاصيله كثيييييير وهو ناوي من زمان يخطبها من ابوها بس حاب اول يتأكد من شعورها اتجاهه وقال لازم اسوي هالشيء الليله بما ان مواجع عازمه البنات عندها تحت بصاله البنات جالسات " بنات خالتها – وبنات عمها كلهم " كمايل تخز الاصيله وشوي بتنط عندها : الا الاصيله وشبك ماتزوجتي للحين الاصيله مصدومه من سؤالها الغبي وحبت تقهرها : والله انا للحين مومقرره اتزوج حابه اعيش حياتي ولا الخطاب رصه عند باب بيتنا يتحرون بس موافقه مني >>> تعجبيني ملاحظه " ترى كمايل والاصيله من زمان يكرهون بعض دايم يناقرون بعض وكله من كمايل الي تبدأ بالمشاكل " جود : وه بس فديييت اختي بسم الله علييك كمايل منقهره وفضلت تسكت لان ماعندها رد الاصيله قامت تبي تروح الحمام : مواجع بروح الحمام شوفي لي درب مواجع قامت معها : اسمعي الحمام الي تحت يسون له سباكه اطلعي فوق الاصيله : بس اخوك مواجع : النازف بغرفته ومايطلع مشغول بالملفات تبع الشركه الاصيله وبكل ثقه طلعت فوق وبعد ماخلصت من الحمام اكرمكم الله وهي طالعه قدامها غرفة النازف فتح الباب وتقابلت عيونهم والاصيله انتفضت وقلبها وماوقف دق " لابسه فستان ماسك على جسمها بس مو حييل وطوله للساق ولونه احمر مخطط بااسود وشعرها مستشورته وفالته " النازف خق عليها وهو يعشق اللون الاحمر وبينه وبين نفسه يذكرالله الاصيله كانت بتمشي بس النازف مسك يدها الاصيله لفت عليه وماكان يفصل بينهم غير مسافه بسيطه والاصيله شوي تدوخ من ريحة عطره النازف : انا اسف اني مسكتك بالطريقه هذي " موعارف شنو يقول تخربط " بس انتي ... لازم تعرفين الي بقلبي لك الاصيله تناظر بعيونه وتتسمع لكلامه النازف : الاصيله انا احبك وشاريك الاصيله مومستوعبه كلامه وتحس انها بحلم : هاه النازف ابتسم وبينت غمازاته : احبـــــك الاصيله مصدومه : انت تحبني انا !! النازف : وابي اتزوجك على سنة الله ورسوله الاصيله ودها تضمه من الفرح النازف شافها ساكته : ماتحبيني !! الاصيله ردت بسرعه : اكييييد احبك النازف مصدومه ورغم هذا كله مستانس : يعني طلعتي تحبيني مثل مااحبك الاصيله نزلت راسها : من زمااان ... انا لازم انزل تأخرت على البنات النازف : نقول مبرووك الاصيله بحياء : حياك الله " ونزلت " النازف فرح وراح ينطنط بغرفته لو احد شافه مايقول هذا النازف الي الكل يحسب له الف احترام والمعروف بهيبته >>> بس ماينلام الحب ومايفعل وبعد اسبوع اعلنوا خطبت النازف والاصيله وتحدد موعد ملكتهم بعد اسبوعين ولما درت كمايل حقدت على الاصيله وماعاد تشوف قدامها من غيرتها والي براسها راح تسويه ببيت محمد " البنات فرحانات ومعهم مواجع وبشاير ويباركون للاصيله " جود : كللللووووووووووووووووووووش مبروووووووووووووووك الاصيله : الله يبارك فيك وعقبالك ي رب مواجع تضم الاصيله : مبرووك ي زوجة اخوي مراام تستهبل : بدأ مسلسل الزوجه وحماتها البنات يضكوووووووووووون وطلعوا كلهم مع بعض السوق عشان يدبشون للاصيله للملكه وللزواج لان بعد الملكه بشهر زواجها ومن بكرا راحت مواجع عند بشاير في العصر بشاير : ي هلا ارحبووووووو مواجع تضحك : ههههههههههه حشى رجال مو بنت بشاير : هذا جزاتي !! دخلت عليهم ام بشاير " شوي متكبره " : هلا مواجع مواجع : هلافيك عمتي ام ناصر : كيفك !! مواجع : بخير ي عمه وانتي ام ناصركأن مواجع موعاجبتها : ايه بخير ... الا مواجع مبرووك على النازف مواجع لاحظت نظرات ام ناصر لها ماعجبتها ك الله يبارك فييك ي عمه ام ناصر قامت : انا بروح واخليكم الحالكم بشاير استحت من امها : مواجع ماعلييك امي طبعها كذا مواجع : مومن جدك بالعكس عمتي ماحسستني بشيء " تخبيء " بشاير : اوك بس حبيت اقولك دخل عليهم ناصر وهو مادرى ان مواجع فيه : مواااااااااااااجع عندناااااااااا ي هلا تو نور البييت مواجع مستحيه ومنزله راسه بالارض ولاتكلمت ابدا !! بشاير : اطلع براا خليت البنت تستحي ناصر عيونه على مواجع مانزلها ابدا : احلفي بس ... مواجع تبيني اطلع !! ... مضايقك انا !! بشاير تلف ع مواجع : ردي وقولي اييه مواجع بصوت واطيء ويالله ينسمع : لا عادي ناصر قرب لعندها : ايييش مااسمع " يترجاها " تكفيين تكلمي ابي اسمع صوتك وربي محروم سنه كامله منه رفعت راسها مواجع وحنت عليه شوي ويبكي : وش اقول !! ناصر نزلت دمعه من عيونه لااراديا : بس قلتي ياعيوني انتي مواجع انصدمت يعني لهدرجه ناصر يبي يسمع صوتها : وشفيك تبكي ناصر يمسح دموعه ويضك : ماابكي بس هذي دموع فرح ... الله لايحرمني منك بشاير تناظرهم بصمت مواجع : ولامنك بشاير : اميييييييييييييين خلصتم الفلم الرومانسي حقكم ناصر : انتي ليه غييراانه بشاير وقفت : اناااااا اغار منك انت هههههههههههه ضحكتني ناصر : اقوول يامسلسل اتركي حركاتك هذي ولاوصيك " يناظر مواجع " ع نظر عيني بشاير : لاتوصي حريص انا احرص منك علييها ومرت الايام والليله زواج النازف ع الاصيله وكمايل كل ماتبي تسوي الي براسها فيه شيء يمنعها ي ترى وش الي براسها !! الكل مستااانس بس فرحت الاصيله ماتنوصف بغرفة العروس وبعد ماخلصت كل شياكتها الاصيله : مو مصدقه ي جود اني تزوجة الانسان الي احبه جود : الا قولي مومصدقه انه يبادلني نفس الشعور ومن زمان بعد الاصيله : الحمدلله ي رب جود : الله يتممها ع خير الاصيله : امييييين ودخلوا البنات عليها وقعدوا يسالفون ويهدون من ربكتها لحد وقت الزفه وجاء وقت الزفهوانزفت الاصيله على اغنية اجنبيه وهاديه ورمانسيه والانوار خافته وكانت هي ملكت هالليل والين وصلت الكوشه ودخل عليها النازف ومعه ابوها النازف باس جبينها : مبروك علينا ياروحي الاصيله مبتسمه : الله يبارك فيك وعدت هالليله ع خير والاصيله والنازف ودعوا الكل وسافروا جزر المالديف يقضون شهر العسل هناك وخلوا مواجع عند بشاير بشاير : الايام تمشي بسرعه ماشاءالله مواجع : ايه والله صدقتي بشاير : مااقول غير الله يكفينا شر هالدنيا تحت ناصر شافها فرصه يكلم امه الحين دخل عليها الصاله لقاها تتقهوى باس راسها ناصر : كيفك يمه ام ناصر : بخير ناصر يبي يدخل بالموضوع بدون لا لف ولا دوران : يمه انا نويت اتزوج ام ناصر فرحت : صدق يمه مبرووووك اجل من الحين بدور لك ع بنت ناصر ابتسم : الله يبارك فيك ... لايمه البنت جاهزه ام ناصر بفضول : منو البنت !! ناصر : مواجع ام ناصر : معصييييي ماتاخذها بنت الفصعونه ناصر ك يمه حرام المرهم توفيه من زمان ولازال هالحقد بقلبك ام ناصرعصبت : قلت ماتاخذها يعني ماتاخذها وبعدين وشتبي ببنت يتيمه مثل هذي ناصر : لو ماخذيتها اعتبري ولدك ناصر مات " وطلع " مواجع طلعت فوق ودخلت الحمام واستسلمت للسمعته " اه ي عمتي حراام علييك وش ذنبي ي انا لييه كل هذا يصير معي ... خلاص ناصر مو لي بياخذ غيري ... اكييد مرده بيسمع كلام امه وينساني وانا ماراح الومه هذي امه ... بس والله احبه ومااقدر اعيش بدونه ... راح احاول انساك خلاص " * " صحيح ان الفراق اقسى ولكن الوصال محال " الاصيله جالسه ع الشاطئ وعيونها ع البحر ولا شوي احد يغطي وجهها بيده الاصيله خافت لانها كانت سرحانه ولاجاء ع بالها احد يسوي فيها كذا بس تذكرت النازف : نزووفي عرفتك ولارد !! الاصيله بدت تخاف اكثر : النازف رد !! ولارد !! الاصيله : النازف عن هالحركات وربي ازعل ولارد !! الاصيله هنا بكت وتشهق : تكفى منو انت قولي !! النازف ع طول ضمها لحضنه : من جدك انتي ترى كنت امزح معك الاصيله تتدفه : مزحك مثل وجهك النازف ابتسم : اها وجهي حلو يعني مزحي حلو الاصيله غصب عنها ضحكت تحبه : هههههههههه لاتعيدها بس النازف : ي حياتي انتي من عيوني ماراح اعيدها بس ماهقيتك لهدرجه خوافه هههههه الاصيله تتأمله : الله لايحرمني منك النازف ابتسم : ولامنك ي قلبي انتي " وبعد اسبوعين رجعوا البيت ورجعت مواجع من عند بيت عمها " ناصر كره حياته وصار يسهر الليل برا وم يرجع الا بااخر الليل وماياكل ابدا وامه تعبت تحاول فيه وع الساعه وحده رجع البيت لقى امه تنتظره في الصاله ناصر واضح التعب علييه : سلام ام ناصر : ووعليكم السلام تعال ياولدي اجلس جنمبي ناصر جلس جنب امه ام ناصر : ليه كل هذا ي ولدي ... ليه فجأه تغيرت ناصر : والله انتي عارفه لييه وراح استمر على هذا الحال لين تسمعي خبر وفاتي ام ناصر : وه بسم الله انت ي ولد بتجلطني !! ناصر بصوت مبحوح : ماعندي كلام غير هذا ام ناصر : طيب انا موافقه تتزوج مواجع ناصر لف ع امه مومستوعب كلامه : صدق يمه ام ناصر : بشرط ترجع مثل اول واحسن ناصر فرح وباس راس امه : اكييد دام ان مواجع بقربي تطمني ي الغاليه انا بخير من بكرا الظهر بدايه جديده وشمس جديده للتستقبل كل العشاق من كل مكان متجمعين ع طاولة الطعام " مواجع والنازف والاصيله " مواجع : واخيييرا يااخوي شفتك متزوج النازف : وعقبال ماتشوفين عيالي ي رب " يغمز للاصيله " مواجع والاصيله : اميييين النازف : ودي قبل لايجي رمضان اسفركم برا نتمشى مواجع : واااو وناسه الاصيله : الي تشوفه وبعد ماخلصوا من الغداء انتقلوا للصاله ويسولفون والا الي تدخل عليهم وماسكه مسدس في يدها والكل التفت لها مصدووم الناازف : كمااايل !!!!!!!!!!!!!!!!! كمايل والشياطين تدور حولها : اييه كماااايل عبااالكم بتركم تتهنون انا اليوم جايه اخذ منك حبيبة قلب اصيلوه باخذ روحها النازف : وش هالكلام ي كمايل تعوذي من ابليس كمايل الحقد والغيره عاميتها : اجل تاخذ هالحقيييره وتتركني مواجع والاصيله مصدومات وخايفاات انها تتهور وتسوي شيء كمايل وتوجه المسدس زين ع الاصيله وفجأه طرااااااااااااااااااااااااااااااااخ " - توقعاتكم الطلقه صابت الاصيله ولا لا - مواجع راح تستمر مع ناصر ولا لا " في انتظار ردودكم واقبل النقد قبل المدح وماراح اقبل الردود المختصره خبروني وش الي عجبكم بالبارت الاول وشنو الي ماعجبكم ابي تفااعل عشان استمر !!

الموضوع الأصلي: القصه الأولى من سلسلة قصة هوانا بعنوان الدقيقه بدونك طول شهر من العذاب للكاتبه مواجع || الكاتب: مواجع || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

hgrwi hgH,gn lk sgsgm rwm i,hkh fuk,hk hg]rdri f],k; ',g aiv hgu`hf gg;hjfi l,h[u